En la salonoj de itala Deputita Ĉambro en Romo daŭras ekspozicio de la pola skulptisto Szymon Ołtarzewski. Ĝi estis organizita sub la patroneco de la pola ambasado en Italio kaj la Kulturkomisiono de la Deputita Ĉambro. Ĝia prezidanto, inaŭgurante la ekspozicion, elstarigis, ke ĉi tiu komuna iniciato estas akto de amikeco inter Pollando kaj Italio kaj ekzemplo de viva kultura diplomatio.
La skulptaĵoj de Szymon Ołtarzewski el la Karara Marmoro en la ekspozicio „Diskreta kontinuo”, inspiritaj de la antikva arto, impresas en la scenaro de la iama klostra komplekso de benediktulinoj, kiu estas prestiĝa loko de ekspozicioj kaj konferencoj. Pli frue Ołtarzewski prezentis ilin en la pola ambasado. Kiel atentigis la artisto ĉi-foje en la komenca fazo de ekspoziciprojekto li aplikis novajn teknologiojn, inkluzive de 3D-skanilo. La ekspozicion akompanas fotoj de la usona fotografistino Gail Skoff, kiuj prezentas la artiston dum la laboro.
La naskiĝinta en 1977 Szymon Ołtarzewski, diplomito de la media inĝenierio, de 20 jaroj loĝas en Pietrasanta. La skulptarton li lernis en la Belarta Akademio de Kararo.
El la elsendo 25.11.2025. Legas Maciek – 01′ 28″
