Podkasto: Ludu en nova fenestro | Elŝutu
La 14-a fragmento de la romano “Quo Vadis” de Henryk Sienkiewicz en la E-traduko de Lidia Zamenhof aŭdiĝas en la literatura segmento de la 390-a E-elsendo ĉe www.pola-retradio.org. En la komenca parto ni informas pri la rifuzo de la Eŭropa Parlamento okupiĝi pri la trapaso de la komunumaj balotoj en Pollando kaj pri la titolo >Polonus bene meritus< por la prezidanto de Bjalistoko, T. Truskolaski. La temo el la pola gazetaro rilatas al rekomendo noti en poŝtelefono la t.n. ICE-numeron, t.e. telefonnumeron de persono nepre kontaktenda kaze de ajna sortobato. La sciencbultena informo informas pri nova materialo oksigenabsorba aparte utila por plonĝistoj kaj… fajrobrigadistoj. En la hodiaŭa programo denove aperas GUMI (sintezita vokalojda voĉo) prezentante la kanzonon de Roksmai “Trans la nebulo”. Ĝi estas aĉetebla pere de reta vendejo, ekz. http://www.amazon.com/Trans-La-Nebulo-Feat-Gumi/dp/B00P22FWY0. Ĝi estas trovebla senpage en YouTube per la titolo “Trans la nebulo”.
Dankon por unu plia interesa programo. Ne mirinde, ke balotoj kauzas diskuton kaj disputojn en Pollando: tio shajne estas tutmonda fenomeno, chu ne? Gravas, ke demokratio plu regu, ech se ne perfekta!