Podkasto: Ludu en nova fenestro | Elŝutu
La 1098-a E_elsendo el la 07.09.2021 ĉe www.pola-retradio.org
Niaj komencaj aktualaĵoj – krom kronvirusa kroniko – pli aŭ malpli rekte liĝigas kun pandemio. Temas pri pandemisekva prezokresko kaj psika bonfarto de poloj kaj pri iliaj ŝanĝiĝantaj pro la pandemio konsumkutimoj. La sciencbultena temo traktas novajn malkovrojn de polaj arkeologoj ĉe rita festenejo en la kipra Paphos. Hodiaŭ, dank’ al Alvaro Motta ni raportas pri la Tago de la Nacia Legado, al kiu aliĝis brazilaj esperantistoj – https://www.dropbox.com/sh/5c8alxowcx19u5g/AAAHiGdqu-nCfI9xn3ySj67ea?dl=0. Dank’ al estarano de Japana E-Instituto Atushi Nishinaga ni informas i.a., ke eksterlandaj esperantistoj povas senpage aliĝi al la rete okazonta 108-a Japana E-Kongreso – https://jek2021.jei.or.jp/aligxo-eo/. Nia interreta programakompana foto bildigas fragmenton de malkovra rikolto de polaj arkeologoj ĉe la reta festenejo en Paphos. Muzike akompanas nin Manno Montanna per la kanzono „Jolanda”. Ni prezentas ankaŭ kanzonon de la pereinta en Hiroŝimo knabino el la kasedo „Japanio kantas por paco”. En unuopaj rubrikoj de nia paĝo eblas konsulti la paralele legeblajn kaj aŭskulteblajn tekstojn el niaj elsendoj, kio estas tradicio de nia Redakcio ekde 2003-a jaro. La tuta elsendo estas aŭdebla ĉe la kanalo: https://www.youtube.com/results?q=pola+retradio&sp=CAI%253D I.a. pere de jutubo, konforme al individua bezono, eblas rapidigi aŭ malrapidigi la parolritmon de la sondokumentoj, transsalti al iu serĉata fragmento de la elsendo.
Dankon al vi pro la interesa informo. Mi delonge estas auskultanto de Pola Radio en Esperanto, kaj cxiam gxojas auxdi la vocxojn de Barbara kaj Andrzej (restu en paco lia hela animo).
Por mi estis interese scii pri la kronvirusa situacio, pri la vakcinado. En Belorusio kiel en Rusio oni proponas Sputnik V (Rusio) kaj Synoparm (Cxinio). La plejmulto de nia popolo bonvole vakcinigxas, kaj mi esperas, ke finfine ni ne plu timos la kronviruson. Ecx nun ne estas tiom da timo kiel en la komenco de la 2020.
Tre bela estas la kanto de Manna Montana “Yolanda”. La kantisto prezentas kaj popularigas latinamerikan kulturon en Esperanto, kio estas ege lauxdinda.
Mi deziras la la teamo de Pola Retradio sukcesojn, energion kaj sanon.
Plej amike, Aleksandro.
Tempo por facilaj demandoj al atentemaj aŭskultintoj:
1. Ĉu en Pollando pligrandiĝas aktuale la inflacio aŭ deflacio?
2. Kial valoras aliĝi al la Japana Esperanto (ret)Kongreso? Ĝis kiam oni devas aliĝi?
3. Kie naskiĝis Afrodito? https://eo.wikipedia.org/wiki/Afrodito_(diino)
4. Ĉu la programojn de Pola Retradio eblas aŭskulti ankaŭ en jutubo?