Kontaktu nin

Aŭskultu nin kaj aŭskultigu aliajn!

Skribu kaj komentu:
retradio.esperanto@gmail.com
(aŭ barbarinella@gmail.com)
Amikaro de Pola Retradio en Esperanto.

Subtenu nin

Donacu rete al UEA konto vars-t

※ Donaco estos pagita sumo minus 5% de administraj kostoj ĉe Paypal.
※ Via nomo aperos en la listo de donacintoj. Kontaktu la redakcion se vi volas resti anonima

Redakcia teamo

Barbara PIETRZAK
Gabriela KOSIARSKA
Milada SZWEDO
Maciej JASKOT
Krystyna GROCHOCKA
Tomasz MILLER
Saliĥ ZAKIROV
Bruce CRISP

La naskiĝurbo de Esperanto

Arkivoj

Kategorioj

La 716-a E_elsendo el la 05.01.2018 ĉe www.pola-retradio.org

– Nian hodiaŭan felietonon ni dediĉas al sep novaj polaj urboj sur la administracia mapo de la lando donante apartan atenton al tri el inter kvin, kiuj jam iam ilin havis, sed pro la historiaj eventoj tiun rangon perdis. Temas pri Józefów ĉe Vistulo, Łagów kaj Otyń.
– En la komenca kulturkroniko ni informas pri interesa ekspozicio en la varsovia Palaco sub Lada Tegmento pri riĉiĝinta kolekto de la Fondaĵo de Teresa Sahakian; pri nova sukcena artverko de pola artisto, Stelo de Bet Leĥem instalota morgaŭ en la Naskiĝgroto de Jesuo; pri la morgaŭa Epifanio kaj okazontaj lige kun ĝi – la jam 10-an fojon – Paradoj de la Tri Reĝoj, nunjare en 644 lokoj en Pollando kaj 16 ekster ĝiaj limoj.
– Fine ni proponas leterkestan renkontiĝon.
– Muzike akompanas nin polaj kristnaskaj kantoj lige kun la Epifanio en la plenumo de la koruso Hejnalo kaj Anna Osmakowicz. Ni prezentas krome unu plian varsovian kanton en E-vesto dank’ al Andrzej Tomecki kaj Andrzej Pettyn.
– La foto akompananta la programinformon prezentas epizodon el iu el la antaŭaj eldonoj de la evento Paradoj de la Tri Reĝoj.
– Nia elsendo estas aŭskultebla ankaŭ en jutubo pere de: https://www.youtube.com/results?q=pola+retradio&sp=CAI%253D

Play

La 715-a E_elsendo el la 02.01.2018 ĉe www.pola-retradio.org

– En la literatura fragmento de nia unua en 2018 E-elsendo ni proponas la 63-an fragmenton de la romano de Henryk Sienkiewicz „Quo Vadis” en la E-traduko de Lidia Zamenhof.
– La komencaj aktualaĵoj rilatas al 50-milioneŭra kontribuo de Pollando por solvi la migrokrizon kaj 25-jariĝo de la organizo Pola Humaneca Kampanjo.
– La scienca bulteno enhavas informojn pri „diameno” la nova materialo kun eksterordinaraj proprecoj akirita el grafeno kaj pri riĉiĝo de la Naturscienca Centro en Bjalistoko per nova kolekto de mineraloj.
– En la hodiaŭa programo ni memorigas malnovan, ĉar 65-jaran kanzonon pri Varsovio en la plenumo de Andrzej Tomecki. La E-vortojn por la kanzono de Władysław Szpilman verkis Andrzej Pettyn.
– La foto akompananta la programinformon prezentas unu el la eksponaĵoj de la riĉa kolekto de la Naturscienca Centro en Bjalistoko.
– Nia elsendo estas aŭskultebla ankaŭ en jutubo pere de: https://www.youtube.com/results?q=pola+retradio&sp=CAI%253D

Play

La 714-a E_elsendo el la 26.12.2017 ĉe www.pola-retradio.org

– Multaj el ni pensas kaj preparas sin al la plej longa, t.e. sendorma nokto de la jaro, la Silvestra Nokto, dum kiu ni adiaŭos la 2017-an kaj bonvenigos la 2018-an. Nia felietono pri koninda Pollando rilatas i.a. al kelkaj kutimoj malnovaj kaj novaj ligitaj kun la proksimiĝanta Nova Jaro.
– La komencaj kulturkronikaj informoj koncernas la restaŭron de kvin laŭvicaj reĝaj sarkofagoj en Wawel-katedralo en Krakovo kaj la eblecon viziti la Muzeon de Johano Paŭlo la 2-a en Wadowice ankaŭ virtuale.
– E-komunumaj informoj rilatas al la novaj membroj en la Panteono de edukado.net kaj al Zamenhof-festo en Zagrebo.
– En la fino de la programo aŭdiĝas la lasta nunjare Leterkesto.
– La foto akompananta la programinformon emfazas nian Redakcian jarfinan tostadon por la feliĉo kaj prospero de ĉiuj niaj aŭskultantoj.
– Nia elsendo estas aŭskultebla ankaŭ en jutubo pere de: https://www.youtube.com/results?q=pola+retradio&sp=CAI%253D

Play

La 713-a E_elsendo el la 26.12.2017 ĉe www.pola-retradio.org

– En Pollando oni festas Kristnaskon ankaŭ la 26-an de decembro. Tial nia programo referencas al la festperiodo per prezento de kelkaj polaj kristnaskaj kantoj en la E-vesto. Ni prezentas al vi popularajn kristnaskajn kantojn, kiel „Al paŝtistoj la anĝel’”, kaj „Kuŝas Krist’ etulo” en la plenumo de Remigiusz Kossakowski, „Ek’ paŝtistoj al la stalo” en la plenumo de Anna Osmakowicz, „En nokt’ silenta” en la plenumo de la ensemblo Muzilo. En la fino aŭdiĝas la instrumenta versio de la kortuŝa kristnaska kanto „Estis ĉe lulilo”.
– Nia hodiaŭa antaŭmikrofona gasto estas la nova volontulo de Bjalistoka E-Societo el Nederlando, Mark Konijnenberg, kiu havis la okazon konatiĝi en la ĵusaj tagoj kun la polaj kristnaskaj tradicioj, sed nia interparolo ne rilatas al ĉi tiuj spertoj de nia gasto.
– La komencaj kulturkronikaj informoj koncernas la Kristnaskrilatajn ekspoziciojn en Krakovo, la suda Pollando; la ĵus inaŭguritan Sukcenan Altaron de la Patrujo en Gdansko kaj tion, ke ankaŭ eksterlandanoj volonte konatiĝas kun la polaj kristnaskaj tradicioj.
– La programinforma foto prezentas la kripeton, al kiu rapidas i.a. polaj nobeloj.
– Nia elsendo estas aŭskultebla ankaŭ en jutubo pere de: https://www.youtube.com/results?q=pola+retradio&sp=CAI%253D

Play

La 712-a E_elsendo el la 22.12.2017 ĉe www.pola-retradio.org

– Nur 10 tagoj restis ĝis la fino de la unua favorpreza aliĝperiodo al la 103-a UK en Lisbono. Tio estas okazo gastigi antaŭ nia mikrofono Konstantan Kongresan Sekretarion, Clay Magalhães, de kiu ni ekscias plej aktualajn informojn pri la preparoj al la kongreso en Lisbono.
– La komencaj kulturkronikaj informoj koncernas la sensacian arkeologian malkovron, nome la 15-miljaran skulptaĵon de la t.n. Venuso – unu el tri malkovritaj en Pollando. La alia koncernas interesan ekspozicion pri la arta evoluo de Magdalena Abakanowicz en la muzeo de teksaĵoj en Lodzo.
– En nia E-komunuma parto ni informas pri sukcesoj de polaj esperantistoj el la loko Nowy Sącz, kiuj okaze de Zamenhof-Tago pro sia poresperanta kaj populariga laboro ricevis ŝtatajn, regionajn kaj urbajn distingojn.
– Hodiaŭ ni prezentas – konforme al la anonco – la 3-an kaj samtempe la lastan parton de la artikolo de Nikola Rašić „Post cent jaroj: Zamenhof hodiaŭ” el la nunjara julia numero de la gazeto de Kroata E-Ligo „Tempo”.
– La programinforma foto prezentas la grafikan simbolon de la 103-a Universala Kongreso de Esperanto en Lisbono.
– Nia elsendo estas aŭskultebla ankaŭ en jutubo pere de: https://www.youtube.com/results?q=pola+retradio&sp=CAI%253D

Play

La 711-a E_elsendo el la 19.12.2017 ĉe www.pola-retradio.org

– En nia hodiaŭa elsendo reference al la daŭranta ankoraŭ Zamenhof-Jaro 2017 ni prezentas la 2-an parton de la artikolo de Nikola Rašić „Post cent jaroj: Zamenhof hodiaŭ” el la nunjara julia numero de la gazeto de Kroata E-Ligo „Tempo”.
– La komencaj aktualaĵoj estas dupartaj. En la unua segmento ni referencas al esploroj de Eurostat pri la stato de la eŭropuniaj infanoj minacitaj de mizero kaj ekskludo. Ni informas krome pri laŭvica regiono de Pollando, kiu instruas al siaj infanoj regionan lingvon. Temas pri Varmio (la nordorienta Pollando). La dua segmento ligiĝas kun proksimiĝanta Kristnasko informante pri la veninta jam al Pollando kaj perata de loko al loko Bet-Leĥema Paclumo kaj pri unu el multaj antaŭkristanskaj publikaj eventoj helpantaj al personoj mizeraj.
– La scienca bulteno prezentas esplorojn pri kaŭzoj de ĉiam pli plaga obezeco, elmontrante la sanigajn efektojn de nur du manĝoj tage.
– La programinforma foto prezentas la antaŭkristnaskan ekumenan renkonton en Bjalistoko.
-Muzike ni memorigas la E-sambon “Homomaĝo Zamenhof” de Dino Baladao.
– Nia elsendo estas aŭskultebla ankaŭ en jutubo pere de: https://www.youtube.com/results?q=pola+retradio&sp=CAI%253D

Play

La 710-a E_elsendo el la 15.12.2017 ĉe www.pola-retradio.org

– Nia tuta hodiaŭa E-elsendo grandparte ligiĝas kun la pasanta hodiaŭ Zamenhof-tago, lige kun la 158-a datreveno de la naskigiĝo de la lingvokreinto. La 15-a de decembro estas delonge solenata ankaŭ kiel Tago de la E-libro, en tiu kunteksto ni gastigas antaŭmikrofone nian koleginon, Krystyna Grochocka, la kreinton de la retejo de Esperanto Sumoo, iniciato de HORI Yasuo legigi E-literaturon (http://www.esperanto-sumoo.strefa.pl/).
– La komenca kulturaktualaĵo informas pri sabla kristnaska kripeto en Gdański-Oliwa, la verko de lokaj artistoj, kiu servos porokaze al la loka socio.
– En la E-komunuma parto ni memorigas la mesaĝon de UEA lige kun la nunjara Tago de la Homaj Rajtoj, sekve prezentante la porokazajn renkontojn lige kun Zamenhof-Tago ni informe raportas pri eventoj en Svislando (dank’ al Dieter Roke), Hispanio kaj Israelo.
– En nia hodiaŭa elsendo ni prezentas krome la 1-an parton de la artikolo de Nikola Rašić „Post cent jaroj: Zamenhof hodiaŭ” el la julia numero de gazeto de Kroata E-Ligo „Tempo”.
– Muzike ni memorigas la kantitan poezion de Julio Baghy en la plenumo de la ensemblo “Niaj Bardoj”.
– La programinforma foto rilatas al la 15-a de decembro kiel Tago de la E-libro.
– Nia elsendo estas aŭskultebla ankaŭ en jutubo pere de: https://www.youtube.com/results?q=pola+retradio&sp=CAI%253D

Play

La 709-a E_elsendo el la 12.12.2017 ĉe www.pola-retradio.org

– En la literatura segmento de nia marda elsendo ni prezentas sekvan, ĉi-foje la 62-an fragmenton de la romano de Henryk Sienkiewicz „Quo Vadis” en la E-traduko de Lidia Zamenhof.
– La komencaj aktualaĵoj rilatas al kreskantaj nutraĵprezoj en la Eŭropa Unio, kio ne evitas Pollandon; al sumigo de la jaro 2017 en la funkciado de la varsovia bicikla lusistemo Vetrurilo kaj al la finiĝinta semajnfine kampanjo „Nobla donacpakaĵo”.
– La sciencbultena temo informas pri la polaj esploroj koncerne strosogenan efikadon de homo je sovaĝaj bestoj.
– Muzike ni memorigas la kanzonon de Ĵomart “Laciĝis tago” el la Ruĝa Albumo de Ĵomart kaj Nataŝa.
– La programinforma foto el interreto referencas al la kampanjo „Nobla donacpakaĵo”.
– Nia elsendo estas aŭskultebla ankaŭ en jutubo pere de: https://www.youtube.com/results?q=pola+retradio&sp=CAI%253D

Play

La 708-a E_elsendo el la 08.12.2017 ĉe www.pola-retradio.org

– Nia hodiaŭa felietono rilatas al la adventa prilumo de la varsoviaj stratoj inaŭgurota morgaŭ, t.e. la 9-an de decembro. Sed tiu evento estas samtempe la okazo diri kelkajn vortojn pri la ĝenerala prilumado de la pola ĉefurbo, kiu komenciĝis antaŭ 161 jaroj, kiam ekbrilis la unuaj 92 gaslanternoj. Ilin 50 jarojn poste komencis elpuŝi la elektraj lanternoj.
– Nia riĉa kulturkroniko informas pri la premiitoj de la instituto Polonicum, pri la 75-a eldono de konkurso por la plej belaj krakovaj kristnaskaj kripetoj kaj pri Wilanów-parko kaj -palaco lume rekreitaj.
– Bunta estas nia E-komunuma parto, en kiu ni informas pri Zamenhof-eventoj ligitaj kun Zamenhof-Jaro 2017 en Seulo, Parizo kaj kaj proksimiĝanta Zamenhof-tago en Bjalistoko.
– Fine ni proponas leterkestan programeron.
– La programinforma foto el interreto referencas al la ĵaŭda prezento de kristnaskaj kripoj en Krakovo.
– Nia elsendo estas aŭskultebla ankaŭ en jutubo pere de: https://www.youtube.com/results?q=pola+retradio&sp=CAI%253D

Play

La 707-a E_elsendo el la 05.12.2017 ĉe www.pola-retradio.org

– En nia hodiaŭa E-elsendo ni gastigas antaŭmikrofone d-ron Renato Corsetti, kiu ĉi-aŭtune estis unu el la gastlekciantoj kadre de la Interlingvistikaj Studoj en Poznano, partoprenis la 4-an Interlingvistikan Simpozion kaj kontribuis al Arkones-programo.
– Komencaj aktualaĵoj rilatas al la nova prezidanto de Eŭropa Platformo de Memoro kaj Konscienco, kiu fariĝis polo; al regionaj okupoj pri la silezia parolo; al solvita konkurso por monumento de junaĝa Zamenhof en Bjalistoko.
– La sciencbultenaj temoj traktas la kreiĝantan sciencan centron Astrocent en Varsovio kaj surprizajn efikojn de fizikaj ekzercoj.
– Muzike akompanas nin hodiaŭ Mariusz Domaszewicz kaj mi memorigas lian kanton “Tempo de espero”.
– La programinforma foto el interreto prezentas la projekton de nova monumento de Zamenhof en Bjalistoko.
– Nia elsendo estas aŭskultebla ankaŭ en jutubo pere de: https://www.youtube.com/results?q=pola+retradio&sp=CAI%253D

Play