Antaŭ la mikrofono
Kun d-ro Ulrich Lins pri la redaktita de li “Vivo de Zamenhof” de Edmond Privat
La 14-an de aprilo pasis la 107-a mortodatreveno de la lingvokreinto, d-ro Ludoviko Zamenhof. Tiukuntekste ni memorigas nian arkivan interparolon kun d-ro Ulrich Lins el 2007 pri lia redakto de la 6-a eldono de „Vivo de Zamenhof” de Edmond Privat.
Interparolis red. Barbara Pietrzak
El la elsendo 15.04.2024 – 08′ 39″
Przemek, Rafał kaj Tobiasz pri la lastaŭtunaj C2-nivelaj ekzamenoj
Hodiaŭ antaŭ nia mikrofono gastas tri junaj poloj, kiuj dividas kun ni siajn spertojn kaj impresojn pri la trapasita KER-ekzameno sur la nivelo C2. Ni renkontiĝas kun Rafał Darasz, Tobiasz Kubisiowski kaj Przemysław Wierzbowski.
Interparolis redaktorino Barbara Pietrzak
El la elsendo 10.04.2024 – 11′ 23″
Ĝojo – Hoan Tran el Vjetnamio pri sia vojo al Esperanto kaj la movadaj aktivadoj
Hodiaŭ ni gastigas antaŭ nia mikrofono konatan vjetnaman esperantistinon Ĝojo – Hoan Tran, esperantistiĝintan okaze de la Hanoja UK poste kaj nun vigle aktivantan i.a. en la junulara kaj regiona azia kaj oceana E-movado. Dum siaj studoj en A.Mickiewicz-universitato en Poznano ŝi preparas sin por fariĝi E-instruistino.
Interparolis redaktorino Barbara Pietrzak
El la elsendo 20.03.2024 – 06′ 48″
Kun prof. Fábio Fortes pri la sorĉisto de brazila literaturo
Nia interparolanto proksimigas al ni la figruon de Machado de Assis, difinata kiel sorĉisto de la brazila literaturo. Al tiu temo estis dediĉita lia prelego dum la lasta ARKONES, dum kiu la ĉeestantoj povis specimene konatiĝi kun iu el liaj verkoj en la E-traduko. Al la tradukado de literaturaĵoj de Machado de Assis dediĉas sin aparte Paulo Sergio Viana.
Interparolis redaktorino Barbara Pietrzak
El la elsendo 10.03.2024 – 10′ 01″
Pri la aktualaj taskoj, planoj kaj projektoj de CED
CED, Centro de Esploro kaj Dokumentado pri Mondaj Lingvaj Problemoj estas la temo de nia interparolo, kiun ni faris kun ĝia direktoro Mark Fettes dum lia lasta vizito en Pollando (interlingvistiko.net).
Interparolis redaktorino Barbara Pietrzak
El la elsendo 01.03.2024 – 11′ 03″
Kun Wim Jansen, la eksa profesoro pri interlingvistiko kaj Esperanto en la Amsterdama Universitato
Komence de februaro 2024 venis trista informo pri la forpaso de prof. Wim Jansen, kiu en 2009 transprenis katedron pri Interlingvistiko kaj Esperanto ĉe la Amsterdama Universitato. Tiuokaze ni memorigas nian arkivan interparolon kun prof. Jansen, en kiu ni koncentriĝas pri lia posteno kaj lia inaŭgura parolado “Esperanto, lingvo aminda”.
Interparolis redaktorino Barbara Pietrzak
El la elsendo 10.02.2024 – 12′ 36″
Kun Ada Fighiera-Sikorska okaze de ŝia 95-a naskiĝdatreveno
La 26-an de januaro 2024 pasis la 95-a naskiĝdatreveno de Ada Fighiera-Sikorska (+1996), plurjara redaktorino de “Heroldo de Esperanto”, asistanta ĉe la kreiĝo de la E-redakcio de Pola Radio en 1959. Dum unu el siaj multaj vizitoj en la E-redakcio ŝi dividis en 1994 siajn konfesajn opiniojn pri sia identeco esti polino, esti esperantistino, aparte en la situacio de konstanta loĝado ekster Pollando.
Interparolis red. Barbara Pietrzak
El la elsendo 30.01.2024 – 07′ 23″
Tanzania UK atendas
Ni prezentas sonscenon el la aparta programero dum la Torino UK per kiu la kongresanoj estis invititaj al Aruŝo. Programero memoriganta, ke la 31-an de decembro 2023 pasas la unua favorpreza aliĝperiodo.
red. Barbara Pietrzak
El la elsendo 30.12.2023 – 13′ 33″
Neformale kun prof. Fabrizio Pennachietti
En la hodiaŭa Kristnasketosa elsendo nia antaŭmikrofona gasto estas prof. Fabrizio Pennacchietti, kiu dum la antaŭmikrofona renkontiĝo, kiu parte aŭdiĝis en nia kongresa sonraporto el la komenco de aŭgusto, parolas ankaŭ pri la graveco de Torino por lia esperantistiĝo kaj pri lia familio, en kiu Esperanto ne malgravis, eble eĉ estonte pli prosperos.
Interparolis red. Barbara Pietrzak
El la elsendo 25.12.2023 – 09′ 58″
La 22-jariĝo de edukado.net
En la 22-a naskiĝdatreveno de edukado.net ni gastigas antaŭ nia mikrofono ĝian redaktorinon, Katalin Kovats invitante por ĝia zoom-a festo. Estas la okazo gratuli al Katalin Kovats pro sia nunjara distingo per la titolo Honora Membro de UEA. Ni parolas ankaŭ pri KER-ekzamenoj.
Interparolis red. Barbara Pietrzak
EL la elsendo 15.12.2023 – 13′ 26″