Podkasto: Ludu en nova fenestro | Elŝutu
En la 1326-a E_elsendo el 20.06.2024 ĉe www.pola-retradio.org:
• Hodiaŭ redaktoroj Gabi Kosiarska kaj Maciek Jaskot surprizis la redakciestron Barbara Pietrzak per kelkaj demandoj rilataj al ŝia esperantisteco en la kunteksto de ŝia rondcifera vivjubileo. Tiel kreiĝis mozaiko de rememoraj bildoj, kiujn ni prezentas kiel redakcian antaŭmikrofonan renkontiĝon.
• En la komencaj novaĵoj ni informas pri la kreiĝanta nova pavilono en la Muzeo de la eksa Treblinka-koncentrejo; pri daŭranta plebiscito por la Pola Arbo 2024; pri la nova turisma atrakciaĵo en Wolin.
• Hodiaŭ, la 20-an de junio – i.a. en Pollando je 22:50 ni notos Someran Solscticon – komenciĝas la somero. Tio estas temo de nia sciencinforma bulteno.
• Muzike ni prezentas fragmente la kanzonon „Amikeco” el la lasta KD de Armel Amiot, kiu aperis kiel dua oficiala muzikvideaĵo. Konsultebla adreso: https://www.vinilkosmo-mp3.com/eo/kanzono-tradicia-progresiva/armel-amiot.html.
• Sur la akompana al la programinformo foto videbliĝas geredaktoroj Barbara Pietrzak, Gabi Kosiarska kaj Maciek Jaskot en la iama E-redakcia ĉambro de la Pola Radio.
• En unuopaj rubrikoj de nia paĝo eblas konsulti la paralele legeblajn kaj aŭdeblajn tekstojn el niaj elsendoj, kio estas tradicio de nia Redakcio ekde 2003. La elsendo estas aŭdebla en jutubo ĉe la adreso: https://www.youtube.com/results?q=pola+retradio&sp=CAI%253D I.a. pere de jutubo, konforme al individua bezono, eblas rapidigi aŭ malrapidigi la parolritmon de la sondokumentoj, transsalti al iu serĉata fragmento de la elsendo.
Kara Barbara,
Sanon, feliĉon, prosperon kaj multajn ĝojmomentojn okaze de via jubileo.
Via alloga voĉo en la E-radio aŭdiĝu ankoraŭ dum longa tempo!
Kore via Jerzy Dryja
Kara Barbara,
Okaze de Via ronda 80a jubileo, akceptu miajn plej elkorajn bondezirojn. Mi deziras al Vi sanon, prosperon kaj senfinan ĝojon en via valorega laboro. Via sindona kaj diligenta laboro pri la elsendoj de Pola Retradio en Esperanto estas vera trezoro, kiu brilas per via dediĉo kaj amo al nia kara lingvo.
Via voĉo, resonanta tra la etero, alportas lumon kaj esperon al esperantistoj ĉie en la mondo. Via laboro ne nur informas kaj instruas, sed ankaŭ inspiras kaj unuigas. Via sindonemo estas ekzemplo por ni ĉiuj, kaj mi volas esprimi mian profundan dankemon pro ĉiuj jaroj de via fideleco kaj pasio.
Ĉi tiu jubileo estas nur unu el la multaj mejloŝtonoj en via rimarkinda vojaĝo. Mi esperas, ke la venontaj jaroj estos plenaj de feliĉo kaj sukcesoj, kaj ke vi daŭre helpos al nia komunumo kreski kaj prosperi.
Kun profunda respekto kaj varmaj salutoj,
Bogusław Ubik-Perski (Esu Peranto)
El Portugalio kun la plej bonajn salutojn.
Carlos Moreira