Antaŭ la mikrofono

Post la somera-aŭtuna paŭzo ni denove renkontiĝas kun nia redakcia kolego dr-o Maciej Jaskot, kiu rakontas pri kelkaj lastatempaj eventoj ligitaj kun lia laboro de akademia instruisto pri la hispana lingvo kaj interesaj sciencistaj renkontiĝoj en Hispanio, Germanio kaj Usono, kiujn li partoprenis. El la elsendo 10.11.2015

Hodiaŭ nia antaŭmikrofona gasto estas la prezidanto de LKK de la 101-a UK en Nitro, Peter Baláž, kun kiu ni interparolas pri la unua  LKK-kunsido okazinta fine de oktobro en la venontjara UK. El la elsendo 30.10.2015

Referencante al renkontiĝoj dum la nunjaraj ARKONES-tagoj ni  interparolas kun nia aŭskultanto, studento de Interlingvistikaj Studoj, kunredaktanto de „Beletra Almanako” kaj poeto, Suso Moinhos el Galegio. El la elsendo 20.10.2015

Nia antaŭmikrofona gasto estas Stano Marĉek, la prezidanto de la Slovaka E-Federacio. Ni interparolas pri la forto de la asocio invitinta la 101-an Universalan Kongreson al Nitro kaj pri la jam entreprenitaj ĉi-rilataj laboroj. El la elsendo 20.10.2015

La lasta Arkones denove estis la okazo por renkontiĝi i.a. kun studentoj kaj prelegantoj de la Interlingvistikaj Studoj en Poznano. Kun Věra Barandovská-Frank el Germanio, kunlaboranta kun Ilona Kouthny kaj A. Mickiewicz-Universitato ekde la komenco ni interparolas pri la aŭtuna sesio kaj talentaj studenoj. El la elsendo 13.10.2015

Kun Tobiasz Każmierski el Pollando/Nederlando ni retrorigardas al la programo de la nunjara eldono de ARKONES-2015 kun specimena prezento de la pola kanzono de Seweryn Krajewski kaj la grupo Ruĝaj Gitaroj el la koncerta programo de Ĵomart kaj Nataŝa. El la elsendo 02.10.2015

Kun doktorino Ilona Kouthny ni retrorgardas al la aŭtuna sesio de la Interlingvistikaj Studoj en Poznano, kiujn partoprenis 20 studentoj el diversaj landoj – kelkfoje kontribuinte al la programo de Artaj Konfrontoj en Esperanto, ARKONES. El la elsendo 29.09.2015

Kun Małgosia Komarnicka ni interparolas pri la planata por la venonta jaro evento Kultura E-Semajno, okazonta pararale kun IJK en Vroclavo, kiam tiu ĉi tiu urbo estos Eŭropa Ĉefurbo de Eŭropo. Pli da atento ni donas al la sukcesa rolado de nia interparolantino en la spektaklo “Ursula” kiu furoris dum la Lilla UK kaj baldaŭ rigardos ĝin partoprenantoj de ARKONES 2015 (25-27.09.2015). El la elsendo 19.09.2015

Kun Petro Baláž el Slovakio,  ni interparolas pri la finiĝinta lastĵaŭde (10.09.2015) grava evento en la centra-orienta Eŭropo, kiu la 25-an fojon venigis politikistojn, ekonomikiistojn, ekspertojn, homojn de la kultura mondo kaj ĵurnalistojn al la sudpola kuracloko Krynica. De 10 jaroj laŭvice sian standon kadre de la Ekonomia Forumo, kiel la unusola neregistara organizo havas Eŭropa E-Unio dank’ al la subteno i.a. de UEA kaj ESF. El la elsendo 13.09.2015

Kun d-ro Maciej Jaskot ni interparolas pri lia lastsemestra universitata laborgrupo pri konstruataj lingvoj kaj pliaj planoj por trakti la temon en liaj okupoj kun  studentoj. El la elsendo 08.09.2015