Kontaktu nin

Aŭskultu nin kaj aŭskultigu aliajn!

Skribu kaj komentu:
retradio.esperanto@gmail.com
(aŭ barbarinella@gmail.com)
Amikaro de Pola Retradio en Esperanto.

Nombro de vizitoj


Subtenu nin

Donacu rete al UEA konto vars-t

※ Donaco estos pagita sumo minus 5% de administraj kostoj ĉe Paypal.
※ Via nomo aperos en la listo de donacintoj. Kontaktu la redakcion se vi volas resti anonima

Redakcia teamo

Barbara PIETRZAK
Gabriela KOSIARSKA
Milada SZWEDO
Maciej JASKOT
Krystyna GROCHOCKA
Tomasz MILLER
Saliĥ ZAKIROV
Bruce CRISP

Arkivoj

Kategorioj

Polaj artistoj en Muzika Festivalo en Izmiro, Turkio

Krzysztof Penderecki kaj Sinfonia Varsovia kune kun la turka pianisto Hüseyin Sermet inaŭguris lastsabate la 28-an Internacian Muzikan Festivalon en Izmiro, kiu daŭros ĝis la 3-a de septembro. En la koncerto okazinta en la Granda Teatro en Efezo estis plenumitaj du komponaĵoj de Beethovena “Verkoj de Prometeo” kaj la 5-a Fortepiana Konĉerto kaj la 2-a Simfonio de Penderecki. Last­merkrede kadre de la festivalo prezentiĝis la pola baroka grupo Arte dei Suonatori kun la brita violon­istino Rachel Podger. La koncerto “Alla Turca Alla Polacca” okazinta en unu el la plej gravaj objektoj de Efezo enhavis komponaĵojn de Telemann, Haydn, Mozart kaj verkojn kreiĝintajn en la periodo de la Otomana Imperio. La prezentiĝo de la polaj artistoj okazis kadre de la solenado de la 600-jariĝo de la polaj-turkaj diplomatiaj rilatoj pasanta en 2014.

El la elsendo 20.06.2014. Legas Tomek

Audio clip: Adobe Flash Player (version 9 or above) is required to play this audio clip. Download the latest version here. You also need to have JavaScript enabled in your browser.

“So­li­da­ri­te Fran­ce Po­lo­gne”

Ĝis morgaŭ, t.e. la 14-a de junio en la varsovia ekspozicia salono Kordegrda daŭras la ekspozicio dediĉita al la franca subteno por la Solidareco. Inaŭguris ĝin la veninta por la soleado de la 25-jariĝo de la unuaj parte demokrataj balotoj en Pollando prezidento Fran­co­is Hol­lan­de. La kunteksto de la ekspozicio estas grandaj manifestacioj en Francio okazintaj la sekvan tagon post la proklamo de la milita stato en Pollando la 13-an de decembro 1981. Tiam pli ol 100 mil personoj sur la stratoj de la francaj urboj manifestis kontraŭ la proklamo de la milita stato en Pollando. La nomo de la ekspozicio “So­li­da­ri­te Fran­ce Po­lo­gne” referencas al unu el la unuaj francaj hel­organizoj, kiuj subtenis polojn dum la milita stato. La helpo de Francio estis eksterordinara, ne temis pri helpo de unu ŝtato al la alia, sed helpo de la sindikataj organizaĵoj por la pola Solidareco, helpo de la francaj preĝejaj grupoj por la pola Eklezio, helpo de franca junularo kaj individuaj francoj. La aŭtoroj de la ekspozicio utiligis i.a. la eldirojn de la partoprenintoj de la tiamaj eventoj, de la agantoj de Solidareco kaj de aktivuloj de la francaj sindikataj centraloj.

El la elsendo 13.06.2014. Legas Gabi

Audio clip: Adobe Flash Player (version 9 or above) is required to play this audio clip. Download the latest version here. You also need to have JavaScript enabled in your browser.

La Pola Instituto en Budapeŝto 75-jara

La Pola Instituto en Budapeŝto, la plej malnova eksterlanda kultur­instituto en Hungario solenis en la lastaj tagoj sian 75-jariĝon. Lige kun la jubileo ĝi preparis multajn porokazajn eventojn por la loĝantoj de la hungara ĉefurbo. I.a. estis inaŭgurita granda murpentraĵo sur la domo proksime al ĝia sidejo. La muralo aŭtorita de polaj kaj hungaraj artistoj ligas al la tradicia pola-hungara amikeco, libereco kaj la pola kulturo en Hungario. La solenaĵojn kronis la enmanigo de premio al laŭreatoj de konkurso pri artikolo dediĉita al Pollando en la hungara Vikipedio. La inaŭgurita la 24-an de majo 1939 kaj funkcianta ĝis marto 1944 pola kulturcentro estis escepta kazo de la dummilita popularig­ado de la pola kulturo kaj lingvo. Post la milito ĝi fariĝis unu el la plej popularaj lokoj sur la kultura mapo de Budapeŝto. Laŭ taksoj la kursojn de la pola lingvo en la jaroj 1952-1981 partoprenis 17 mil personoj, la prezentoj de la pola kinoarto en la 60-aj kaj 70-aj amase logis la publikon. En la sekva jardeko ĝi fariĝis neformala rendevuejo de la hungara demokratia opozicio. La nuna Instituto realigas – kun plej gravaj hungaraj partneroj – pli ol 100 projektojn jare. Funkcias ĉe ĝi biblioteko, artgalerio kaj arta klubo. Daŭre dum ĉiu semestro la kursoj de la pola lingvo logas ĉirkaŭ 120 personojn.

El la elsendo 06.06.2014. Legas Tomek

Audio clip: Adobe Flash Player (version 9 or above) is required to play this audio clip. Download the latest version here. You also need to have JavaScript enabled in your browser.

Pola Instituto en Sofio premiita per la „Ora Plumo”

La Pola Instituto en Sofio estis la unusola eksterlanda institutcio, kiu estis premiita inter 24 reprezentanoj de la kulturo kaj arto per la prestiĝa „Ora Plumo” de la redakcio Classic FM Radio kaj la Artgalerio Makta.  La premio estis atribuita rekone pro la meritoj de la Instituto en la evoluigado de la pola-bulgara kultura kunlaboro dum ĝia 65-jara funkciado en Bulgario. La solenaĵo okazis kadre de la Eŭropa Muzika Festivalo organizita de la redakcio kunlabore kun la bulgara kultur­ministerio kaj sofia urbooficejo. La evento celis popularigi la kandidatiĝon de Sofio por Eŭropa Ĉefurbo de Kulturo 2019. Kadre al la solenaĵo okazis koncerto de laŭreatoj de internaciaj kaj landaj konkursoj. Inter ili troviĝis Konstanza Diulgerova, la laŭeatino de la 1-a premio en la konkurso de Witold Lutoslawski organizita de la Pola Instituto en Sofio en 2013. Ĉi-aŭtune kune kun sia lekcianto, profesoro Ludmil Angelov, elstara bulgara ŝopenologo ili koncertos en la varsovia Muzika Universitato.

El la elsendo 06.06.2014. Legas Tomek

Audio clip: Adobe Flash Player (version 9 or above) is required to play this audio clip. Download the latest version here. You also need to have JavaScript enabled in your browser.

Simpozio pri la arto de El Greco en Varsovio 

Hodiaŭ finiĝis en Varsovio la scienca konferenco „Arto el la epoko de El Greco” organizita de la Reĝa Kastelo en Varsovio, Instituto pri la Historio de Arto kaj Kulturo de la Papa Universitato de Johano Paŭlo la 2-a en Krakovo kaj la Dioceza Muzeo en Siedlce. Ĝi okazis lige kun la 400-a morto­datreveno de El Greco kaj la 50-a datreveno de la retrovo de lia unusola pentraĵo troviĝanta en Pollando, „Ekstazo de S-ta Francisko” troviĝanta en Siedlce. La simpozion partoprenis divers­landaj arthistoriistoj, specialistoj kaj ekspertoj pri la epoko kaj grekaj komencoj de la pentristo el Malago, Sevilo, Atenoj. Oni diskutis pri la atingaĵoj de la artisto devenanta el Kreto, kiu komencis sian kreadon per skribado de ikonoj, sed poste fariĝis la plej fama hispana pentristo. Liaj plej fruaj verkoj, tipaj ikonoj troviĝas ĉefe en Greklando. Poste Domenikos Theotokopoulos direkiĝis al Venecio por evoluigi sian talenton kaj tie sub la influo de Ticiano kaj Tintoretto fasciniĝis pri perspektivo. La vera ekfloro de la talento de El Greco okazis en la hispana Toledo, kun kiu li estis forte ligita. Lia unusola pentraĵo troviĝanta en Pollando „Ekstazo de Sankta Francisko” estis retrovita hazarde en la paroĥejo en Kosów Lacki en la orienta Pollando. La pentraĵo en drameca maniero prezentas la sanktulon dum la ricevo de la stigmatoj.

El la elsendo el la 30.05.2014. Legas Barbara

Audio clip: Adobe Flash Player (version 9 or above) is required to play this audio clip. Download the latest version here. You also need to have JavaScript enabled in your browser.

 Nokto de Muzeoj en Varsovio

234 centroj kiel muzeoj, artgalerioj, bibliotekoj, teatroj kaj aliaj partoprenos la nunjaran Nokton de Muzeoj en Varsovio la 17-an de majo. Ĝis la malfruaj noktaj horoj funkcios preskaŭ ĉiuj varsoviaj muzeoj. Inter la institucioj, kiuj la unuan fojon partoprenas la Nokton estas Pola Presagentejo PAP. Tiunokte ĝi invitas al la konstruaĵoj de la iama Sciencteknika Presejo, kie en la postindustriaj internoj funkcios la ekspozicio “25 jaroj de la polaj transformiĝoj” en la fotokadro de PAP-fotoraportistoj. Tiunokte eblos ĝin rigardi antaŭ­premiere. Ĝia lanĉo okazos en junio. Jam la 11-an fojon la varsovianoj dum la Nokto de Muzeoj povos viziti krom la ĉefurbaj kultur­institucioj ankaŭ aliajn centrojn, ambasadojn, prezidentan palacon,la sidejojn de la sejmo kaj senato, preĝejojn, la varsovion akvofiltran stacion, la fabrikon Wedel, la scienc­centron Kopernik kaj aliajn. La organizantoj preparis ankaŭ multajn terenajn eventojn, kiel demonstron de historiaj busoj, kiuj traveturos Varsovion parade, promenon kun lumoj laŭ la bordo de Vistulo, vizitadon de la Botanika Ĝardeno. La urbo­trafikon  tiunokte provizos 8 specialaj buslinioj, parte per historiaj veturiloj. La varsovia Nokto de Muzeoj okazas kadre de la Eŭropa Nokto de Muzeoj.

El la elsendo 16.05.2014. Legas Tomek

Audio clip: Adobe Flash Player (version 9 or above) is required to play this audio clip. Download the latest version here. You also need to have JavaScript enabled in your browser.

Pollando speciala gasto de literatura festivalo en Turkio

Pollando estos speciala gasto de la plej granda literatura festivalo en Turkio, okazonta inter la 5-a kaj 8-a de majo en Istambulo. Verkistoj Andrzej Bart kaj Zygmunt Miloszewski, kies libroj nunjare aperas en la turka traduko partoprenos publikan debaton kun aliaj verkistoj. Joanna Olech kaj Adam Pękalski kiel kreantoj de infana literaturo partoprenos labor­renkontojn kun lernantoj de turkaj lernejoj. Por la festivalo estis pretigita antologio de rakontoj kaj mallongaj tekstoj de polaj aŭtoroj: Olga Tokarczuk, Andrzej Stasiuk, Janusz Głowacki, Wojciech Kuczok, Michał Witkowski, Jerzy Pilch, Natasza Goerke, Mariusz Szczygieł, Jacek Dukaj, Magdalena Tulli, Paweł Huelle, Stefan Chwin, Józef Hen, Andrzej Sapkowski, Joanna Bator kaj Jacek Hugo-Bader.

El la elsendo 02.05.2014. Legas Gabi

Audio clip: Adobe Flash Player (version 9 or above) is required to play this audio clip. Download the latest version here. You also need to have JavaScript enabled in your browser.

 La ekspozicio “Ro/Złączenia” en Istambulo

La Centro de Kulturo kaj Arto en Vroclavo kunlabore kun Kuad Gallery en Istambulo organizas la ekspozicion  “Ro/Złączenia” (Dis/kuniĝoj). Kadre de la ekspozicio estos prezentataj verkoj de artistoj debutantaj ekde 90-aj jaroj, referenc­antaj al arketipoj kaj mitologioj radikantaj en kulturo, prezentataj kadre de aktuala geopolitiko. La ekspozicititolo ligas ne sole al la historiaj rilatoj inter Pollando kaj Turkio, sed ankaŭ al la nuntempa arto ofte kolizianta  rilate hereditajn  valorojn.  Kadre de  la ekspozici­inaŭguro  por vendredo estis planita debato “Pri arto­libereco en la tempo de demokratio”.

El la elsendo 02.05.2014. Legas Gabi

Audio clip: Adobe Flash Player (version 9 or above) is required to play this audio clip. Download the latest version here. You also need to have JavaScript enabled in your browser.

 Pasiono de Janina Walczak-Budzicz

Ĝis la 24-a de aprilo en Varsovio eblas rigardi eksterordinaran ekspozicion. Janina Walczak-Budzicz prezentas survitre sian aŭtoran vizion de la Pasiono. La unuopaj stacioj de la Pasiono  havas la dimension de unu metro je 70 centimetroj. La aŭtorino estas majstrino de ĉi tiu pentrista ĝenro, firme ligita kun Podhale-regiono (la montara regiono en la sudo de la lando), kie ŝi i.a. instruis la survitran pentroarton. En la varsovia ekspozicio ĉiun bildon akompanas ŝiaj aŭtoraj komentarioj. La Pasiona Ciklo prezentata en la Kultura Klubo de la kvartalo Saska Kępa en Varsovio kreiĝis dank’ al la stipendio, kiun la aŭtorino ricevis stipendion de la pola kultur­ministro.

 El la elsendo 18.04.2014. Legas Milada

Audio clip: Adobe Flash Player (version 9 or above) is required to play this audio clip. Download the latest version here. You also need to have JavaScript enabled in your browser.

 Wołyń 1943. Ili vokas el tomboj, kiuj ne ekzistas

Ekde la 9-a de aprilo  ĝis la fino de la monato en la Arkeologia Muzeo de Krakovo funkcias ekspozicio prezentanta la genezon, trapason kaj la sekvojn de „hombuĉado en Wołyń”. En  1943 sur la tereno de Wołyń, sekve ĉe la sud-orientaj randregionoj de la 2-a Respubliko okazis unu el la plej kruelaj krimoj de la 2-a mondmilito. Rezulte de la hombuĉaj murdoj el la manoj de ukrainaj naciistoj el la formacioj OUN kaj UPA pereis preskaŭ 130 mil polaj civitanoj, en plimulto loĝantoj de vilaĝoj. La ekspozicio „Wołyń 1943. Ili vokas el tomboj, kiuj ne ekzistas” kreiĝis en 2013 okaze de la 70-a datreveno sub la devizo serĉi veron pri la pasintenco kaj konservi la memoron kiel la fundamenta devo rilate la viktimojn. La scenaron de la ekspozicio kaj la akompanajn tekstojn aŭtoras Ewa Siemaszko. El ŝia privata fotokolekto kaj el la kolektoj de la Societo de la Amantoj de  Wołyń kaj Polesie-Regionoj devenas la eksponaĵoj. Ili pri­dokumentas la historion de 12 infanoj saviĝintaj de la hombuĉa krimo. Temas pri la unua publika ekspozicio dokument­anta tiun ĉi tragedion.  La ekspozicio estis jam prezentata i.a. en Varsovio, Szczecin, Rzeszów, Sanok, Bialistoko, Koszalin, Gorzów Wielkopolski.

El la elsendo 11.04.2014. Legas Krystyna

Audio clip: Adobe Flash Player (version 9 or above) is required to play this audio clip. Download the latest version here. You also need to have JavaScript enabled in your browser.

Pliaj eventoj kadre de la Pola Jaro en Turkio

Inter la 13-a kaj la 27-a de marto en la PeraMuseum en Istambulo okazis trarigardo de filmoj de la Pola Filmista Skolo. Ĝi estis unu el la eventoj kadre de la Pola Jaro en Turkio omaĝanta la 600-jariĝon de la starigo de diplomatiaj rilatoj inter Pollando kaj Turkio. La 14-an de marto la solartista koncerto de Marcin Masecki, komponisto kaj  ĵazpianisto, sub la titolo “Malkompono de sonatoj de Domenico Scarlatti” inaŭguris ciklon da koncertoj de la pola muziko en Istambulo. Dank’ al kunlaboro de PeraMuseum kun la Pola Instituto de Adam Mickiewicz la turka publiko havas la okazon aŭskulti polajn jun­generaciajn muzikistojn, eksperiment­antajn rande de muzikĝenroj. Ciklo de ses koncertoj finiĝos en decembro 2014. Marcin Masacki inaŭgurinta la ciklon en sia kreado referencas al ĵazo, klasika kaj eksperimenta muziko. Li estas ligita kun la varsovia scenejo de alternativa muziko ĉirkaŭ la sendependa eldonejo Lado ABC.

El la elsendo 28.03.2014. Legas Gabi

Audio clip: Adobe Flash Player (version 9 or above) is required to play this audio clip. Download the latest version here. You also need to have JavaScript enabled in your browser.

Aleksander Gierymski en la varsovia Nacia Muzeo

Ekde la 20-a de marto en Varsovio eblas rigardi ekspozicion dediĉitan al elstara pola realisto Aleksander Gierymski. Temas pri  ĉ. 120 pentraĵoj, 70 desegnaĵoj kaj preskaŭ 110 lignogravuraĵoj. La ekspozicio prezentas ankaŭ fotojn de modeloj pozintaj al la artisto. Per la ekspozicio de unu el la plej elstaraj polaj pentristoj el la 2-a duono de la 19-a jarcento la ĉefurba Nacia Muzeo revenas al la tradicio prezenti verkojn de artistoj el la varsovia medio. La ekspozicion akompanas ampleksa katalogo konsideranta ankaŭ la verkojn de Aleksander Gierymski perdiĝintajn dum la 2-a mondmilito.

El la elsendo 21.03.2014. Legas Milada

Audio clip: Adobe Flash Player (version 9 or above) is required to play this audio clip. Download the latest version here. You also need to have JavaScript enabled in your browser.

Semajno de la Hispana Kinoarto en 7 polaj urboj

La 14-a eldono de la Semajno de la Hispana Kinoarto komenciĝis la 20-an de marto en Varsovio. Ĝis la 27-a de marto en du ĉefurbaj kinejoj okazas trarigardo de la hispanaj filmoj el la lasta periodo. La aranĝo disvolviĝos sekve en Krakovo, Gdansko, Lodzo, Vroclavo, Katowice kaj Poznano. La eventon kunorganizis la firmao Manana distribuanta en Pollando aŭtorajn filmojn, la ambasado de Hispanio kaj la Instituto Cervantes. En la programo de la trarigardo de la hispana kinoarto daŭranta entute ĝis la 10-a de aprilo troviĝas alte aprecataj de la kritiko kaj publiko filmoj el la lastaj jaroj, inkluzive de filmo kandidatiĝinta por la nunjara Oskar-premio „15 jaroj kaj unu tago” reĝisorita de Gracia Querejet.

 El la elsendo 21.03.2014. Legas Milada

Audio clip: Adobe Flash Player (version 9 or above) is required to play this audio clip. Download the latest version here. You also need to have JavaScript enabled in your browser.

Nova investaĵo en Łazienki-Parko en Varsovio

En la varsovia Łazienki-parko estas planata unu el la plej grandaj investaĵoj de pli ol 150 jaroj. Temos pri Ĝardeno de la 21-a jarcento kun la subtera ekspozicia salonego, kies surfaco egalos al 1800 kvadrataj metroj. Ĝi servos por tempaj ekspozicioj kaj estos unu el la plej interesaj arkitekturaj objektoj de la pola ĉefurbo. La projekto estis elektita voje de konkurso, en kiu venkis studio Mecanoo Internacional plus Nawrocki Arkitektoj el Katowice, Steven Delva kaj Michael van Gessel. La ekspozicia spaco konsistos el du pavilonoj, unu el ili estos lumigita de la taga lumo venanta tra la tegmentofenetroj. Pro la fakto, ke la pavilono troviĝos sub la ĝardena herbejo ĝi ne damaĝos la historian arkitekturon de la Parko harmoniante aliflanke kun la flaŭro de la parko. La parko estas situonta sur la surfaco, en kiu ĝis nun troviĝis malnovaj forcejoj.

El la elsendo 14.03.2014. Legas Tomek

Audio clip: Adobe Flash Player (version 9 or above) is required to play this audio clip. Download the latest version here. You also need to have JavaScript enabled in your browser.

Malnovurbaj keloj en Varsovio

Lastatempe estis restaŭritaj la malnovurbaj keloj de la Malnovurba Kvartalo en Varsovio, kiu kiel la tuto troviĝas sur la listo de la monda kultur­heredaĵo de Unesco kiel ekzemplo de preskaŭ kompleksa rekonstruo. La rekonstruitaj malnovurbaj keloj estas nova atrakciaĵo por turistoj kaj fonto de konoj pri la pola ĉefurbo. Levita el la ruinoj post la 2-a mondmilito la Malnovurba Kvartalo estas la unusola ĉi-speca histori­atesto. En la lastaj jaroj dank’ al la eŭropuniaj fondusoj oni efektivigis multajn renovigajn laborojn en ĝia subterejo farante kelkajn arkeologiajn malkovrojn, kiuj rilatas al la plej malnova historio de Varsovio. Dank’ al la uniaj fondusoj kreiĝis ankaŭ Interpreta Centro disponanta pri mapo de vizitindaj objektoj, ofertanta ekspoziciojn kaj lokojn por kulturaj-edukaj eventoj, kiel spektakloj, koncertoj, labor­renkontoj, historilecjonoj.

El la elsendo 14.03.2014. Legas Tomek

Audio clip: Adobe Flash Player (version 9 or above) is required to play this audio clip. Download the latest version here. You also need to have JavaScript enabled in your browser.

 Saloneto de la Bela Libro en Varsovio

Saloneto de la Bela Libro en Varsovio ofertas por rigardo aŭ aĉeto faksimilojn de la grandaj verkoj de la pola kaj monda literaturoj. Apud la unua eldono de „Sinjoro Tadeo” de Adam Mickiewczz  el 1834 jaro troviĝas sur ĝiaj bretoj tia raraĵo, kiel la Biblio de Gutenberg kune kun la kopio de valizo, en kiu ĝi  estis kaŝita dum la 2-a mondmilito. La pola originalo de la verko troviĝas en Pelplin – la norda Pollando. Troviĝas tie ankaŭ faksimilo de la epokfara verko de Nikolao Kopernik kopiita laŭ unu el 11 ekzempleroj de la originala verko troviĝantaj en Pollando. Krom majstraj faksimiloj de la plej gravaj libroj de la mondo la salono Belaj Libroj ofertas librojn laŭvorte belajn, t.e. ravajn pro siaj ledaj kovriloj aŭ manaj desegnaĵoj.  La salono aĉetas ankaŭ malnovajn libro­eldonojn, kiu ricevas tie epokajn aŭ arte prilabor­itajn kovrilojn. La kunlaborantaj kun la Salono de Bela Libro librobindistroj ofertas siajn servojn ankaŭ al privataj klientoj, kiuj povas veni tien kun propra libro aŭ familia fotoalbumo.

El la elsendo 04.03.2014. Legas Tomek

Audio clip: Adobe Flash Player (version 9 or above) is required to play this audio clip. Download the latest version here. You also need to have JavaScript enabled in your browser.

Pola libro distingita en Bologna Ragazzi Award

 “Majn Alef Bejs”,  libro  kun ilustraĵoj de Urszula Palusińska kaj teksto de Jehousza Kamiński ricevis la ĉefan premion en la konkurso BolognaRagazzi Award en la kategorio non-fiction. BolognaRagazziAward estas la plej prestiĝa distingo rilate la ilustraĵojn por infanlibroj, kiun organizas ĉiujare la Librofoiro por infanoj en Bolonjo. La internacia ĵurio pritaksas unuavice grafikajn kaj editorajn valorojn de publikaĵoj en kvin kategorioj: Fiction, Non Fiction, Opera Prima (por debutantoj,  novaj talentoj), New Horizons (libroj el la arabaj landoj, Suda Ameriko, Azio kaj Afriko) kaj en la kategorio Digital (aplikaĵoj). Polaj libroj regule estas dum la konkurso premiataj. La distingita nunjare pola libro „Majn Alef Bejs” ligas tradicion kun moderneco. Konsistigas ĝin jidaj rimaĵoj de juda verkisto Jehoshua Kamiński grafike ilustritaj de Urszula Palusińska. La polajn versiojn de la versaĵetoj aŭtoras Wojciech Wilczyk. Nunjare al BolognaRagazzi Award estis anoncitaj unu mil libroj el 42 landoj. La premioj estos enmanigitaj la 24-an de marto.

El la elsendo 28.02.2014. Legas Barbara

Audio clip: Adobe Flash Player (version 9 or above) is required to play this audio clip. Download the latest version here. You also need to have JavaScript enabled in your browser.

Pola Jaro en Turkio

La programon de la nunjare solenata en Turkio Pola Jaro konsistigos trarigardoj de la polaj filmoj, muzikkoncertoj, prezento de la plej nova arto kaj trarigardo de la turka arto en Pollando. La jaro ligiĝas kun la 600-jariĝo de la diplomatiaj rilatoj inter ambaŭ landoj. Ili estis starigitaj en 1414-a jaro, kiam sultano Mehmed la 1-a Çelebi akceptis la unuan polan diplomatian mision en la tiama ĉefurbo de la Otomana Imperio, Bursa. Oni ne forgesas, ke ĝi kiel la unusola lando en la epoko de la 18-jarcentaj dispartioj defendis la polan suverenecon atendante senditon el Leĥistano,  alivorte Pollando. La Polan Jaron en Turkio inaŭguros ekspozicio “Pollando-Turkio. 600 jaroj de la politikaj kaj kulturaj rilatoj”. Ĝi funkcios inter la 6-a de marto kaj la mezo de junio en Sakip Sabanci-Muzeo en Istambulo. Preskaŭ 400 eksponaĵoj, polaj kaj turkaj artverkoj devenas el 34 kultur­centroj de la tuta Pollando. En aparta maniero speguliĝos la rolo de Bursa kaj Krakovo kiel centroj de la politika vivo kaj kulturo. Bursa estos krome prezentita kiel centro produktanta kaj ekspetanta teksaĵojn, i.a. al Pollando. La ekspozicion akompanos film­prezentoj kaj prelegoj.

El la elsendo 28.02.2014. Legas Barbara

Audio clip: Adobe Flash Player (version 9 or above) is required to play this audio clip. Download the latest version here. You also need to have JavaScript enabled in your browser.

La 204-a naskiĝ­datreveno de Chopin

En la proksimaj tagoj pasas la 204-a naskiĝdatreveno de Frederiko Chopin, kvankam daŭre oni mencias du malsamajn datojn,  la 22-an de februaro kaj la 1-an de marto.

Jam morgaŭ, t.e. la 22-an de februaro estos inaŭgurita ekspozicio en la Muzeo de Frederiko Chopin en Varsovio „Diru dankon al Kolberg pro lia pena laboro. Oskar Kolberg: etnografo, muzikologo, „chopinologo”. Ekde la 1-a de marto samloke aldoniĝos ekspozicio de la plej interesaj plastikistaj laboraĵoj de infanoj kaj gejunuloj inspiritaj per la figuro de Frederiko Chopin. La 1-an de marto estos inaŭgurita ankaŭ aldona ekspozicio dediĉita al la popolaj instrumentoj sur la polaj teritorioj en la tempo de Freeriko Chopin. Ĝi funkcios en la naskiĝdomo de la komponisto en Żelazowa Wola, prezentante popolajn instrumentojn konatajn al Chopin el liaj pluraj vojaĝoj. Temos ankaŭ pri la plej karakterizaj kaj plej interesaj objektoj el la regionoj de li vizititaj eĉ se mallonge.

Okaze de la 204-a naskiĝdat­reveo de la komponisto okazos ankaŭ koncertoj. En Żelazowa Wola la 1-an de marto tagmeze koncertos Akiko Ebi, elstara japana pianistino, laŭreatino de la 5-a loko dum Chopin-konkurso en 1980, nun ĵurianino de plej gravaj muzikaj konkursoj en la mondo. Samtage en la varsovia  Nacia Filharmonio koncertos  vespere Yundi Li,  la venkinto de Chopin-Festivalo en 2000 kaj la laŭreato de speciala premio pro la plej bona plenumo de polonezo.

El la elsendo 21.02.2014. Legas Milada

Audio clip: Adobe Flash Player (version 9 or above) is required to play this audio clip. Download the latest version here. You also need to have JavaScript enabled in your browser.

Laŭvica rabita dummilite artverko revenis al Pollando

Komence de februaro en la pola konsulejo en Novjorko estis transdonita al Pollando la ŝtelita dum la 2-a mondmilito pentraĵo „Sankta Filipo baptas servon de la reĝino Kandaki” de la germana pentristo Johann Conrad Seekatz. Temas pri la 17-jarcenta pentraĵo sur la kupra lado kun motivo el la Nova Testamento. La pentraĵo ŝtelita plej verŝajne dum la Varsovia Insurekcio 1944 revenos al la Nacia Muzeo en Varsovio. Dum la solenaĵo la ĉeestanta kultur­ministro, Bogdan Zdrojewski memorigis, ke dum la 2-a mondmilito Pollando perdis grandegan parton de la kultura nacia heredaĵo. Laŭ lia pritakso el la muzeoj mem malaperis ĉ. 70 mil artverkojn. Pollando ne ĉesigos klopodojn por reakiri la ŝtelitajn dummilite aŭ perditajn kultur­trezorojn.

El la elsendo 14.02.2014. Legas Tomek

Audio clip: Adobe Flash Player (version 9 or above) is required to play this audio clip. Download the latest version here. You also need to have JavaScript enabled in your browser.

 Nova eldonaĵo pri la Nacia Muzeo en Varsovio

“La artveroj. La Nacia Muzeo en Varsovio” eldonita de Arkady estis elektita  en januaro la Libro de la Monato. La distingita de la Literatura Magazino LIBROJ albumo, en la unua jarduono de 2014 aperos anglalingve. Ĝi prezentas al la leganto krom verkoj de la pentroarto, skulptarto, desegnaĵo kaj grafiko ankaŭ artverkojn de la pola dezajno kaj fotoarto  proksimig­ante amplekson de la muzeaj kolektoj. Dum la prilaborado de la albumo la Muzeo reakiris kelkajn perditajn dum la lasta mondmilito verkojn. Ĝi aĉetis krome tre interesan portreton pentritan de Józef Mehoffer, kiun sendube eblas kalkuli al la trezoroj de la varsovia Nacia Muzeo. La 150-an jaron de sia ekzisto la ĉefurba Nacia Muzeo eniris kiel plur­segmenta institucio kolektanta, konservanta kaj disponig­anta artverkojn de multaj generacioj ekde la antikva epoko ĝis la nuntempo. Al aparte menciindaj apartenas kolektoj de la pola kaj eŭropa pentroarto, desegnaĵo, grafiko kaj artmetio. Ĝi fieras pri eksterordinare interesaj kolektoj de la malfru­mezepoka eklezia arto, de la antikva arto inkluzive de unikaj laŭ la monda skalo antikvaĵoj el la nubia katedralo en Faras. Menciindaj estas ĝiaj kabineto de numismataĵoj kaj medaloj, kaj artkolekto rilatanta al la Fora Oriento.

El la elsendo 14.02.2014. Legas Milada

Audio clip: Adobe Flash Player (version 9 or above) is required to play this audio clip. Download the latest version here. You also need to have JavaScript enabled in your browser.

Omaĝaj koncertoj lige kun 80-jariĝo de K. Penderecki en Israelo

Israela Filharmonia Orkestro kunlabre kun la Pola Instituto en Telavivo omaĝos la 80-jariĝon de Krzysztof Penderecki per serio de koncertoj en Hajfa, Telavivo kaj Jerusalemo, kie la renoma pola komponisto estados inter la 10-a kaj 18-a de februaro. Muzikistoj, The Gary Bertini Israeli Choir  kaj solartistoj Melanie Diener – sopranulino, Agnieszka Rehlis (mezo­sopranulino), Rafał Bartmiński (tenorulo) kaj Robert Jezierski (basulo) prezentos al la israela publiko “Polan Rekviemon”, komponaĵon de Penderecki el la 1981-a jaro. Direktos la komponisto mem. La plej frue komponita parto de la “Pola Rekviemo” estas “Lacrimosa”, baziĝanta sur la sekvenco “Dies Irae”. Ĝi estas dediĉita al Lech Wałęsa, Solidareco kaj omaĝas la memoron de la perintaj ŝipfaristoj en decembro 1970. Lacrimosa estis plenumita dum  la senvulao de dediĉitaj al ili Tri Krucoj en Gdansko, la 16-an de decembro 1980.

El la elsendo 07.02.2014. Legas Milada

Audio clip: Adobe Flash Player (version 9 or above) is required to play this audio clip. Download the latest version here. You also need to have JavaScript enabled in your browser.

100-jariĝo de Andrzej Panufnik

Last­merkrede, t.e. la 5-an de februaro per koncerto en la londona Barbican Hall komenciĝis la solenaĵoj de la 100-a naskiĝ­datreveno de Andrzej Panufnik. La Londona Simfonia Orkestro sub la direkto de Michael Francis plenumis du liajn komponaĵojn – la 3-an Simfonion “Sinfonia Sacra” el 1963 kaj Lulkanton por 29 arĉ­instrumentoj kaj du harpoj el 1947. Panufnik plimulton de sia vivo pasigis en Britio. Lia “Sinfonia Sacra” komponita por la miljariĝo de la pola ŝtato enhavas citaĵojn el la plej malnova konserviĝ­inta religia pola kanto kaj poezia teksto “Dipatrino”, kiu en la Mezepoko rolis kiel –  laŭ nunaj konceptoj – ŝtata himno. Krome ĝi citas la favorpetan liturgian preĝon al Dipatrino. La Sinfonio Sacra entute emfazas la patriotajn kaj religiajn sentojn de komponisto.  En “Lulkanto” Panufnik kombinis siajn du tendencojn al eksperimentado kaj al tradicifideleco.

El la elsendo 07.02.2014. Legas Milada

Audio clip: Adobe Flash Player (version 9 or above) is required to play this audio clip. Download the latest version here. You also need to have JavaScript enabled in your browser.

Kultura evento inaŭgure de la 600-jariĝo de la polaj-turkaj diplomatiaj rilatoj

La ekspozicio de grafikajoj de pola artistino Agnieszka Cieślińska inaŭguris en Turkio kulturajn solenadojn de la pasanta en 2014 600-jariĝo de la ligo de la diplomatiaj rilatoj inter Pollando kaj Turkio. Dum la tuta januaro ŝian ekspozicion „Agnieszka Cieślińska – FIGURATIO [figuracjo]”, eblis rigardi en la istambula artgalerio Işık Teşvikiye [yŝk teŝvkje – wg google-translatora]. Al la ekspozicio de la grafikaĵoj de profesorino de la varsovia Belarta Akademio akompanis akademia laborstaĝo por turkaj studentoj kun­organizita de la Fondaĵo Feyziye Mektepleri [fejzjemetekplure], Işık-Universitato kaj la Ĝenerala Konsulejo de Pollando en Istambulo. La aŭtoran elekton de la grafikaĵoj de Agnieszka Cieślińska faris la poldevena profesoro Yurdaer Altintas [jurda eraltintas], avana turka grafikisto, animanto de multaj kulturprezentoj en Turkio.

El la elsendo 31.01.2014. Legas Gabi

Audio clip: Adobe Flash Player (version 9 or above) is required to play this audio clip. Download the latest version here. You also need to have JavaScript enabled in your browser.

 Grammy-premio por Władek Pawlik

Władek Pawlik estas la unua pola ĵaz­muzikisto distingita per Grammy-statueto. La disko “Night in Calisia” surbendig­ita komune kun Randy Brecker kaj Filharmonio de Kalisz estis agnoskita kiel la plej bona disko de granda ĵazensemblo. La laboroj pri “Night in Calisia” komenciĝis antaŭ 4 jaroj. Tiam la trio de Włodek Pawlik, la usona trumpetisto Randy Brecker kaj la Filharmonio de Kalisz direktita de Adam Klocek prezentiĝis en Kalisz okaze de la 1850-jariĝo (mil-okcent-kvindek­jariĝo) de la urbo. La koncerto tiom plaĉis al la publiko, ke la artistoj renkontiĝis du jarojn poste en la studiaj kondiĉoj kaj surbendigis “Night in Calisia”. Unue la disko aperis en Pollando, pasintjare ĝi estis eldonita sur la usona merkato de Summit Records, akirinte popularecon inter la tieaj ĵazŝatantoj.  Grammy-statueto por la 55-jara pola pianisto estas la plej alta rekono por lia kreado. Ĝi tuj elvokis plian interesiĝon pri la komponaĵoj de Włodek Pawlik.

El la elsendo 31.01.2014. Legas Gabi

Audio clip: Adobe Flash Player (version 9 or above) is required to play this audio clip. Download the latest version here. You also need to have JavaScript enabled in your browser.

Nova Centro de la Pola Lingvo kaj Kulturo en Rumanio

Nova Centro de la Pola Lingvo kaj Kulturo komencis funkcii ĉe la rumana universitato en Krajowa.  Ĝi estas adresita al studentoj, merkatistoj kaj ĉiuj interesiĝantoj dezirantaj pli proksime konatiĝi kun Pollando. En la agadproramo de la centro, funkciigita la 22-an de januaro,  troviĝos ekspozicioj, film­prezentoj kaj koncertoj. Ĝi helpos al rumanaj merkatistoj ligi kunlaboron kun polaj firmaoj. Laŭ la donitaĵoj de la rumana klerig-ministerio jam 40 superaj instru­institutoj subskribis kun polaj partneroj duflankajn interkonsentojn pri kunlaboro.

El la elsendo 28.01.2014. Legas Krystyna

Audio clip: Adobe Flash Player (version 9 or above) is required to play this audio clip. Download the latest version here. You also need to have JavaScript enabled in your browser.

La dua poezivolumo de Szymborska en la ĉina lingvo

Post la sukcesa prezento de la poezivolumo de Wisława Szymborska en la ĉina lingvo “La sorĉita trankvilo de la mondo” en 2012, fine de  la 2013-a en la ĉinaj librovendejoj aperis la dua volumeto de ŝiaj poeziaĵoj “Iam mi vivis tiom solece”. La lanĉo de la volumeto okazis lige kun la Pekina Eldonfoiro, dum kiu okazis renkontiĝo popularig­anta la figuron kaj la verkadon de la pola Nobel-premiitino. Pliaj renkontiĝoj kaj poezi­vesperoj dediĉitaj al Szymborska estis planitaj i.a. en Pekino, Ŝanghajo kaj Kantono. En la 2014-a jaro en Ĉinio okazos pliaj libroeldon­oj de polaj aŭtoroj. Interalie aperos poezi­volumeto de Adam Zagajewski, libro de Ryszard Kapuściński, biografio de Karol Szymanowski kaj porjunulara libro de Andrzej Maleszka.

El la elsendo 24.01.2014. Legas Krystyna

Audio clip: Adobe Flash Player (version 9 or above) is required to play this audio clip. Download the latest version here. You also need to have JavaScript enabled in your browser.

Bitigataj kolektoj de la Vatikana kaj Oksforda bibliotekoj

Du el la plej gravaj bibliotekoj de la mondo – la Vatikana kaj la Oksforda liveris en la Interreto la unuajn enorme valorajn volumojn. En la bita formo eblas foliumi kaj legi la ne­pritakseble valoran verkon la Biblion de Gutenberg, la unuan en la mondo presitan libregon.  Krome estis disponigita elektronike la 15-jarcenta germana Biblio mane kolorigita kaj ornamita per lignogravuraĵoj. Bitigon atendas pliaj verkoj. La Vatikana Apostola Biblioteko establita en 1451 de papo Nikolao la 5-a estas unu el la plej gravaj sciencaj bibliotekoj de la mondo. La Oksforda Biblioteko Bodleian el 1610 estas la plej granda universitata biblioteko de Britio. Ambaŭ havas en siaj kolektoj la unuajn presaĵojn, la antikvajn grekajn manuskiptojn. La bit­igoprojekto de la kolektoj el ambaŭ bibliotekoj daŭros 4 jarojn. Ĝia kosto egalas al 3 milionoj 300 mil dolaroj.

El la elsendo 24.01.2014. Legas Milada

Audio clip: Adobe Flash Player (version 9 or above) is required to play this audio clip. Download the latest version here. You also need to have JavaScript enabled in your browser.

Festivalo de la Kristnaskaj Kantoj

Ĝis la 26-a de novembro eblis aliĝi al la 20-a Internacia Festivalo de la Kristnaskaj Kantoj kaj Pastoraloj en Będzin en la sudo de Pollando. La finalo de ĉi tiu plej granda evento en Pollando okazos inter la 16-a kaj 19-a de januaro 2014. Antaŭas ĝin la eliminadoj daŭrantaj inter la 8-a kaj la 20-a de januaro en 38 lokoj de la tuta lando. En 2012 la eliminadojn frontis 20 mil personoj. La Festivalon rajtas partopreni amatoroj inkluzive de lernantoj kaj diplomitoj de la muzikaj lernejoj de la 1-a grado, solistoj, duetoj,  krome korusoj, preĝejaj kantgrupoj, voĉistaj kaj voĉ-instrumentaj ensembloj, ankaŭ popolaj kanttrupoj en diversaj aĝgrupoj. Będzin merite portas la nomon de la Ĉefurbo de la Pola Kristnaska Arto venigante tien la plej bonajn muzikajn ekspertojn. La jubilean eldonon de la Festivalo akompanos simpozio titolita „La kristnaskaj kantoj kaj pastoraloj en la pola kulturo”. Ĝi celas reliefigi kiom gravaj por la pola identeco, kulturo kaj religiemo estas ĉi tiuj komponaĵoj. La festivalo elkreskis ĝis la rango de la plej prestiĝa ĉi-speca aranĝo en Pollando el la regiona muzika evento en Będzin.

El la elsendo 10.01.2014. Legas Barbara / Gabi

Audio clip: Adobe Flash Player (version 9 or above) is required to play this audio clip. Download the latest version here. You also need to have JavaScript enabled in your browser.

Plurvarianta “Knabino kun perlo” en Szczecin

Ĝis la 2-a de februaro 2014 en la Nacia Muzeo en Ŝĉecino, la nordokcidenta Pollando estas rigardebla la ekspozicio „Transformiĝoj de Knabino kun perlo”. Temas pri 33 petraĵoj-variaĵoj inspiritaj per la konata bildo de Jan Vermeer van Delft el 1664. La bildojn aŭtoras la armena pentristo Narek Avetisyan. Laŭ lia deklaro la bildoj spegulas la inspiritajn imagojn de la artisto, kaj ne la bildo­originalon mem. Laŭ Narek Avetisyan la pentrista ideo estas ekstertempa. Li serĉis inspirojn ankaŭ ĉe aliaj pentro­majstroj kiel Hieronim Bosch, Pablo Picasso kaj aramenaj pentristoj. Kreante la ciklon „Knabino kun perlo” li gvidis sin per idealismo de Platono kaj simulado, konsistanta en la kreado de bildo ŝajniganta realon aŭ kreanta la proporan realon.

El la elsendo 27.12.2013. Legas Zbyszek

Audio clip: Adobe Flash Player (version 9 or above) is required to play this audio clip. Download the latest version here. You also need to have JavaScript enabled in your browser.

 La pentraĵoj de Guercino en Pollando

La Nacia Muzeo en Varsovio ĝis la 2-a de februaro 2014 prezentas la ekspozicion kun pentraĵoj de Guercino, unu el la plej elstaraj majstroj de la itala baroko. Inter la ekspozici­ataj tolaĵoj troviĝas la plej famaj kompanaĵoj deventantaj el la italaj kolektoj – la pinakoteko, preĝejoj kaj palacoj de lia familia urbo Cento kaj krome el la kolektoj de la roma Galleria Nazionale d’Arte Antica di Palazzo Barberini. La pola publiko havas krome la esceptan okazon adminiri unu el la plej enigmaj verkoj en la historio de la moderna pentroarto, la malofte prezentatan ekster Romo pentraĵon „La Arkadiaj Paŝtistoj”. La ekspozicion de la monument­ecaj tolaĵoj riĉigas desegnaj studaĵoj, skizoj kaj krokizoj. La retrospekta ekspozicio de Guercino en la Nacia Muzeo en Varsovio estas la unua tiom riĉa prezento de lia kreado ekster Italio. En la 17-a jarcento la figuro kaj la verkoj de  Guercino akiris popularecon kompareblan kun tiu de tiel grandaj majstroj de la epoko kiel Caravaggio, Velázquez kaj Rembrandt. Ekde septembro 2013 ĝis februaro 2014 la ekspozicion akompanas riĉenhavaj eventoj, kiuj proksimigas al la pola publiko diversajn aspektojn de la baroka arto.

El la elsendo 20.12.2013. Legas Gabi

Audio clip: Adobe Flash Player (version 9 or above) is required to play this audio clip. Download the latest version here. You also need to have JavaScript enabled in your browser.

Adam Zagajewski distingita en Ĉinio

Pola poeto, Adam Zagajewski fariĝis laŭreato de la ĉina literatura premio Zhongkun, difinata kiel ĉina poezia Nobel-premio. La enmanigo okazis lastĵaŭde en Pekino. Tiu ĉi internacia literatura premio estas atribuata ĉiun duan jaron de la Poezia Fondaĵo Zhongkun kunlabore kun Instituto pri Poeziesploroj de la Pekina Universitato. Temas pri unusola ĉi-speca premio en Ĉinio por eksterlandanoj. En ĉiu eldono ricevas ĝin du poetoj – ĉino kaj eksterlandano.  En la nomo de la pola premiita laŭreato, kiu ne povis partopreni la solenaĵon – la distingon transprenis la reprezentanto de la pola ambasado en Pekino. La Ĉina Poezia Nobel-Premio ne estas unusola distingo pro Zagajewski. En marto 2014 la funkcianta en Kantono neformala poezi­societo membriganta renomajn poetojn naskiĝintajn en la 70-aj jaroj enmanigos al  li premion pro la tuto de la kreado. Venontjare aperos kromede la unua ĉina traduko de poezikolekto de Zagajewski fare de profesorino Wu Lan, elstara traduk­istino de la pola literaturo, tradukinta jam i.a. verkojn de Miłosz kaj Kapuściński.

El la elsendo 29.11.2013. Legas Milada

Audio clip: Adobe Flash Player (version 9 or above) is required to play this audio clip. Download the latest version here. You also need to have JavaScript enabled in your browser.

 4 Reĝaj Rezidejoj libere viziteblaj en novembro

Dum la tuta novembro 4 polaj reĝaj rezidejoj estas viziteblaj senpage kaj infanoj kaj gejunuloj kontraŭ simbola unu zloto rajtos krome viziti 23 muzeojn en la tuta lando. La kampanjon partoprenas la Varsoviaj la Reĝa Kastelo, Muzeo en la Reĝa Łazienki-Parko kaj aldone la Reĝa Kastelo sur Wawel-altaĵo en Krakovo. Pasintjare en novembro vizitis ilin ĉ. 260 mil personoj kaj 5 mil partoprenis la muzeajn prelegojn. Estis organizitaj ĉ. 800 klerigaj lekcioj. Tiel la 4 reĝaj rezidejoj notis kvaroble pli da vizitoj ol en la sama monato 2011. Rekorde, ĉar eĉ 12-oble kreskis la vizitoj en la Muzeo la Reĝa Łazienki-Parko. Ĉiam pli da muzeoj malaltigas la enirprezojn al muzeoj por la plej junaj vizitantoj.

El la elsendo 22.11.2013. Legas Gabi

Audio clip: Adobe Flash Player (version 9 or above) is required to play this audio clip. Download the latest version here. You also need to have JavaScript enabled in your browser.

 La filmo „Papusza” premiita en Hispanio

La trioblan sukceson dum la 58-a Internacia Semajno de Kinfoarto en Valladolid, Hispanio ĝuis la filmo de Joanna kaj Krzysztof Krauze „Papusza”. Ĝi estis premiita pro la reĝisorado kaj la ĉefa vira rolo. La filmo estis krome distingita de Junulara Ĵurio de la Festivalo. „Papusza” estas filmo pri la unua romaa, cigana poetino, kiu skribe notis siajn versaĵojn, pro kio en sia medio ŝi estas kondamnita je ostracismo. La filmo gajnis favorajn recenzojn. La pola premiero de „Papusza” okazas  hodiaŭ, t.e. la 15-an de novembro.

El la elsendo 15.11.2013. Legas Krystyna

Audio clip: Adobe Flash Player (version 9 or above) is required to play this audio clip. Download the latest version here. You also need to have JavaScript enabled in your browser.

Patriota edukado de polaj gejunuloj

Instituto pri la Nacia Memoro pretigis animitan filmon, dank’ al kiu la plej junaj poloj povos ekscii, kun kio ligiĝas la simboloj de Pollando, la koloroj de la nacia flago kaj himno. La filmo „Eta Polo” reference al konata patriota rimaĵo por infanoj popularigas la patriotajn valorojn sub la devizo „vere majozas esti polo”. Preskaŭ 7-minuta filmo informas junulojn pri tio, kiel la blanka aglo sur la ruĝa fono fariĝis la blazono de Pollando. Ĝi klarigas ankaŭ la simbolan signifon de la koloroj de la pola flago. La filmo elkalkulas krome la plej gravajn naciajn festojn kaj rakontas pri la kreiĝo de Dabrowski-Mazurko, alivorte la pola himno eksplikante kiel ĝi estas tiom eksterordinara kanto por poloj.

El la elsendo 12.11.2013. Legas Tomek

Audio clip: Adobe Flash Player (version 9 or above) is required to play this audio clip. Download the latest version here. You also need to have JavaScript enabled in your browser.

Festivalo de la Pola Kulturo en Pekino

Modparado, plastikaj ekspozicioj, koncertoj de klasika muziko en la plenumo de polaj artitoj estas la atrakciaĵoj de la 2-a eldono de la Festivalo de la Pola Kulturo en Pekino. I.a. pola-kanada pianisto Jan Lisiecki, kiu subskribis prestiĝan surdiksigan kontrakton kun  Deutsche Grammophon, ludas komponaĵojn de Chopin, Moniuszko kaj Penderecki. Julia Kociuban pianludas krom verkoj de Chopin ankaŭ komponaĵojn de Grażyna Bacewicz.  La loĝantoj de Pekino havas krome la eblecon rigardi du ekspoziciojn. Unu prezentas verkojn de junaj polaj kreantoj de novrealismo, la alia prezentas bildojn de ĉinaj artistoj inspiritaj per sia estado en  Krakovo.  La ekspozicio daŭros ĝis la 11-a de novembro.

El la elsendo 08.11.2013. Legas Milada

Audio clip: Adobe Flash Player (version 9 or above) is required to play this audio clip. Download the latest version here. You also need to have JavaScript enabled in your browser.

  Rekorda puntaĵo el Pollando reklamas la polajn Beskidojn

La plej granda en la mondo puntaĵo kun la diametro de 5 metroj kaj pezo de 5 kilogramoj farita de puntistinoj el Koniaków (la sudo de Pollando) estis prezentita lastsomere en la landoj de la Viŝegrada Grupo. Pli frue ĝi estis admirebla en la 17-a Internacia Festivalo de Puntaĵoj en la kroata Lepoglava. La pola puntaĵo elvokinta la admiron de la kroata prezidento estas  verko de kvin puntistinoj laborintaj pri ĝi 4 monatojn kaj foruzintaj puntfadenojn kun la longeco de 50 kilometroj. Meze de aŭgusto ĝi eniris la Rekordlibron de Guiness.  La kreintinoj de la puntaĵo premisis, ke ilia verko disfamigos ilian regionon Beskidy en Karpatoj. La puntaĵoj el la vilaĝo Koniaków havas pli ol 100-jaran tradicion. Ili ofte servis kiel porokazaj donacoj. Interalie ricevis ilin papo Johano Paŭlo la 2-a kaj la brita reĝino, Elizabeta la 2-a.

El la elsendo 18.10.2013. Legas Milada

Audio clip: Adobe Flash Player (version 9 or above) is required to play this audio clip. Download the latest version here. You also need to have JavaScript enabled in your browser.

La Pekina Muzikfestivalo omaĝas Krzysztof Penderecki

Dum la okazanta en Pekino 16-a Muzikfestivalo, kiun de ĉirkaŭ 20 jaroj regule vizitas pola komponisto Krzysztof Penderecki, nunjare oni aparte omaĝis lian 80-an naskiĝ­datrevenon. Inter la 15-a kaj 18-a de oktobro eĉ tri fojojn aŭdiĝis liaj komponaĵoj i.a. plenumitaj de la Ĉina Nacia Simfonia Orkestro en la akompano de ĉina viol­inistino Vera Tsu Wei-ling  kaj litova ald­violonisto Julian Rachlin. La 18-an de oktobro  dum la Pekina Festivalo estis planita  speciala koncerto „La Shanghaja Kvarteto omaĝas la majstrojn de la ĉambra muziko – Verdi, Wagner, Britten, Penderecki, Aldridge kaj Zhou Long”. La unua festivala eldono okazis en Pekino en la 1998-a jaro. Dum ĝi estis prezentitaj komponaĵoj de Beethoven, Wagner, Brahms, Grieg, Verdi kaj Czajkovski.

El la elsendo 18.10.2013. Legas Milada

Audio clip: Adobe Flash Player (version 9 or above) is required to play this audio clip. Download the latest version here. You also need to have JavaScript enabled in your browser.

La unuan fojon Janusz Korczak ĉine

La unuan fojon libroj de la pola elstara pedagogo, Janusz Korczak aperis en la ĉina lingvo. Ekde septembro la ĉina leganto povas aĉeti en siaj librovendejoj tiajn librojn, kiel „Reĝo Maĉjo la 1-a” kaj „Kiam mi denove estos etulo” kaj krome la biografion de Janusz Korczak verkitan de usona verkistino Betty Jean Lifton „La reĝo de infanoj”. Janusz Korczak laŭprofesie kuracisto, pro la korinklino pedagogo kun tre modernaj tiuepoke eduk­konceptoj kaj verkisto aŭtoris 24 librojn kaj pli ol 1400 eseojn. En la ĉinan lingvon la du menciitajn  librojn de Korczak tradukis Wei Rongmei. Pasintjare Pollando solenis bunteventan Korczak-Jaron i.a. lige kun la 70-a datreveno de Janusz Korczak.

El la elsendo 15.10.2013. Legas Gabi

Audio clip: Adobe Flash Player (version 9 or above) is required to play this audio clip. Download the latest version here. You also need to have JavaScript enabled in your browser.

 Festo de la Pola Kavalerio

Semajnfine en Varsovio disvolviĝos Festo de la Pola Kavalerio. La eventon partoprenos ĉ. 150 rajdantoj kaj ĉevaloj el la Ĉevalrajda Kompanio de la Polaj Militistaj Fortoj, filiaj taĉmentoj de la societo Ĉevalrajda Kompanio de Pola Respubliko kaj de aliaj societoj flegantaj la ulanajn tradiciojn. Sabate posttagmeze tra la varsoviaj stratoj moviĝos la parado de la ĉevalrajdaj formacioj kaj inter oficialaj punktoj de la tago okazos meto de floroj ĉe monumento de marŝalo Józef Piłsudzki ĉe la prezidenta palaco Belveder kaj Omaĝalvoko al la pereintaj soldatoj ĉe la Monumento de la Pola Rajdantaro. Dimanĉe por la partoprenantoj de la familia pikniko – kadre de  kiu okazos ankaŭ prezento de la ĉevajradaj talentoj de polaj soldatoj – trafikos speciala buso. La Festo de la Pola Kavaliero estas solenata la 3-an fojon en la datreveno de la batalo apud Komarowo en 1920, kiam polaj soldatoj venkis la kvaroble pli fortan bolŝevistan Ĉevalarmeon de Siemion Budionny.

El la elsendo 06.09.2013. Legas Gabi

Audio clip: Adobe Flash Player (version 9 or above) is required to play this audio clip. Download the latest version here. You also need to have JavaScript enabled in your browser.

 Tagoj de la Eŭropa Kulurheredaĵo

En la Cisterciana Abatejo  en la loko Wąchock la 7-an de septembro estos inaŭgurita la 21-a eldono de  Tagoj de la Eŭropa Kulturheredaĵo. Nunjare ilia devizo estas “Ne tuj oni Pollandon elkonstruis”, reliefig­anta la kontinuecon de la pola ŝtato, kiu daŭras senĉese ekde la 10-a jarcento. Tio estas la okazo memorigi ĉiajn konstru­formojn de la pola ŝtato kaj batalon favore al  ĝia sendependa ekzisto. La devenanta el la 12-a/13-a jarcento Cisterciana Abatejo en Wąchock apartenas al la plej belaj kaj plej valoraj objektoj de la romanika arkitekturo en Pollando. Ĝia fondinto en 1179 estis la krakova episkopo Gedko. La troviĝantaj tie preĝejo de la Plej Sankta Maria Virgulino kaj de la sankta Floriano superbe spegulas en arkitektura formo la severan cist­ercianan orden­regularon. Pri la elekto de Wąchock decidis ankaŭ ĝiaj patriotaj kaj sendepend­igaj tradicioj. Dum la inaŭguro estas antaŭviditaj pluraj historiaj vivscenoj, kiel ĉasista tendaro el la ŝtona epoko, metioj en la mezepoka setlejo, kavalira parado sub la standardoj de Sandomierz-regiono kaj prezento de insurgentaj taĉmentoj el la 1863-a jaro. Ĉi lasta evento memorigas, ke la nunjaraj Tagoj koincidas kun la 150-a datreveno de la Januara Insurekcio 1863. Lige kun tio dum la tagoj apartan atenton oni donos al la rolo de la polaj insurekcioj por transdaŭro de la nacia identeco. La Tagoj de la Eŭropa Kulturheredaĵo estos solenataj en la tuta Pollando dum du sinsekvaj semajnfinoj. Inter la 7-a kaj 9a kaj inter la 14-a kaj 15-a de septembro eblos viziti milojn da historiaj lokoj kaj objektoj, kiuj plurfoje ĉiutage estas ne­viziteblaj.

El la elsendo 06.09.2013. Legas Gabi

Audio clip: Adobe Flash Player (version 9 or above) is required to play this audio clip. Download the latest version here. You also need to have JavaScript enabled in your browser.

 Polaj libroj legeblaj en Vankuveraj kafejoj

Ekde la nunjara somero librojn de polaj verkistoj eblas legi en 13 kafejoj de la kanada Vankuvero. Eblas ilin preni libere por la plulegado hejmen, gravas tamen, ke post la tralego oni pludonu libron. La kampanjo en la angla lingvo „Book Polishing” estis organizita de la loka Ĝenerala Konsulejo de Pollando. MSz: Book Poliŝing, la ideo de senkosta interŝanĝ­ado de libroj sekve de la lasado de ili en publikaj lokoj kaj en lokoj tiucele kreitaj, kiel libro­interŝanĝaj bretoj kaj tabloj ĝuas popularecon en multaj urboj de la mondo. En la oferto de la Vankuvera Book Polishing troviĝas 70 libroj disponig­itaj en la lokaj kafejoj konataj pro sia kultura agado. Ĉiu el libroj, inter kiuj troviĝas i.a. libroj de Stanisław Lem aŭ Ryszard Kapuściński enhavas flufolion kun informoj pri Pollando, gravaj wawo-wawo-wawo-adresoj kaj mini­vortareto de la bazaj polaj parolturnoj en la fonetika formo. Ĉiu el la libroj kovrilpaĝe surhavas informan glumarkon pri la kampanjo kaj individuan numeron. Dank’ al tio la librotrovinto de la libro povas sekvi sortojn de ĉiu ekzemplero sur la paĝo: www.bookcrossing.com. En la paĝo troviĝas preskaŭ 10 milionoj da libroj, kiuj estas libere interŝanĝ­ataj en 132 ŝtatoj de la mondo. Preskaŭ du milionoj da personoj sekvas iliajn sortojn.

El la elsendo el la 16.08.2013. Legas Barbara/Milada

Audio clip: Adobe Flash Player (version 9 or above) is required to play this audio clip. Download the latest version here. You also need to have JavaScript enabled in your browser.

 Jubileaj Romaaj Tagoj en Gorzów Wielkopolski

Inter la steluloj de la jubilea, 25-a Internacia Rendevuo de Ciganaj Ensembloj – Romane Dyvesa (Romaaj Tagoj) troviĝas pola kantistino Edyta Geppert kaj la rumana dancteatro Romafest. La jubilea festivalo disvolviĝanta inter la 5-a kaj 7-a de julio okazos en Gorzów Wielkopolski (la orienta Pollando). Sabate prezentiĝos la ciganaj trupoj el Ĉehio kaj Rumanio kaj ankaŭ Romaa Harpista Orkestro el Pollando. Dum la solena koncerto la plej proksiman dimanĉon okazos recitalo de Edyta Geppert, ludos la argentina trupo Zingaros, la hungara grupo de Vojas kaj la serba grupo KAL. La Festivalon kronos la prezentiĝo de la Romaa Muzika Teatro TERNO kun ĝiaj gastoj el Moldavio, Rusio, Serbio kaj Svedio. La festivalon akompanas internacia scienca konferenco „Ciganoj/Romaoj en Pollando kaj en Eŭropo. Religio, kulturo kaj kutimaro”. Samtempe estos lanĉita libro dediĉita al tiu ĉi etna malplimulto. Post ĝi estos inaŭgurita foto­ekspozicio dokument­anta la 25-jaran tradicion de Romane Dyvesa. Ĝia unua eldono okazis en 1989 laŭ iniciato de komponisto, akordion­virtuozo kaj estro de la Romaa Muzikteatro, Edward Dębicki. Gorzów Wielkopolski ne senkaŭze gastigas la festivalon, nome printempe 1947 atingis ĉi tiun urbon la unua veturilaro de polaj ciganoj direktita el la iamaj polaj rand­regionoj. Inter ili estis familioj, el kiuj devenis la konataj en la tuta mondo kreantoj de la romaa kulturo. La ĉefaj taskoj de Romane Dyvesa estas firmigo kaj protekto de la romaaj kultur­tradicioj, inspirado de romaaj kreantoj kaj kultur­animantoj al la arta, scienca kaj eduka agado celanta la flegadon de la identeco de ĉi tiu etna grupo. Dum la ĝisnunaj eldonoj de Romane Dyvesa partopenis pli ol 160 profesiaj grupoj el plimulto de la eŭropaj landoj. Ankaŭ el aliaj mondopartoj, inkluzive de la lulilo de romaoj, la Hinda Unio.

El la elsendo, 05.07.2013. Legas Milada

Audio clip: Adobe Flash Player (version 9 or above) is required to play this audio clip. Download the latest version here. You also need to have JavaScript enabled in your browser.

 Internacia piankonkurso por infanoj en Szafarnia

Junaj pianistoj el Singapuro, Italio, Belgio kaj Pollando fariĝis laŭreatoj de ĉefpremioj de la 21-a Internacia Pianista Konkurso por Infanoj kaj Junularo en la loko Szafarnia. La premioj egalis de 700 ĝis 1300 eŭroj. Inter specialaj premioj estas la eblo koncerti en la hispana Pampeluna kaj estado en Hungario. En la konkurso partoprenis pianistoj en la aĝo de 6 ĝis 18 jaroj, inkluzive de tiuj, kiuj ne estas lernantoj de Ŝtataj Muzikaj Lernejoj. Entute temis pri 47 partoprenantoj el Azerbejĝano, Belgio, Israelo, Kanado, Litovio, Germanio, Rusio, Rumanio, Serbio, Singapuro, Ukrainio, Turkio, Hungario kaj Italio. Pollandon reprezentis 30 junaj artistoj. La ideo de la Pianistaj koncertoj en Szafarnia kreiĝis en 1992. Por multaj pianistoj ĝi estis la unua paŝo al la artista kariero. En Szafarnia apud Golub-Dobrzyń en la jaroj 1824 kaj 1825 feriis Frederiko Chopin gastante en la biendomo de sia lerneja kolego Dominik Dziewanowski. Tie Chopin komponis 4 mazurkojn kaj redaktis  la lokan gazeteton, kies celo estis detale priskribi por la gepatroj eventojn, kiuj okazis dum lia estado en Szafarnia.

Legas Milada

Audio clip: Adobe Flash Player (version 9 or above) is required to play this audio clip. Download the latest version here. You also need to have JavaScript enabled in your browser.

La 54-a sezono de Chopin-koncertoj

La 19-an de majo okazis la solena inaŭguro de la 54-a sezono de Chopin-koncertoj en la varsovia Łazienki-parko. Krom la prezidenta paro partoprenis ĝin ambasadoroj de la landoj, el kiuj devenis la ĝisnunaj laŭreatoj de la internacia Chopin-konkurso ekde 1927. La inaŭguro de la sezono kun amasa partopreno de la publiko estis ne sole granda muzika evento, sed aŭguris samtempe laŭvican sukcesan sezonon. Ekde 1959 la formulo de la koncertoj plurfoje ŝanĝiĝis. Jen temis pri fortepianaj koncertoj akompanite de simfonia orkestro, jen pri recitaloj kaj deklamadoj de la romantika poezio. De dek kelkaj jaroj okazas klasikaj recitaloj de elstaraj pianistoj. La aparta karakterizaĵo de la dimanĉaj Chopin-koncertoj en Łazienki-Parko estas, ke Chopin-muziko miksiĝas kun la urbobrueto, kanto de birdoj, sono de la superflug­antaj aviadiloj kaj ĉiufoje sonas alimanire. Samtempe kun la inaŭguro de la muzika sezono estis solene malfermita ĝardeno ĉirkaŭ la monumento de Chopin post la okazigita rearanĝo. I.a. estis plantitaj 6600 rozujoj kaj 15 mil aliaj plantoj. La ĉiudimanĉaj Chopin-koncertoj en Łazienki-parko daŭros ĝis la 29-a de septembro.

Legas Milada

Audio clip: Adobe Flash Player (version 9 or above) is required to play this audio clip. Download the latest version here. You also need to have JavaScript enabled in your browser.

 Nokto de Muzeoj en Varsovio

Eĉ 210 institucioj anoncis aliĝon al la Nokto de Muzeoj en Varsovio, okazonta inter la plej proksima sabato kaj dimanĉo. La unuan fojon eblos viziti tiunokte la sidejon de la Kulturministerio, la Nacian Stadionon kaj muzeon de polaj judoj. La evento ĝuas grandan popularecon, de du jaroj meze partoprenas ĝin ĉ. 200 mil personoj. La Nacia Stadiono invitos gastojn al la lumigita placludejo, kiun eblos rigardi ankaŭ el la loĝio por eminentuloj. Estos gviditaj ankaŭ tra ĝi organizitaj promenoj. Vizitantoj de la Kulturministerio konatiĝos kun la historio kaj internoj de la ministeria sidejo, kiu estas Palaco de Potocki-familio. Kvankam muzeo de polaj judoj jam partoprenis la Nokton de Muzeoj en la antaŭaj eldonoj, ĉi-foje eblos konatiĝi kun la inaŭgurita antaŭnelonge ĝia nova sidejo. I.a. dum internacia debato ĝia arkitekto Rainer Mahlamaki el Finnlando kun aliaj partoprenos la debaton Arkitekturo de la Muzeo de Polaj Judoj – inspiroj, simbolaro, procezo, funkcieco.  Najbare en la sama urboparto Muranów la duan fojon siajn pordojn malferos dumnokte la sidejo de la Pola E-Asocio proponante i.a. infanludojn, rapidkurson, konatiĝon kun la Unua Libro, E-literaturo kaj kun eksterlandaj esperantistoj loĝantaj en Varsovio. En kelkaj urbolokoj prezentiĝos Muzeo Perdita. Temas pri virtuala prezento de la perditaj dummilite artverkoj. Pri la graveco de la temo atestu la fakto, ke rezulte de la 2-a mondmilito Pollando perdis 70 procentojn de sia materia kultur­heredaĵo. Tiuj prezentoj okazos antaŭ la Prezidenta Palaco, en la Nacia Muzeo, Palaco en Wilanów kaj sur la Nacia Stadiono. Kiel ĉiujare al la eventoj de la nokto inter sabato kaj dimanĉo aliĝas i.a. Muzeo de la Polaj Armeaj Fortoj, Muzeo de la Nuntempa Arto, la artgalerio Zachęta, la Reĝa Kastelo, Mickiewicz-Instituto, Instituto de la Nacia Memoro, la Historia Muzeo, Muzeo de Literaturo, Muzeo de Moderna Arto, la Scienca Centro Kopernik. La unuan fojon inter la muzeoj kaj aliaj objektoj eblos trafiki per la urba biciklo Veturilo, kiu disponas nun pri 128 strataj lustacioj kun 2200 bicikloj. Trafikos ankaŭ 26 malmodenaj busoj el la 50-aj kaj 60-aj jaroj, inter ili 15 tiel nomataj kukumoj, do busoj duoble longaj.

Legas Tomek

Audio clip: Adobe Flash Player (version 9 or above) is required to play this audio clip. Download the latest version here. You also need to have JavaScript enabled in your browser.

1 2  3  4  5  6  7  8  9 10 11 12 13 14