Podkasto: Ludu en nova fenestro | Elŝutu
La 526-a E-elsendo ĉe www.pola-retradio.org el la 23.02.2016:
– La antaŭmikrofona gasto ĉi-semajne estas germana lingvisto, Cyril Brosch (http://www.cyrilbrosch.net), kun kiu ni interparolas pri Mime-projekto.
– La komencaj aktualaĵoj koncernas la unian raporton pri la porfamilia helpo en la uniaj landoj kaj la pola projekto Familio 500+, kiu celas pozitive ŝanĝi la rilatan situacion en Pollando; la aplikaĵon de la Muzeo Auschwitz-Birkenau, kiu elserĉas la kalumniajn vortumojn pri “polaj koncentrejoj” proponante historiajn difinojn; la elekton de “Quo Vadis” de Henryk Sienkiewicz por la Tago de Nacia Legado en 2016.
– En la scienca bultena ni informas pri interesa esploro pri la rilato inter morala kaj fiika pureco.
– Muzike akompanas nin jam en la komenco “Valso por amikoj” de Ĵomart kaj Nataŝa per kiu kanzono ni salutas ĉiujn geaŭskultantojn kaj radioamikojn en la Semajno de Internacia amikeco.
La aktualaĵoj kaj sciencbultenaj temoj estas paralele legeblaj kaj aŭskulteblaj en la rubrikoj „Novaĵoj” kaj „Sciencaj informoj”. Aparte estas ankaŭ aŭskultebla interparolo kun nia antaŭmikrofona gasto en la rubriko “Antaŭ la mikrofono”.
La informo pri la Remember app de la Auschwitz Muzeo kiu postchasas la malkorektajn difinojn de la t.n. “polaj koncentrejoj” estas malkompleta. Trovinte la neakceptatan formulon, ghi sugestas skribi “germanaj koncentrejoj” kiu estas same malghusta. La koncentrejoj estis mastrumataj ne nur de germanoj sed multaj SS devenis el multaj diversaj eùropaj landoj. Esprimo kia “naziaj koncentrejoj” estus historie pli ghusta. Estas bedaùrinde ke la jhurnalistoj de Pola Retradio ne rimarkis tiun mankon kiu intence portas al malamo de aliaj nacioj.
En la sama elsendo, oni aùdas programeron pri purigado de manoj kaj listigas diversajn religiojn kia kristanismo, hebraismo kaj hinduismo. El kiu motivo la praktiko de granda kaj malgranda (kaj ankaù senakva) purigado de korpo en islamo ne estas citata?
Eble oni atentu ke kion oni dummilite faris al Poloj, negante ilian ekzistorajton, oni ne faru al Islamanoj.
Pola Retradio ne plu estas shtata retradio kaj iom pli pensolibereco rilate al la oficiala mondvido de la aktuala pola registaro estus bonvena. Dankon.
Dankon pro la interesega elsendo! La interparolo kun d-ro Brosch pri la Mime-projekto estas tre atentokapta. Estas bonege, ke d-ro Brosch kaj Esperanto ludas gravan rolon en tiu esplor-projekto pri multlingvismo en Eŭropo. La aliaj programeroj estas ankaŭ tre bonaj. Gratulon pro la informoriĉa enhavo de la programoj.