Kontaktu nin

Aŭskultu nin kaj aŭskultigu aliajn!

Skribu kaj komentu:
retradio.esperanto@gmail.com
(aŭ barbarinella@gmail.com)
Amikaro de Pola Retradio en Esperanto.

Subtenu nin

Donacu rete al UEA konto vars-t

※ Donaco estos pagita sumo minus 5% de administraj kostoj ĉe Paypal.
※ Via nomo aperos en la listo de donacintoj. Kontaktu la redakcion se vi volas resti anonima

Redakcia teamo

Barbara PIETRZAK
Gabriela KOSIARSKA
Milada SZWEDO
Maciej JASKOT
Krystyna GROCHOCKA
Tomasz MILLER
Saliĥ ZAKIROV
Bruce CRISP

Arkivoj

Kategorioj

Elsendoj

La 936-a E_elsendo el la 11.02.2019 ĉe www.pola-retradio.org

Nia nunsemajna antaŭmikrofona gasto estas prof.-ino Ilona Koutny, kun kiu ni interparolas pri la januara interlingvistka konferenco en Parizo kaj la ĵus finiĝinta (en februaro) Interlingvistika Sesio ĉe Adam Mickiewicz-Universitato. Ni ekscias informojn pri la septembra ekzamena sesio en Poznano kaj pri la okazonta tiam Interlingvistika Simpozio, ankaŭ pli konkretajn informojn pri la estonteco de la tieaj studoj.
Kadre de la komencaj aktualaĵoj ni prezentas raporton pri la foraj perspektivoj de la plena egaleco inter virinoj kaj viroj laŭ la ekonomia vidpunkto. La sciencaj temoj traktas la esplorojn pri la dependeco inter konsumado de malgrasigita lakto kaj obezeco; la alia temo rilatas al reaŭmatismaj malsanoj, kiuj suferigas ne sole grizaĝulojn.
Hodiaŭ ni proponas fragmente la kanzonon de Dolchamar „Solaj paroj” el la KD” Rebela Sono” eldonita de Vinilkosmo. La interreta foto rilatas al la temo de unu el niaj sciencaj informoj pri tio, kiu lakto – plengrasa aŭ sengrasigita – decidas pri svelta silueto.
Ni atentigas, ke ankaŭ hodiaŭ eblas konsulti la paralele legeblajn kaj aŭdeblajn tekstojn el nia elsendo. Niaj surpaĝaj rubrikoj enhavas cetere centojn da malpli novaj aŭdo-/legodokumentoj kun indiko de i.a. tempodaŭro. Hodiaŭ ili aldoniĝas en la rubrikoj „novaĵoj” kaj „sciencaj informoj”. Eksterelsende aŭdiĝas ankaŭ en la rubriko „Antaŭ la mikrofono” interparolo kun la gasto de nia redakcio. Dank’ al ĉi tiu nia servo eblas efike altigi la aŭdokomprenon kaj parolkapablon. Uzu do ĝin mem kaj rekomendu al aliaj. Nia elsendo estas aŭdebla ankaŭ en jutubo ĉe la kanalo Espero2009; ĝi ebligas laŭplaĉe reguligi la parolrapidecon: https://www.youtube.com/results?q=pola+retradio&sp=CAI%253D

La 935-a E_elsendo el la 08.02.2020 ĉe www.pola-retradio.org

Antaŭ nia mikrofono ni gastigas hodiaŭ d-inon Katalin Kovats el edukado.net, kun kiu ni interparolas pri la ĵus finiĝinta februara sesio de la Instruista Trejnado kadre de la Interlingvistikaj Studoj en Adam Mickiewicz-Universitato en Poznano. La komencaj kulturkronikaj informoj koncernas Chopin-ekspozicion en kvar diversaj japanaj kulturcentroj kaj ekspozicion pri impresionista grafikarto nun daŭranta en Poznano. La E-komunumaj informoj rilatas ĉi-foje al Hispanio. I.a. temas pri la nova e-ista grupo kreiĝanta en Granada. En nia elsendo ni memorigas fragmente la kanzonon de Mourice Benin „Homa Blovo” el la KD „In-Spir” eldonita de Vinilkosmo. La interreta foto rilatas al la ekspozicio en Poznano pri impresionistaj grafikaĵoj,  titolita „Nekonata impresionismo”. Kiel kutime ni disponigas eksterelsende paralele legeblajn kaj aŭdeblajn tekstojn el la hodiaŭa elsendo en unuopaj rubrikoj de nia paĝo. Hodiaŭ t.e. estas „kulturkronikaj informoj”. Uzu tiun ĉi servon mem kaj rekomendu al aliaj, kiel efikan manieron altigi la aŭdokomprenon kaj parolkapablon. En la rubrirko „Antaŭ la mikrofono” aŭdeblas eksterelsende la interparolo kun nia antaŭmikrofona gasto. La elsendo estas aŭdebla ankaŭ en jutubo ĉe la kanalo Espero2009: https://www.youtube.com/results?q=pola+retradio&sp=CAI%253D. I.a. pere de ĝi vi povas rapidigi aŭ malrapidigi la parolrapidecon konforme al viaj bezonoj.

La 934-a E_elsendo el la 04.02.2019 ĉe www.pola-retradio.org

En nia elsendo ni hodiaŭ memorigas la arkivan interparolon de red. Anna Henn-Limont de antaŭ pli ol 20 jaroj kun László Szilvási pri la tiama stato de la interreta komunikado, kun aparta konsidero de eventoj kaj ret-info. Tio estu la okazo nepre viziti/reviziti la paĝojn de eventoj.hu La komencaj aktualaĵoj rilatas al la raporto de internacia organizaĵo Oxfam pri sociaj malegalecoj, al laboro socie utila de polaj gemonaĥoj, al ŝanĝiĝantaj butikumkutimoj post la enkonduko de komerce liberaj dimanĉoj. Per la sciencbultena temo ni alrigardas la demandon ĉu fraterkuloj konscie uzas planttigetojn por i.a. sia higieno. Hodiaŭ ni proponas fragmente la kanzonon de JoMo „La koloro de la amo”, devenantan el la KD „JoMo Slavumas” eldonita de Vinilkosmo. La interreta foto prezentas fraterkulojn, kiuj estas la herooj de nia sciencbultena informo.
Ni memorigas, ke kiel kutime ankaŭ hodiaŭ eblas konsulti la paralele legeblajn kaj aŭdeblajn tekstojn el nia elsendo. Krome nia arkivejo enhavas centojn da malpli novaj audo-/legodokumentoj en unuopaj rubrikoj de nia paĝo. Hodiaŭ ili alidoniĝas en la rubrikoj „novaĵoj” kaj „sciencaj informoj”. Dank’ al ĉi tiu nia servo eblas efike altigi la aŭdokomprenon kaj parolkapablon. Uzu do ĝin mem kaj rekomendu al aliaj. Nia elsendo estas aŭdebla ankaŭ en jutubo ĉe la kanalo Espero2009; ĝi ebligas laŭplaĉe reguligi la parolrapidecon: https://www.youtube.com/results?q=pola+retradio&sp=CAI%253D

La 933-a E_elsendo el la 31.01.2020 ĉe www.pola-retradio.org

Nia hodiaŭa felietono pri koninda Pollando kondukas al la 17-jarcenta kastela-parka komplekso en Krasiczyn en la sud-orienta Pollando. Ĝian belecon eblas admiri ankaŭ virtuale i.a. ĉe la adreso: https://www.youtube.com/watch?v=JAaKMtt1zCU.
La komencaj kulturkronikaj informoj rilatas al la prezento de la pola artisto Krzysztof Wodiczko en la Tokia Mori Art Museum kaj al la daŭranta en la pola Frombork ekspozicio koncentriĝanta pri la prezentoideo de portretita persono en la religia spaco; riĉa E-komunuma segmento liveras informojn pri la preparoj al la 43-a Esperantologia Konferenco dum la 105-a UK en Montrealo kaj la postkongresa Nitobe-simpozio. Ni informas krome pri la KELI-kongreso okazonta en aŭgusto en la pola Legnica (la sudorienta Pollando).
En nia elsendo ni memorigas fragmente du kanzonojn. „Via nomo” de Ĵomart kaj Nataŝa kaj „Duone” de Tierry Faverial el lia samtitola KD. La interreta foto prezentas la kastelon en Krasiczyn, pri kiu ni  hodiaŭ felietonas.
Kiel kutime ni disponigas eksterelsende paralele legeblajn kaj aŭdeblajn tekstojn el la hodiaŭa elsendo en unuopaj rubrikoj de nia paĝo. Hodiaŭ t.e. estas „kulturkronikaj informoj” kaj „felietono”. Uzu tiun ĉi servon mem kaj rekomendu al aliaj, kiel efikan manieron altigi la aŭdokomprenon kaj parolkapablon. La elsendo estas aŭdebla ankaŭ en jutubo ĉe la kanalo Espero2009: https://www.youtube.com/results?q=pola+retradio&sp=CAI%253D. I.a. pere de ĝi vi povas rapidigi aŭ malrapidigi la parolrapidecon konforme al viaj bezonoj.

La 932-a E_elsendo el la 28.01.2019 ĉe www.pola-retradio.org

En nia elsendo ni proponas denove renkontiĝon kun E-literaturo. Ĉi-foje temas pri la 90-a fragmento de la romano „Quo Vadis” de la pola Nobel-premiito Henryk Sienkiewicz en la E-traduko de Lidia Zamenhof. La komencaj aktualaĵoj koncernas la hieraŭ pasintan 75-an datrevenon de la liberigo de la germana mortotendaro Auschwitz-Birkenau; la rezolucion de la Eŭropa Parlamento pri protekto de konsumantoj kontraŭ Artefarita Inteligenteco; pri grava polucio de Meditereaneo, pri kio raportis ARLEM. La sciencbultena temo rilatas al malkovro de pola sciencisto pri sunhorloĝoj – ĝis nun maltrafe identigataj – sur la antikvaj mozaikoj. Ni aŭdas fragmente la kanzonon de Julián Hernández el la kasedo „Ami kaj kanti Esperante”. La interreta foto bildigas la historian mozaikan mapon en Madaba, Jordanio kiu i.a. prezentas ne tuj rekonitan sunhorloĝon. Ni memorigas, ke kiel kutime ankaŭ hodiaŭ eblas konsulti la paralele legeblajn kaj aŭdeblajn tekstojn el nia elsendo. Krome nia arkivejo prezentas centojn da malpli novaj en unuopaj rubrikoj de nia paĝo. Hodiaŭ ili troviĝas en la rubrikoj „novaĵoj” kaj „sciencaj informoj”. Dank’ al ĉi tiu nia servo eblas efike altigi la aŭdokomprenon kaj parolkapablon. Uzu do ĝin mem kaj rekomendu al aliaj. Nia elsendo estas aŭdebla ankaŭ en jutubo ĉe la kanalo Espero2009; ĝi ebligas laŭplaĉe reguligi la parolrapidecon: https://www.youtube.com/results?q=pola+retradio&sp=CAI%253D

La 931-a E_elsendo el la 24.01.2020 ĉe www.pola-retradio.org

Nia hodiaŭa felietono estas dediĉita al Henryk Marconi, italdevena arkitekto, kiu radikiĝinte en Pollando kreis multegajn imponajn konstruaĵojn kaj kiel lekcianto de la Belarta Akademio metis fundamentojn por la pola arkitekturo. La komencaj kulturkronikaj informoj koncernas sumigan ekspozicion pri Stanisław Moniuszko en Varsovio en la sidejo de la kulturministerio; la daŭrantan en la kanada Toronto ekspozicion pri la pola dezajno. La E-komunuma informo rilatas al la komuna deklaro de UEA/ILEI okaze de Internacia Tago de Edukado. Ĝi aperis kiel Gazetara Komuniko de UEA (uea.org). Muzike akompanas nin Helena Melnikowa per sia kanzono „Nesciate”. La apudanta nian programinformon foto referencas al la hodiaŭa felietono, prezentante la ne plu ekzistantan palacon de generalo Pac, kiun aŭtoris Henryk Marconi. Kiel kutime ni disponigas eksterelsende paralele legeblajn kaj aŭdeblajn tekstojn el la hodiaŭa elsendo en unuopaj rubrikoj de nia paĝo. Hodiaŭ t.e. estas „kulturkronikaj informoj” kaj „felietono”. Uzu tiun ĉi servon mem kaj rekomendu al aliaj, kiel efikan manieron altigi la aŭdokomprenon kaj parolkapablon. La elsendo estas aŭdebla ankaŭ en jutubo ĉe la kanalo Espero2009: https://www.youtube.com/results?q=pola+retradio&sp=CAI%253D. I.a. pere de ĝi vi povas rapidigi aŭ malrapidigi la parolrapidecon konforme al viaj bezonoj.

La 930-a E_elsendo el la 21.01.2019 ĉe www.pola-retradio.org

En nia hodiaŭa elsendo ni  referencas al la novembra Malferma Tago en Roterdamo kaj al la tiama prelego de Orlando Raola pri Scienco en Esperanto. Konforme al la anonco ni prezentas ĝian duan kaj lastan samtempan parton.
La komencaj aktualaĵoj rilatas al la vizito de la pola ĉefministro en Japanio kaj al la komenciĝanta hodiaŭ en Davos Internacia Ekonomia Forumo. La sciencbultenaj temoj traktas la minacitajn eŭropajn arbospeciojn kaj tion, ke kontakto kun la arto influas la vivodaŭron. En la merkreda elsendo ni aŭdas fragmente la kanzon „Ni Ĉiuj Ni” el la KD „Rebela sono” produktita de Vinilkosmo. La interreta foto pri vizito en muzeo estas ilustraĵo al la scienca temo pri sanfavora kontakto kun la arto.
Ni memorigas, ke kiel kutime eblas konsulti la paralele legeblajn kaj aŭdeblajn tekstojn el nia elsendo. Ili troviĝas en la unuopaj rubrikoj de nia paĝo, hodiaŭ t.e. estas „novaĵoj” kaj „sciencaj informoj”. Dank’ al ĉi tiu nia servo eblas efike altigi la aŭdokomprenon kaj parolkapablon. Uzu do ĝin mem kaj rekomendu al aliaj. Nia elsendo estas aŭdebla ankaŭ en jutubo ĉe la kanalo Espero2009; ĝi ebligas laŭplaĉe reguligi la parolrapidecon: https://www.youtube.com/results?q=pola+retradio&sp=CAI%253D

La 929-a E_elsendo el la 17.01.2020 ĉe www.pola-retradio.org

Nia hodiaŭa felietono pri Koninda Pollando estas dediĉita al karnavala periodo en Pollando, grandparte retrorigarde. La komencaj kulturkronikaj informoj koncernas grandan ekspozicion pri la korea arto, kiu meze de januaro finiĝis en Varsovio kaj pliajn memoraĵojn pri bjalistoka poeto Wiesław Kazanecki, kiuj riĉigis la Podlaĥian Libraron.
La E-komunumaj informoj rilatas al la decido de la aŭtoritatoj de Braziljo, kiu ekde 2020 en la listo de siaj eventoj la 26-an de julio solenos kiel Tagon de Esperanto; kaj al la kunlaboro inter Litova E-Asocio kun la novaĵagentejo Mano kraštas. Dank’ al ĝi la agentejo prezentas i.a. E-kurson, kiun gvidas Grazina OPULSKIENE. Krome ni informas pri la kunlaboro de Asocio Jura Brüschweiler kun Svisa E-Societo por aperigi nunjare libron pri Hector Hodler en lia 100-a mortodatreveno.
Muzike akompanas nin bjalistokaj gejunuloj per la kanzono „Se sento scii povus” el la KD Bjalistokaj Prezentaĵoj. Asorti kantas pri „Verda hejmo Esperanto”. La apudanta nian programinformon foto referencas al la daŭranta karnavala periodo.
Tradicie ni disponigas eksterelsende paralele legeblajn kaj aŭdeblajn tekstojn el la hodiaŭa elsendo en unuopaj rubrikoj de nia paĝo. Hodiaŭ t.e. estas „kulturkronikaj informoj” kaj „felietono”. Uzu tiun ĉi servon mem kaj rekomendu al aliaj, kiel efikan manieron altigi la aŭdokomprenon kaj parolkapablon. La elsendo estas aŭdebla ankaŭ en jutubo ĉe la kanalo Espero2009: https://www.youtube.com/results?q=pola+retradio&sp=CAI%253D. I.a. pere de ĝi vi povas rapidigi aŭ malrapidigi la parolrapidecon konforme al viaj bezonoj.

La 928-a E_elsendo el la 15.01.2019 ĉe www.pola-retradio.org

En nia elsendo ni referencas al la novembra Malferma Tago en Roterdamo kaj al la tiama prelego de Orlando Raola pri Scienco en Esperanto. Ni prezentas ĝian unuan parton. La komencaj aktualaĵoj koncernas la pasintjarajn sukcesojn de la pola flugkompanio LOT, la polan markon ZELMER kaj ĝian novan posedanton, la protekton de moruo en la orienta parto de Baltiko. La sciencbultena temo traktas esplorojn de polaj sciencistoj pri la eksterparolaj elementoj de la homa komunikado.
En la merkreda elsendo ni aŭdas fragmente la kanzonon de rusa poeto kaj kantisto Wladimir Wysocki „Adiaŭo al montoj”. La interreta foto rilatas al la informo pri limigo de la fiŝkaptado de moruo en la orienta Baltiko.
Hodiaŭ tradicie eblas konsulti la paralele legeblajn kaj aŭdeblajn tekstojn el nia elsendo, kiuj troviĝas en la unuopaj rubrikoj de nia paĝo, hodiaŭ t.e. estas „novaĵoj” kaj „sciencaj informoj”. Ili faciligas efike altigi la aŭdokomprenon kaj parolkapablon. Uzu do ilin mem kaj rekomendu al aliaj. Nia elsendo estas aŭdebla ankaŭ en jutubo ĉe la kanalo Espero2009; ĝi ebligas laŭplaĉe reguligi la parolrapidecon: https://www.youtube.com/results?q=pola+retradio&sp=CAI%253D

La 927-a E_elsendo el la 10.01.2020 ĉe www.pola-retradio.org

En nia hodiaŭa felietono pri Koninda Polo ni memorigas unu el la patronoj de la 2020-a, kiun en 2019 proklamis la pola Sejmo. Temas pri renoma, elstara pola filozofo, Roman Ingarden. Komence aŭdiĝas aktualaĵo pri la rezolucio de la Pola Sejmo koncerne mensogajn kaj kalumniajn asertojn de la plej superaj rusaj aŭtoritatoj. La kulturkronikaj informoj rilatas al revivigoj en la fama kaj multnombre vizitata varsovia Łazienki-parko, kaj al la nunjaraj subvencioj por la polaj tataroj. La E-komunumaj informoj koncernas la komunan polan-germanan E-Kongreson (https://www.esperanto.de/eo/gek2020) kaj la 49-an E-Kongreseton por Infanoj kaj Adoleskuloj en Montrealo (http://bertosch.free.fr/iik2020/). Muzike akompanas nin Kajto per la fragmento de sia „Trinkkanto” el la albumo „La Universala Arbo” distribuata de Vinilkosmo, kaj unu el la famaj MAZI-kantoj. La apudanta nian programinformon foto referencas al kulturkronika informo pri restarŭristaj laboroj en la varsovia Reĝa Łazienki-parko.
Tradicie ni disponigas eksterelsende paralele legeblajn kaj aŭdeblajn tekstojn el la hodiaŭa elsendo en unuopaj rubrikoj de nia paĝo, hodiaŭ t.e. estas „kulturkronikaj informoj” kaj „felietono”. Uzu tiun ĉi servon mem kaj rekomendu al aliaj, kiel efikan manieron altigi la aŭdokomprenon kaj parolkapablon. La elsendo estas aŭdebla ankaŭ en jutubo ĉe la kanalo Espero2009: https://www.youtube.com/results?q=pola+retradio&sp=CAI%253D. I.a. pere de ĝi vi povas rapidigi aŭ malrapidigi la parolrapidecon konforme al viaj bezonoj.