Podkasto: Ludu en nova fenestro | Elŝutu
La 808-a E_elsendo el la 23.11.2018 ĉe www.pola-retradio.org
En la komenca kulturkroniko ni informas pri la daŭranta 5-a Festivalo de Ignacy Jan Paderewski en Varsovio; pri la okazonta venontsemajne en Bydgoszcz 4-a Internacia Akademio, dum kiu d-ro Marek Nahajowski prelegos pri la interna ideo de L. Zamenhof kaj ĝia resonanco en la muzika E-kulturo; pri la speciala eldono de la unua pola kroniko el la 12-a jarcento de Gall Anonim.
En la E-komunuma segmento ni raportas pri la novembra omaĝevento al Lucija Borčić en Kroatio kaj pri la rezultoj de la tradukkonkurso, portanta ŝian nomon; ni raportas krome pri plia esperantista renkontiĝo en la Paraiba Valo.
Fine ni proponas la leterkestan renkontiĝon.
La akompana interreta foto de nia programinformo prezentas la komencon de la kroniko de Gall Anonim.
Muzike akompanas nin – Valentina Cancino per fragmento de la kanzono „Ami” kaj Dirce Sales per la fragmento de la kanzono „La estonto estas nia”. Ni muzike citas el la simfonio „Polonia” de I.J. Paderewski kaj el „Ho, mia kor’” de Merlin.
Nia elsendo estas aŭskultebla ankaŭ en jutubo pere de: https://www.youtube.com/results?q=pola+retradio&sp=CAI%253D
plastiko= Plasto
Viaj programoj memorigas al mi la bravan tempon de la mallongondaj elsendoj, kiam la ekscito estis tiel granda ke mi foj-foje interpretis por la patrino! Nun, kiam la sono tiel bonege auskulteblas, tempo kvazau malaperis. Nu mi, tamen, dankas pro la ghuo kaj ankau pro la oportuno de familiarigho kun Pollando.
Brazilajn salutojn al la polaj samidenoj, kiuj simpatie parolas pri nia lando kaj nia gento!
Mi kore dankas la prezentadon de unu el miaj komponajxoj kaj ankau deziras sendi al la programo la kanzonon prezentita de mi kaj de mia amikino Tania Paixão, dum la
rekonto en Sudparaiba Valo. Cxu eblas?
Gxis baldau kaj gratulon pro la programo!
En la nomo de brazilaj Esperantistoj mi kore dankas, ke vi denove informas pri niaj regionaj renkontoj. Estas por ni honoro , ke vi okupas tempon de via programo per nia modesta agado. Mi nur bedaŭras, ke malmultaj aŭskultantoj reagas . Al mi viaj programoj estas ĉiusemajna plezuro kaj mi ĉiam emas gratuli kaj danki.