Podkasto: Ludu en nova fenestro | Elŝutu
La 1212-a E_elsendo el la 05.12.2022 ĉe www.pola-retradio.org
– Nia hodiaŭa antaŭmikrofona gasto, estas Fábio Fortes el Brazilo, kiun ni renkontis dum la aŭtuna sesio de la Interlingvistikaj Studoj en Poznano. Tiuj ĉi studoj, sed ankaŭ lia profesia laboro kiel lekcianto pri klasikaj lingvoj kaj esperantista aktivado estas temo de nia interparolo.
– En aktualaĵoj ni informas pri i.a. inflacio en eŭrosfero laŭ Eurostat; pri 100-jariĝo de la pola malplimulto en Germanio; pri nova trajna ligo inter Krakovo, Varsovio kaj Vilno (Litovio); pri Vortaro de la Pola Ortodoksa Terminologio.
– La sciencbultena temo estas dediĉita al interesa materialo konduktanta elektron pli bone ol metalo.
– Fragmente Ĵomart kaj Nataŝa, koncertontaj semajnfine en Bjalitoko, kantas la kanzonon „Kisu min multe…”.
La programinformon akompanas interreta foto de trajno de PKP Intercity, kiu ekde 11.12.22 trafikos el Krakovo, Varsovio al Vilno (Litovio).
– En unuopaj rubrikoj de nia paĝo eblas konsulti la paralele legeblajn kaj aŭdeblajn tekstojn el niaj elsendoj, kio estas tradicio de nia Redakcio ekde 2003. La elsendo estas aŭdebla en jutubo ĉe la adreso: https://www.youtube.com/results?q=pola+retradio&sp=CAI%253D I.a. pere de jutubo, konforme al individua bezono, eblas rapidigi aŭ malrapidigi la parolritmon de la sondokumentoj, transsalti al iu serĉata fragmento de la elsendo.
Laŭ la horaro valida ekde la 11-a de decembro 2022, la trajno de la fervojkompanio IC (InterCity) „ZAMENHOF” Varsovio – Bjalistoko – Varsovio trafikos ĉiutage ĝis la 11-a de marto 2023 jene (laŭ la stato de la 9-a de dec. 2022) :
• Warszawa Centralna (la komencstacio) forveturo je la 20:35
• Bjalistoko alveno je la 23:00
• Bjalistoko forveturo je la 05:00
• Warszawa Zachodnia alveno je la 07:35 / 07:44
(tra Warszawa Wschodnia, Warszawa Centralna)
Bonsalute Jerzy
Kara Redakcio! Nur kurte: Mi tre dankas pro la tre interesa programo. Bela novaĵo estis pri la baldaŭa trajnkonekto de Krakovo al Vilno. Eble menciindas, ke la trajno veturos tra Bjalistoko. Eble ĝi povus ekhavi la nomon de nia lingvo?
La interparolo kun la klasika lingvisto Fabio Fontes estis brila – pro la etoso, perfekteco de la lingvaĵo kaj interesa temaro.
Elkorajn salutojn al vi!
Dankon Barbara. La elsendo estas tre valora.