Kontaktu nin

Aŭskultu nin kaj aŭskultigu aliajn!

Skribu kaj komentu:
retradio.esperanto@gmail.com
(aŭ barbarinella@gmail.com)
Amikaro de Pola Retradio en Esperanto.

Subtenu nin

Donacu rete al UEA konto vars-t

※ Donaco estos pagita sumo minus 5% de administraj kostoj ĉe Paypal.
※ Via nomo aperos en la listo de donacintoj. Kontaktu la redakcion se vi volas resti anonima

Redakcia teamo

Barbara PIETRZAK
Gabriela KOSIARSKA
Milada SZWEDO
Maciej JASKOT
Krystyna GROCHOCKA
Tomasz MILLER
Saliĥ ZAKIROV
Bruce CRISP

La naskiĝurbo de Esperanto

Arkivoj

Kategorioj

La 740-a E_elsendo el la 30.03.2018 ĉe www.pola-retradio.org

– Hodiaŭ ni proksimigas en la felietono pri Koninda Polo, la figuron de Henryk Sławik, kiu en la jaroj de la 2-a mondmilito estadante en Budapeŝto portis helpon al ĉirkaŭ 30 mil polaj rifuĝintoj savante la vivon de ĉ. 5 mil polaj judoj troviĝantaj inter ili.
– En la unua parto de la elsendo ni proponas kultursociajn temojn ligitajn kun la daŭranta apogea periodo de Karesmo, la Sankta Semajno. Do ni informas pri la rilato de poloj al Karesmo kaj Pasko; pri tio, kio estas kaj kian signifon havas en la pola tradicio Sinjoraj Tomboj aranĝataj en preĝejoj dum la Sankta Vendredo; pri la socia rolo kaj laboro de polaj monaĥinoj kaj pri religiemo de junaj poloj.
– La interreta foto prezentas tradiciajn polajn paskajn ovojn. Per tiu simbolo de la renaskiĝanta vivo ni deziras al ĉiuj geaŭskultantoj Serenan Paskon, belajn printempajn tagojn, ĝojplenan semajnfinon !
– Nia elsendo estas aŭskultebla ankaŭ en jutubo pere de: https://www.youtube.com/results?q=pola+retradio&sp=CAI%253D

Play

La 739-a E_elsendo el la 27.03.2018 ĉe www.pola-retradio.org

– Hodiaŭ ni proponas en nia literatura segmento la 67-an fragmenton de la romano de Henryk Sienkiewicz „Quo Vadis” en la E-traduko de Lidia Zamenhof.
– En la komencaj aktualaĵoj ni informas pri la decido de Pollando forpeti el Pollando – solidare kun Britio – 4 rusajn diplomatojn, kiel „persona non grata”; pri ĉiam pli da polaj junulinoj studantaj informadikon kaj pri kreskanta konsumado de bananoj en Pollando kaj en la Eŭropa Unio.
– La sciencbultenaj temoj rilatas al malkovro de la signalo de kompreno en la cerbo kaj pri novaj esploroj pruvantaj, ke la dravidaj lingvoj havas 4000, 4500 jarojn.
– Muzike akompanas nin Carina per la kanto „Mia amiko”.
– La interreta foto rilatas al la kreskanta kvanto de la konsumataj bananoj en Pollando kaj en la Eŭropa Unio.
– Nia elsendo estas aŭskultebla ankaŭ en jutubo pere de: https://www.youtube.com/results?q=pola+retradio&sp=CAI%253D

Play

La 738-a E_elsendo el la 23.03.2018 ĉe www.pola-retradio.org

– Morgaŭ, la 24-an de marto Pollando solenas sian novan ŝtatan feston, la Nacian Memortagon pri poloj savintaj judojn dum la 2-a mondmilito. Per ĉi-rilata informo ni komencas nian E-elsendon, sekve prezentante kulturkronikan sciigon pri la kreiĝanta en Italio Muzeo de elstara pola skulptisto Igor Mitoraj, kiu kun Italio ligis plimulton de sia vivo.
– En Pollando la ĉestrataj florstandoj logas nun la rigardon kaj klientojn per amaso da printempaj floroj, unuavice tulipoj, salikbranĉetoj, sed ĉi-semajne dominas sur ili la paskaj palmoj, kiuj en nia klimato anstataŭigas la palmobranĉetojn. Pri tiu tradicio ligita kun la Sankta Semajno, kiun komencas la Palma Dimanĉo ni felietonos kadre de la ciklo „Koninda Pollando”.
– La venontsemajna sabato finas favorprezajn aliĝperiodojn por la 103-a UK en Lisbono www.uea.org, por la Hispana E-kongreso kaj ILEI-kongreso en Hispanio (http://www.esperanto.es/hef/). Ĝi estas ankaŭ la lasta tago por sendi konkursaĵojn por la nunjara eldono de la Belartaj Konkursoj al Miguel Gutiérrez Adúriz – sciosfero @ gmail.com
– La informon pri la ĵus lanĉita KD “La Kompanoj kantas Brel en Esperanto” akompanas la specimeno el la albumo, kiun distribuas Vinilkosmo.
– La interreta foto prezentas polajn paskajn palmetojn.
– Nia elsendo estas aŭskultebla ankaŭ en jutubo pere de: https://www.youtube.com/results?q=pola+retradio&sp=CAI%253D

Play

La 737-a E_elsendo el la 20.03.2018 ĉe www.pola-retradio.org

– Hodiaŭ ni prezentas la 3-an kaj samtempe la lastan parton de la prelego de prof. Humphrey Tonkin „Esperanto: Esploraj Prioritatoj”, kiun li prezentis dum la pasintjara Esperantologia Konferenco en Seulo. Ekde nun la tuta sondokumento estas aŭdebla en nia rubriko „Antaŭ la mikrofono”.
– En la komencaj aktualaĵoj ni informas pri la lastlunda vizito de la germana kanceliero Angela Merkel en Varsovio kaj pri la lastaj eldiroj de la ĝenerala NATO-sekretario pri Rusio.
– Niaj sciencbultenaj temoj prezentas informojn pri pliaj esploroj elmontrantaj la sanigan efikon de la fasto kaj pri la polaj esploroj rilate la interretan lingvaĵon de malamo kaj malrespekto.
– Muzike ni prezentas la fragmenton de la kanto „Nokta Papilio” en la plenumo de Tarcisio Lima.
– La interreta foto prezentas la reflugantajn al Pollando cikoniojn, kion ili entreprenis jam antaŭ kelkaj tagoj. La hodiaŭa dato estas tute aparta – komenciĝas la Printempo.
– Nia elsendo estas aŭskultebla ankaŭ en jutubo pere de: https://www.youtube.com/results?q=pola+retradio&sp=CAI%253D

Play

La 736-a E_elsendo el la 16.03.2018 ĉe www.pola-retradio.org

– Nia felietono dediĉita al Koninda Polo proksimigas la silueton de Mieczysław Karłowicz, komponisto kaj direktisto, Tatry-monatara aktivulo, fotografiisto kaj publicisto. Ni prezentas fragmente lian Violonĉelan Konĉerton la maĵora opuso 8.
– En la komenca kulturkroniko ni informas pri ekspozicio en Vroclavo dediĉita al la organizaĵo savanta judojn dum la 2-a mondmilito Żegota kaj pri ebleco rigardi en la plej proksimaj en Poznano la plej grandan meteoriton en Pollando retrovitan nur pasintjare.
– La E-komunumaj informoj koncernas la subvencian helpon de ESF por eldoni la libron „Nia Diligenta Kolegaro”, kiu estas kompilaĵo de 200 detalaj biografioj de eminentaj esperantistoj kaj por projektoj ligitaj kun la pridokumentado de la E-movado en Usono.
– Nia hodiaŭa mikrofona gasto estas denove ĉina esperantistino Xu Xiaonan, kiu dividas kun ni la rememorojn pri la komenco de sia esperantistiĝo kaj rolo de Pollando en sia esperantista biografio.
– La interreta foto prezentas la heroon de nia felietono Mieczysław Karłowicz en la Tatry-montara pejzaĝo. 
– Nia elsendo estas aŭskultebla ankaŭ en jutubo pere de: https://www.youtube.com/results?q=pola+retradio&sp=CAI%253D

Play

La 735-a E_elsendo el la 13.03.2018 ĉe www.pola-retradio.org

– Hodiaŭ ni prezentas la 2-an parton de la prelego de prof. Humphrey Tonkin „Esperanto: Esploraj Prioritatoj”, kiun li prezentis dum la pasintjara Esperantologia Konferenco en Seulo.
– En la komencaj aktualaĵoj ni informas pri la sukcesoj de la varsovia Chopin-flughaveno, pri neglektoj en la pola historia politiko, pri opinio de germanaj kaj francaj politikistoj rilate kreskon de antisemitismo.
– Nia sciencbultena temo prezentas klopodojn revenigi la draste malkreskintan populacion de leporoj en Pollando kaj pri denova voĉo de sciencistoj favore al malgrandaj vinokvantoj.
– En nia hodiaŭa elsendo kantas fragmente la kanton „Nova sento” Martin kaj La Talpoj, kiu devenas el la KD eldonita de Vinilkosmo.
– La interreta foto prezentas leporon, kiu estas animalo kies populacion oni klopodas rekreskigi i.a. en la vojevodio de Lublin (la orienta Pollando).
– Nia elsendo estas aŭskultebla ankaŭ en jutubo pere de: https://www.youtube.com/results?q=pola+retradio&sp=CAI%253D

Play

La 734-a E_elsendo el la 09.03.2018 ĉe www.pola-retradio.org

– Nia komenca kulturkroniko alportas informojn pri la ekspozicio dediĉita al Ignacy Jan Paderwski en Varsovio, pri i.a. Etnografia Muzeo el Toruno kontribuonta la 23-an de februaro al la legomaratono de „Metamorfozoj” de Ovidio, dum kiu oni aŭdos ankaŭ Esperanton kaj pri kreiĝonta muzeo de konata pola komponisto Wojcech Kilar.
– Hodiaŭ en la felietono el la ciklo Koninda Pollando ni invitas vin fari kun ni vintran viziton en la Arĝentominejo en Tarnowskie Góry (la suda Pollando).
– E-komunuma informo rilatas al la okazinta 9-a TAKE kaj ĝia fina deklaro.
– En Leterkesto ni i.a. reagas al la lastaj korespondaĵoj kaj dankas al niaj februaraj subtenantoj.
– La kulturajn informojn akompanis citaĵoj el „Menueto” de I,J. Paderewski kaj polonezo el la filmo „S-ro Tadeo” de W. Kilar. Krome fragmente ni prezentas kanton de Amindaj „Mia voĉ’ pli laŭtos” el la KD eldonita de Vinilkosmo, kaj kanton de la slovaka grupo „Team” – „Sur sama ŝipo”.
– La interreta foto prezentas imponajn glacikonusojn el la Arĝentominejo, pri kiu ni felietonis en la felietono Koninda Pollando.
– Nia elsendo estas aŭskultebla ankaŭ en jutubo pere de: https://www.youtube.com/results?q=pola+retradio&sp=CAI%253D

Play

La 733-a E_elsendo el la 06.03.2018 ĉe www.pola-retradio.org

– Komence de nia marda elsendo aŭdiĝas aktualaĵoj, en kiuj ni informas pri la postbalotaj scenejoj en Italio kaj en Germanio. La frosto forlasis Pollandon kaj revenantaj plusaj temperaturoj jam pensigas pri printempo, malpacience atendis ĝin ankaŭ cikonioj el la rekapabliga centro en la suda Pollando. Bonŝance ekde hodiaŭ la temperaturoj kreskas.
– La sciencbultenaj temoj alportas la informojn pri orcino imitanta la homan voĉon kaj pri pola agrikultura bioteksaĵo.
– Hodiaŭ aŭdiĝas krome la 67-a fragmento de la romano de Henryk Sienkiewicz „Quo Vadis” en la E-traduko de Lidia Zamenhof.
– Muzike akompanas nin JoMo per la kanzono „Dancu” el la KD „JoMo slavumas” eldonita de Vinilkosmo.
– La interreta foto referencas al malpacience atendantaj printempon cikonioj, kiuj devis resti – pro diversaj lezoj – por la vintra periodo en Pollando.
– Nia elsendo estas aŭskultebla ankaŭ en jutubo pere de: https://www.youtube.com/results?q=pola+retradio&sp=CAI%253D

Play

La 732-a E_elsendo el la 02.03.2018 ĉe www.pola-retradio.org  

– Komence de nia vendreda elsendo audiĝas ampleksa kulturtema segmento, en kiu ni informas pri la 90-jariĝo de la pola Nacia Biblioteko kun referenco al ĝia kreiĝo, postaj sortoj kaj la nuna stato. Ni mallonge parolas ankaŭ pri la eksterlanda koncerta programo ligita kun la 100-jariĝo de la reakiro de la suvereneco de Pollando. Multaj eventoj ligiĝas kun la figuro de la elstara pola komponisto, pianisto kaj politikisto Ignacy Jan Paderewski. Tiun programsegmenton ornamas fragmento de lia „Krakovjaka Fantazio”.
– Ankaŭ nia nunsemajna E-komunuma segmento estas riĉenhava. Ni informas pri la donaco de ESF por la Fonduso Middelkoop de UEA por garantii la pluekziston de la fako pri Esperanto kaj Interlingvistiko en la Amsterdama universitato. Pri januaraj eventoj en Hispanio ligitaj al omaĝo al Juan Régulo Pérez lige kun lia 25-a mortodatreveno kaj kun la tutfebruara ekspozicio pri Esperanto en Guardamar del Segura. Fine ni informas pri riĉa programo de BEL-konferencoj en Brazilo. La lastan informon muzike ni ornamis per la muzikcitaĵo el la kanzono „Neatendite” de Dirce Sales.
– En la fino ni prezentas la 1-an parton de la prelego de prof. Humphrey Tonkin dum la pasintjara Esperantologia Konferenco – Esperanto: Esploraj Prioritatoj”.
– La interreta foto referencas al la 90-jariĝo de la pola Nacia Biblioteko.
– Nia elsendo estas aŭskultebla ankaŭ en jutubo pere de: https://www.youtube.com/results?q=pola+retradio&sp=CAI%253D

Play

La 731-a E_elsendo el la 27.02.2018 ĉe www.pola-retradio.org

– Hodiaŭ ni retrorigardas al la 4-a Interlingvistika Simpozio okazinta pasintaŭtune en Poznano lige kun la 20-jariĝo de la Interlingvistikaj Studoj ĉe Adam Mickiewicz-Universitato. Unu el la prelegintoj, sed ja ankaŭ kunorganizantoj de la simpozio estis d-ino Ida Stria. En nia interparolo ŝi donas apartan atenton al sia scienca laboro kaj doktoriga disertaĵo traktinta la temon Lingva Bildo de la Mondo en la E-medio.
– Niaj komencaj aktualaĵoj rilatas al la baldaŭaj ŝanĝoj en la organizo de la dimanĉa publika komerco en Pollando kaj al la alkoholaĵkonsumado en la Eŭropa Unio kaj pola partopreno en ĉi tiu merkato.
– Nia sciencbultena temo alportas iom surprizan informon, gravan aparte por virinoj en la postgenera periodo, ke la ŝtupargrimpado povas efiki kiel saniga terapio.
– La interneta foto ilustras nian sciencbultenan temon, t.e. salubran efikon de la ŝtupargrimpado aparte por virinoj en la postgenera periodo.
– Muzike akompanas nin la grupo Niaj Bardoj el la urbo Toruń, plenumintaj la Siberian Lulkanton de Julio Baghy.
– Nia elsendo estas aŭskultebla ankaŭ en jutubo pere de: https://www.youtube.com/results?q=pola+retradio&sp=CAI%253D

Play