Podkasto: Ludu en nova fenestro | Elŝutu
En la 1290-a E_elsendo el la 20.12.2023 ĉe www.pola-retradio.org:
• Niaj hodiaŭaj aktualaĵoj rilatas al la antaŭfesta periodo en Pollando. Unue ni informas pri klientoj de Ryanair festperiode flugantaj eksterlanden, sekve pri la tradicia jam kampanjo de Caritas „Sanktvespera tablo” por homoj mizeraj, senhejmaj aŭ solecaj.
• En la sciencbultena parto ni informas pri la reenkondukado de linkoj en la naturan medion kaj pri ĉiam pli ofte vintrumantaj en Pollando… cikonioj.
• Dank’ al pastro Kazimierz Noculak ni referencas al la someraj monatoj, kiam la gasto de lia paroĥejo en Bobrówka estis „Kajto”, kie i.a. tie ili pretigadis sian bitan albumon „Sen timo”. La teksto baziĝas sur lia raporta rememoro, kiun la redakcio ricevis jam antaŭ kelka tempo.
• Muzike do evidente akompanas nin Kajto. Ni citas el la titola kanto de la bita albumo „Sen Timo” kaj ankaŭ referenon el la registraĵo „Ĉi tiu tag’”
• La interreta foto ĉe nia programinformo prezentas surprizan bildon, cikoniojn sur la neĝo.
• En unuopaj rubrikoj de nia paĝo eblas konsulti la paralele legeblajn kaj aŭdeblajn tekstojn el niaj elsendoj, kio estas tradicio de nia Redakcio ekde 2003. La elsendo estas aŭdebla en jutubo ĉe la adreso: https://www.youtube.com/results?q=pola+retradio&sp=CAI%253D I.a. pere de jutubo, konforme al individua bezono, eblas rapidigi aŭ malrapidigi la parolritmon de la sondokumentoj, transsalti al iu serĉata fragmento de la elsendo.
