Kontaktu nin

Aŭskultu nin kaj aŭskultigu aliajn!

Skribu kaj komentu:
retradio.esperanto@gmail.com
(aŭ barbarinella@gmail.com)
Amikaro de Pola Retradio en Esperanto.

Nombro de vizitoj


Subtenu nin

Donacu rete al UEA konto vars-t

※ Donaco estos pagita sumo minus 5% de administraj kostoj ĉe Paypal.
※ Via nomo aperos en la listo de donacintoj. Kontaktu la redakcion se vi volas resti anonima

Redakcia teamo

Barbara PIETRZAK
Gabriela KOSIARSKA
Milada SZWEDO
Maciej JASKOT
Krystyna GROCHOCKA
Tomasz MILLER
Saliĥ ZAKIROV
Bruce CRISP

Arkivoj

Kategorioj

Elsendoj

La 863-a E_elsendo el la 19.06.2019 ĉe www.pola-retradio.org

En la literatura segmento de nia ĉi-semajna marda E-elsendo ni prezentas la 83-an fragmenton de la romano de Henryk Sienkiewicz „Quo Vadis” en la E-traduko de Lidia Zamnhof.
La komencaj aktualaĵoj rilatas al Gdansko kaj ĝia avana loko ĉe Baltiko, kiel kontenera haveno; Al la rangolisto de polaj altlernejoj Perspektywy 2019, en kiu la unuan lokon okupis la Varsovia Universitato; Al polaj junuloj, kiuj elektante studdirekton gvidas sin per interesiĝoj.
La sciencbultena temo rilatas al malkovro de edinburgaj sciencistoj pri ekzisto de nova – nekonata ĝis nun – stato de materio.
Aktualaĵoj kaj sciencbultena temo estas paralele legeblaj kaj aŭdeblaj en la koncernaj rubrikoj de nia paĝo. Muzike ni memorigas fragmente la kanzonon de Asorti „Kara mia” devenantan el ĝia KD „Lernejaj amikoj”. La programinformon ilustras la interreta foto prezentanta la enirpordon al la Varsovia Universitato ĉe la strato Nowy Świat.
La elsendo troviĝas krome en jutubo ĉe la kanalo Espero2009: https://www.youtube.com/results?q=pola+retradio&sp=CAI%253D

Play

La 862-a E_elsendo el la 14.06.2019 ĉe www.pola-retradio.org

En niaj komencaj kulturkronikaj aktualaĵoj ni informas pri nova donaco, kiun ricevis la varsovia Chopin-muzeo. Temas pri letero de George Sand el Majorko priskribanta la komunan viziton tie kun Chopin; We are Museums estas konferenco, antaŭnelonge okazinta en Katowice pri kio ni informas sekve. Fine ni notas la ekspozicion en Islando, antaŭnelonge malfermitan kaj dediĉitan al polaj monaĥinoj karmelaninoj en ĉi tiu lando.
En la E-komunuma segmento ni informas pri la junia E-renkontiĝo en la brazila Lorena kaj pri la komenciĝanta komuna kongreso de usonaj kaj kanadaj esperantistoj en Bostono.
En la fino de la programo ni invitas por la leterkesta renkontiĝo.
La kulturkronikaj informoj estas paralele legeblaj kaj aŭdeblaj en la koncerna rubriko de nia paĝo.
Muzike ornamis la programon la hispana kanzono „Tri folioj panjo” prilaborita de Muzikumejo aŭdiĝanta en jutubo: https://www.youtube.com/watch?v=z825-_pFSls. Kaj “La Ĉuvaŝa arto” el la KD de Vinilkosmo „JoMo Slavumas”.
La programinformon ilustras la interreta foto kun manuskripto de letero de George Sand, kiu riĉigis la kolekton de Chopin-muzeo en Varsovio.
La elsendo troviĝas krome en jutubo ĉe la kanalo Espero2009: https://www.youtube.com/results?q=pola+retradio&sp=CAI%253D

Play

La 861-a E_elsendo el la 12.06.2019 ĉe www.pola-retradio.org

Jarkomence pasis la 90-a naskiĝdatreveno de unu el la plej konataj polaj esperantistinoj, plurjardeka redaktorino de „Heroldo de Esperanto”. Lige kun tio ni memorigas – ĉerpante el nia arkivo – sondokumentojn el la komenco de la 90-aj jaroj, kiuj proksimigas ĉi tiun elstaran virinon ankaŭ laŭ iom privata aspekto.
La komencaj aktualaĵoj rilatas al la vizito de la pola prezidenta paro en Usono kaj al partopreno de Pollando en la projekto pri superkomputilo. La sciencbultena temo koncernas la unian projekton LOFAR, kiu esporas la radioondojn.
La aktualaĵoj kaj la sciencbultena temo estas paralele legeblaj kaj aŭdeblaj en la koncerna rubriko de nia paĝo.
La programinformon ilustras foto de la Premio de Ada Fighiera-Sikorska, en 2018 atribuita al red. Barbara Pietrzak. La elsendo troviĝas krome en jutubo ĉe la kanalo Espero2009: https://www.youtube.com/results?q=pola+retradio&sp=CAI%253D

Play

La 860-a E_elsendo el la 07.06.2019 ĉe www.pola-retradio.org

Post la majaj laborvizitoj en Montrealo kaj Lahtio antaŭ nia mikrofono gastas Konstanta Kongresa Sekretario, Clay Magalhães. Ni ekscias pri laboroj rilate la Universalan Kongreson 2020 kaj informiĝas pri sciindaĵoj lige kun la 104-a en Lahtio kaj aparte, kiel de Helsinki atingi la kongresurbon.
Komencaj kulturkronikaj informoj koncernas apartan ekspozicion de nuntempa arto en Japanio, lige kun la 100-jariĝo de la polaj-diplomatiaj rilatoj; inter pluraj muzikaj eventoj en Varsovio apartan lokon havas Mozart-Festivalo, pri kiu ni informas sekve.
La E-komunumaj informoj ligiĝas kun la elekto de la nova estraro de la Pola E-Asocio kaj interesa hispana eldonaĵo „Donkiĥoto Poliglota”, en kiu estas loko ankaŭ por Esperanto (http://bidicam.castillalamancha.es/bibdigital/bidicam/es/catalogo_imagenes/grupo.cmd?path=1544204&interno=S&presentacion=pagina&posicion=208).
La akompananta nian programinformon interreta foto prezentas la frontpaĝon de „Donkiĥoto Poliglota”.
La kulturkronikaj informoj estas paralele legeblaj kaj aŭdeblaj en la koncerna rubriko de nia paĝo. Aparte aŭdiĝas interparolo kun KKS, Clay Magalhães. La elsendo troviĝas krome en jutubo ĉe la kanalo Espero2009: https://www.youtube.com/results?q=pola+retradio&sp=CAI%253D

Play

La 859-a E_elsendo el la 04.06.2019 ĉe www.pola-retradio.org

Hodiaŭ en nia programo ni invitas por renkontiĝo kun nia kolego, d-ro Maciej Jaskot, kiu rakontas pri konferenco, kiun antaŭnelonge li partoprenis en Bulgario kaj kunrealigata kun bulgaraj sciencistoj Frazeologia Leksikono. Komencaj aktualaĵoj koncernas eventojn en Pollando – la rekonstruon de kabineto, lige kun tio, ke kelkaj ministroj akiris mandatojn dum la lastaj balotoj al la Eŭropa Parlamento; ni memorigas du datrevenojn – la 30-jariĝon de la unuaj parte liberaj balotoj en Pollando, kiuj kondukis al demokratiaj transformiĝoj; la 27-jariĝon de la faligo de la kabineto de ĉefministro Jan Olszewski, kio haltigis la senkomunismigan procezon je 23 jaroj. La sciencbultenaj informoj rilatas al la pola birdprotekta programo kaj al kuriozaj nordamerikaj birdoj, kiuj kunkovas birdidojn.
Muzike akompanas nin la ensemblo Es-To per la kanzono „Revenu” kaj Oliver Tzaut per la kanzono „Ĉu malĝoja” el la vinila disko „Karnavaleto”.La akompananta nian programinformon interreta foto rilatas al la pola plurjara birdprotekta programo.
La aktualaĵoj, sciencbultenaj informoj estas paralele legeblaj kaj aŭdeblaj en la unuopaj rubrikoj de nia paĝo. La elsendo troviĝas krome en jutubo ĉe la kanalo Espero2009: https://www.youtube.com/results?q=pola+retradio&sp=CAI%253D

Play

La 858-a E_elsendo el la 01.06.2019 ĉe www.pola-retradio.org

Hodiaŭ en kelkaj landoj, inkluzive de Pollando estas solenata la Internacia Infantago, proklamita de UNo en 1954. Tiuokaze niajn bondezirojn de ĝojplena tago ni transdonas al ĉiuj esperantistaj infanoj, inkluzive denaskulojn samtempe gratulante al la gepatroj kaj edukantoj pro ilia zorgo pri la maturigado de laŭvicaj generacioj de nia E-komunumo. La dezirojn akompanas la kanzono de la ensemblo Tintilo „Bela Rideto”.
Nia nunsemajna felietono pri Koninda Pollando estas dediĉita al la loko Łochów, kie okazas la kongreso de Pola E-Asocio kaj ĝia raporta-elekta kunveno. La komencaj kulturkronikaj informoj koncernas la daŭrantan en la varsovia Nacia Muzeo ekspozicion de laboraĵoj de la pola skulptisto August Zamoyski kaj ekspozicion de polaj popolaj muzikinstrumentoj en Vroclavo.
Muzike akompanas nin bonveniga al Pollando kanto de la kabareda trupo el la 60-aj jaroj de la pasinta jarcento „Verda Simio”. La akompananta nian programinformon interreta foto prezentas la ĉefan vidindaĵon de Łochów, t.e. iaman palacon, en kiu nun funkcias konferenca-ripoziga centro.
La kulturkronikaj informoj kaj la felietino estas paralele legeblaj kaj aŭdeblaj en la unuopaj rubrikoj de nia paĝo.
La elsendo troviĝas krome en jutubo ĉe la kanalo Espero2009: https://www.youtube.com/results?q=pola+retradio&sp=CAI%253D

Play

La 857-a E_elsendo el la 28.05.2019 ĉe www.pola-retradio.org

La dua parto de nia hodiaŭa elsendo sendube ĝojigas amantojn de literaturo kaj Lidia Zamenhof. Ni prezentas nome la 82-an fragmenton de la romano „Quo Vadis” de Henryk Sienkiewicz en ŝia traduko. Nia komenca aktualaĵo koncernas la novan leĝon pri la ukraina lingvo kaj la sciencbultena temo rilatas al malkovro de nova, nekonata migroitinero de Homo Erectus el Afriko, kiujn esplorojn iniciatis polaj sciencistoj. Muzike ni memorigas fragmenton de la kanzono „Mia amo restis for’”, kiun eblas aŭskulti tutece en Youtube. Ĉi-foje la akompananta nian programinformon interreta foto ilustras la  evoluetapojn de la homo i.a. de Homo erectus ĝis Homo sapiens. La aktualaĵo kaj la sciencbultena temo estas paralele legeblaj kaj aŭdeblaj en la unuopaj rubrikoj de nia paĝo. La elsendo troviĝas krome en jutubo ĉe la kanalo Espero2009: https://www.youtube.com/results?q=pola+retradio&sp=CAI%253D

Play

La 856-a E_elsendo el la 24.05.2019 ĉe www.pola-retradio.org

Jam antaŭ kelka tempo atingis nian redakcion KD kun la songazeto de la kroata „Tempo”. Temas pri la numero 50/2019, el kiu ni elektis la artikolon de Antun Kovač pri la Duobla  Jubileo de la gazeto. Legas ĝin, kiel la tutan enhavon, Spomenka Štimec. El la arkivo de la E-Redakcio de Pola Radio ni prezentas al vi felietonon pri Koninda Pollando, memorigante tiun pri la urbo Sieradz. La komencaj kulturkronikaj aktualaĵoj koncernas la projekton pri la bitigo de la provizoj de la Muzeo-Kastelo en Łańcut (la sudorienta Pollando) kaj tion, ke laŭ esploroj la unuaj porcelanaĵoj el Ĉinio atingis Eŭropon jam en la 9a/10a jarcentoj. En la E-komunuma segmento ni memorigas pri la baldaŭ okazonta en la loko Łochów 38-a Kongreso de PEA. La akompananta nian programinformon interreta foto prezentas la Kastelon en Łańcut, rolanta nun kiel muzeo, kies artaj provizoj estas bitigotaj. Pri tio ni informis en la kulturkroniko. La kulturkronikaj informoj estas paralele legeblaj kaj aŭdeblaj en la koncerna rubriko de nia paĝo.La elsendo troviĝas krome en jutubo ĉe la kanalo Espero2009: https://www.youtube.com/results?q=pola+retradio&sp=CAI%253D

Play

La 855-a E_elsendo el la 21.05.2019 ĉe www.pola-retradio.org

Nia hodiaŭa muzika segmento estas dediĉita al Chiara Raggi, i.a. itala kanzonistino, komponistino, tekstoaŭtorino, kies unua KD en Esperanto, „Kjara Blua Horizonto” aperis antaŭ ĉ. unu monato kunlabore inter Itala E-Federacio kaj Vinilkosmo. Ni citas specimene el kvin ŝiaj kantoj de la disko certaj, ke multaj aŭskultantoj volos kontatiĝi kaj aĉeti la diskon. Facilas tion fari ĉe https://www.vinilkosmo-mp3.com/eo/kanzono-tradicia-progresiva/kjara/1-blua-horizonto.html . La komencaj aktualaĵoj koncernas la junian viziton de la pola prezidento en Usono kaj elekton de Witold Bańka (la pola sportministro) por la nova estro de la Monda Antidopa Agentejo WADA. Ni informas krome pri la Kopernika Festivalo en Krakovo. Nia sciencbultena temo estas dediĉita al la polaj hirudoj kaj esploroj pri ilia utileco en la kosmaj flugoj. La akompana al la programinformo interreta foto prezentas la sciencan bazon Lunares, en kiu oni faras ĉi-rilatajn esplorojn. La aktualaĵoj kaj la scienca temo estas paralele aŭdeblaj kaj legeblaj en la unuopaj rubrikoj de nia paĝo. La elsendo troviĝas krome en jutubo ĉe la kanalo Espero2009: https://www.youtube.com/results?q=pola+retradio&sp=CAI%253D

Play

La 854-a E_elsendo el la 17.05.2019 ĉe www.pola-retradio.org

Nur antaŭ unu semajno la jubileon de sia 655-jariĝo solenis la Jagelona Universitato en Krakovo. Ĝia historio estas la temo de nia felietono el la ciklo „Koninda Pollando”.
Nia komenca informo rilatas al la fizika kaj parola agreso, kiun suferis lastmerkrede la pola ambasadoro en Israelo. En la sekva, tradicia vendrede, kulturkroniko ni parolas pri interesa ekspozicio dediĉita al matematiko kaj polaj matematikistoj en la pola Senato kaj pri brila restaŭro de malnovpresaĵo el la kolekto de reĝo Sigismundo en la Libraro de Cieszyn.
En la E-komunuma segmento ni parolas pri la daŭranta voĉdona proceduro por la Komitatanoj B, reprezentantoj de la Individuaj Membroj de UEA. Ni prezentas krome la starpunkton de UEA pri la UN-oa Tago de Familio, pasinta la 15-an de majo.
Muzike krom „Słowianki” en la elsendo akompanas nin Neide Barros Rego per fragmento de la brazila kanto „Familio estas ĉio”. La akompananta nian programinformon interreta foto prezentas Jagelonan Universitaton en Krakovo. La aktualaĵo, kulturkronikaj informoj kaj la felietino estas paralele legeblaj kaj aŭdeblaj en la unuopaj rubrikoj de nia paĝo.
La elsendo troviĝas krome en jutubo ĉe la kanalo Espero2009: https://www.youtube.com/results?q=pola+retradio&sp=CAI%253D

Play