Kontaktu nin

Aŭskultu nin kaj aŭskultigu aliajn!

Skribu kaj komentu:
retradio.esperanto@gmail.com
(aŭ barbarinella@gmail.com)
Amikaro de Pola Retradio en Esperanto.

Subtenu nin

Donacu rete al UEA konto vars-t

※ Donaco estos pagita sumo minus 5% de administraj kostoj ĉe Paypal.
※ Via nomo aperos en la listo de donacintoj. Kontaktu la redakcion se vi volas resti anonima

Redakcia teamo

Barbara PIETRZAK
Gabriela KOSIARSKA
Milada SZWEDO
Maciej JASKOT
Krystyna GROCHOCKA
Tomasz MILLER
Saliĥ ZAKIROV
Bruce CRISP

La naskiĝurbo de Esperanto

Arkivoj

Kategorioj

Barbara Pietrzak

La 760-a E_elsendo el la 08.06.2018 ĉe www.pola-retradio.org

– Nia felietono pri Koninda Polo estas dediĉita al la elstara polino, mondfama himalajistino Wanda Rutkiewicz, kiu nunjare festus sian 75-jariĝon. Ŝi estis la unua polino (la tria en la mondo) konkerintino de Mount Everest kaj la unua virino en la mondo, kiu konkeris K2.
– La komencaj kulturkronikaj informoj rilatas al novaj Chopin-periodaĵoj, al la eksponaĵoj el Gołuchów-kastelo de princino de Izabela el Czartorski-familio Działyńska admireblaj en Poznano, al ekspozicio dediĉita al la presarto el la biblioteko de la Nacia Muzeo en Vroclavo.
– E-komunumaj informoj sciigas pri UEA en la estraro de ConGo kaj raportas – baze de informoj de Paŭlo Sergio Viana – pri la lastaj sukcesaj kongresoj en Brazilo.
– Muzike akompanas nin Akordo kaj ilia kanto „Amo mia kara” el la KD „Muzikpluvo”; ni aŭdigas krome la kanzonon de Flavio Fonseca „Miniaturo 28” el la KD kreita kun Gerlado Mattos „Simbiozo”.
– La interreta foto prezentas la heroinon de nia felietono, Wanda Rutkiewicz.
– Nia elsendo estas aŭskultebla ankaŭ en jutubo pere de: https://www.youtube.com/results?q=pola+retradio&sp=CAI%253D

Play

La 759-a E_elsendo el la 05.06.2018 ĉe www.pola-retradio.org

– Hodiaŭ la muzikan parton de nia elsendo ni dediĉas al la 4-a KD de la konata franca kantisto kaj esperantisto JoMo (Jean-Marc Leclercq) eldonita de Vinilkosmo „jOmO Okcitanas” (https://www.vinilkosmo-mp3.com/eo/).
– La komencaj mallongaj aktualaĵoj el la mondo rilatas al la novaj registaroj en Italio kaj Katalunio, al la ŝanĝoj sur la hispana politika scenejo. Sekvas ilin informoj pri la kampanjo de Unicef-Polska vivsave por la novnaskitoj kaj pri la ŝanĝoj en la klereco de polaj patrinoj kaj ilia fekundemo.
– La sciencbultena temo rilatas al la cerboinflua rolo de danco ĉe senjoroj baze de germanaj esploroj.
– La interreta foto referencas al la temo de nia sciencbultena temo.
– Nia elsendo estas aŭskultebla ankaŭ en jutubo pere de: https://www.youtube.com/results?q=pola+retradio&sp=CAI%253D

Play

La 758-a E_elsendo el la 01.06.2018 ĉe www.pola-retradio.org

– En nia hodiaŭa felietono pri Koninda Pollando pri parolas pri la nederlanda setliĝado en Pollando, kiu daŭris ĉ. 200 jarojn ekde la fino de la 16-a jarcento ĝis la 18-jarcentaj dispartigoj de Pollando inter Rusio, Prusio kaj Aŭstrio.
– Kun la temo de la felietono estas ligita unu el la kulturkronikaj informoj pri la funkciigo de la Subĉiela Muzeo en Wielka Nieszawka, bildiganta la setliĝadon de koloniigantoj el Frisio kaj Malaltaj Landoj. Ni informas krome pri la rekreita plafono Pola Ĉielo en la konstruaĵo de la historia Pola Gimnazio en Gdansko. En ĉi tiu programsegmento ni referencas al la aprila evento en la Etnografia Muzeo en Toruń dediĉita al Oomoto.
– La E-komunuma segmento rilatas al sukcesoj de hispanaj esperantistoj kaj ilia realigata plano pri instruado de Esperanto en Lingvocentro de la Eksterĉeesta, Bita universitato de Madrido.
– Muzike akompanas nin Kajto per la fragmento de la kanzono „Trista Maristo” el ilia unua KD „Flugdrako”.
– La interreta foto prezentas unu el la karakterizaj arkadaj konstruaĵoj de menonitoj.
– Nia elsendo estas aŭskultebla ankaŭ en jutubo pere de: https://www.youtube.com/results?q=pola+retradio&sp=CAI%253D

Play

La 757-a E_elsendo el la 29.05.2018 ĉe www.pola-retradio.org

– Hodiaŭ ni prezentas en la literatura segmento la 70-an fragmenton de la romano de la pola Nobel-premiito Henryk Sienkiewicz „Quo Vadis” en la E-traduko de Lidia Zamenhof.
– La komencaj aktualaĵoj rilatas al nova situacio en Italio post la komisio de la tasko establi registaron al Carlo Cottarelli, pri la Jagelona Universitato en la rangolisto de T. Reuters kaj pri Krakovo, la unua inter vizitindaj kaj favorprezaj eŭropaj urboj.
– La sciencbultena temo estas dediĉita al heterocefalo, ronĝulo „kontestanta” maljuniĝadon.
– Muzike akompanas nin ĴeLe per la fragmento de la kanzono „Se mi imagas” el la KD „Tra la sonĝoj”.
– La interreta foto prezentas la krakovan foirplacon kun Maria-preĝejo kaj fragmento de Draphaloj.
– Nia elsendo estas aŭskultebla ankaŭ en jutubo pere de: https://www.youtube.com/results?q=pola+retradio&sp=CAI%253D

Play

La 756-a E_elsendo el la 26.05.2018 ĉe www.pola-retradio.org

– En nia ampleksa „Trarigardo de la E-Gazetaro” ni trafoliumas la 2-an numeron 2018 de „Esperantolehti”, la printempan interretan periodaĵon de E-Societo Kebekia „La Riverego” ( http://www.esperanto.qc.ca/wp-content/uploads/2018/04/Riverego130-31.pdf), la 2-an nunjaran numeron de „Norvega Esperantisto”, la 4-an numeron de „La revuo Orienta” kaj la majan numeron de „Novaĵoj Tamtamas”, Internacia Gazeto de Esperanto Jokohama (Hama-Rondo) (https://onedrive.live.com/?id=AE2D0B68AAC582F%219060&cid=0AE2D0B68AAC582F).
– La komencaj kulturkronikaj informoj rilatas al la 60-jariĝo de la postmilita rekreo de Chopin-monumento en la varsovia Łazienki-parko, al la unua eldono de Katharzis-festivalo en Poznano, al la monumento de la elstara pola komponisto, Roman Maciejewski malkovrita en Poznano. La informojn interplektas la rilataj muzikcitaĵoj.
– Muzike akompanas nin ĉi-foje „Martin kaj La Talpoj” per fragmento de la kanzono „Antaŭĝojo” el ilia KD eldonita de Vinilkosmo.
– La interreta foto prezentas varsovian publikon ĉirkaŭ Chopin-momumento en la varsovia Łazienki-parko dum iu el la dimanĉaj koncertoj.
– Nia elsendo estas aŭskultebla ankaŭ en jutubo pere de: https://www.youtube.com/results?q=pola+retradio&sp=CAI%253D

Play

La 755-a E_elsendo el la 23.05.2018 ĉe www.pola-retradio.org

– Hodiaŭ ni felietonas pri eksterordinara kultura centro ĉe la dekstra parto de la pola ĉefurbo, „Konsulejo de Prättigau-valo”. Temas pri la libera, krea spaco, interŝanĝejo de eksterordinaraj artaj ideoj kaj popularigado de la lokaj tradicioj kaj folkloro. Ĝia konsulo estas enamiĝinta al Pollando Rudolf Steiner, svisa artisto malferma al ĉiuspeca arto, aparte >performance< zorganta pri reciprokaj kulturaj interŝanĝoj, kiel ekz-e laborsesioj de studentoj pri fotoarto el la svisa Vevey. Dank’ al li ni i.a. konatiĝis kun la libro „Bonan Tagon. Mia nomo estas Parzival”, kiun li kunportis por la Bjalistoka E-Biblioteko.
– En la komencaj aktualaĵoj ni informas pri la scienca sesio en Lodzo dediĉita al la kontraŭpola germana kaj sovetunia leĝaro dum la 2-a mondmilito; pri la decido de la Monda Sanorganizo ĝis 2023 forigi el la merkato la acidajn grasojn trans; pri 500 plantataj kverkoj en Lublin-vojevodio (la orienta Pollando) por omaĝi la jubileon de la pola suvereneco.
– La sciencbultenaj temoj rilatas al la praktiko monitori la cerboondojn de laboristoj en Ĉinio por altigi produktivecon, kaj al plej malnovaj kontinentaj plantoj malkovritaj en la pola Sanktakruca Montaro.
– Muzike akompanas nin Lunatiko per la fragmento de la kanzono „Planedo Esperanto” el la KD „Elektronika Kompilo” eldonita de Vinilkosmo. Aŭdiĝas krome unu el la varsoviaj folkloraj kantoj en la plenumo de la kant- kaj dancgrupo de la Varsovia Politekniko.
– La interreta foto prezentas unu el la kverkoj plantitaj en Lublin-regiono (la orienta Pollando) por omaĝi la jubileon de la pola suvereneco.
– Nia elsendo estas aŭskultebla ankaŭ en jutubo pere de: https://www.youtube.com/results?q=pola+retradio&sp=CAI%253D

Play

La 754-a E_elsendo el la 18.05.2018 ĉe www.pola-retradio.org

– Hodiaŭ en la felietono pri Koninda Pollando ni prezentas al vi unu el la plej novaj dek Historiaj Monumentoj de nia lando. Temas pri la Katedrala Altaĵo en la urbo Płock (pŭock) en la centra Pollando. Ĝia historio ligiĝas kun la kreo de la ŝtataj fundamentoj dum la regado de la unuaj regantoj de Piast [pjast]-dinastio.
– En la komencaj kulturkronikaj informoj ni referencas al la eventoj de 15-a Nokto de la Muzeoj en Varsovio; du ekspozicioj logantaj en la varsovia Łazienki-Parko. Fine ni informas pri ekspozicio kadre de la soci-eduka kampanjo dediĉita al polaj naciaj simboloj en la artgalerio Kordegarda.
– La E-komunumaj informoj rilatas al la 53-a Brazila Kongreso de Esperanto (http://2018.esperanto.org.br) kaj al la aŭgusta Nitobe–simpozio en Lisbono pri la temo: “Instruado kaj esplorado pri Esperanto en soci-interlingvistiko, interlingvistiko kaj en sociaj sciencoj”.
– Per la kanzono de Jomo „Sur la mar’” el la KD „Jomo friponas” ni salutas la partoprenantojn de IFEF-kongreso en Vroclavo kaj de la samloka 3-a Interkultura Maja Rendevuo. Ni memorigas fragmente la kanton „Ondo” el la KD „Tom Jobim en Esperanto”, en la plenumo de Flávio Fonseca; E-version de la portugala kanto Amar Pelos Dois prezentas Ifan Rais.
– La interreta forto prezentas la heroon de nia nunsemajna felietono, t.e. la Katedralan Altaĵon de Płock.
– Nia elsendo estas aŭskultebla ankaŭ en jutubo pere de: https://www.youtube.com/results?q=pola+retradio&sp=CAI%253D

Play

La 753-a E_elsendo el la 15.05.2018 ĉe www.pola-retradio.org

– Ĉi-marde antaŭ nia mikrofono ni gastigas unu el la lastatempaj diplomitoj de la Interlingvistikaj Studoj en Poznano, Rafael Zerbetto. Nia interparolo rilatas al lia finverko pri unu el la elstaraj brazilaj verkistoj João Guimarães Rosa, kiu estis ankaŭ esperantisto. Nia interparolanto prezentas kelkajn interesajn ideojn pri la spuroj de Esperanto en liaj verkoj, sed ankaŭ rilatigas sin al lia esperantista agado kaj diplomata vivo.
– La komencaj aktualaĵoj rilatas al la lunda vizito de la hungara ĉefministro Viktor Orban en Pollando, al la lunda sangoverŝa protesto de palestinanoj en la sfero de Gazo en la Proksima Oriento, al klopodoj supervenki la postbalotan krizon en Italio. Fine ni informas pri la laste malkovrita plej alta arbo de la lando.
– La sciencbultenaj temoj raportas pri nova aranĝaĵo helponta savi homojn priŝutitaj en la rezulto de tertremoj, domkolapsoj kaj simile. Kaj pri laboroj, kiuj permesis konatiĝi kun la kompleta genomo de rozo.
– Muzike akompanas nin „Kore” per fragmento de sia kanzono „Muzik’” el la KD „Tielas Vivo” eldonita de Vinilkosmo.
– La interreta foto de rozo referencas al la sciencbultena informo pri finitaj laboroj koncerne la genomon de rozo.
– Nia elsendo estas aŭskultebla ankaŭ en jutubo pere de: https://www.youtube.com/results?q=pola+retradio&sp=CAI%253D

Play

La 752-a E_elsendo el la 11.05.2018 ĉe www.pola-retradio.org

– Nian felietonon pri Koninda Polo ni dediĉas hodiaŭ ne sole al la pola sciencisto, sed ankaŭ figuro bone konata de esperanistoj interesiĝantaj pri la E-historio, prof. Odo Bujwid.
– La komencaj kulturkronikaj informoj rilatas al la koncerto okazinta en Varsovio kaj dediĉita al la poezio de polaj malliberigitinoj de la germana koncentrejo Ravensbrück, al la daŭranta 9-a Varsovia Librofoiro.
– La E-komunumaj informoj koncernas konkurson pri mallongaj filmetoj, organizitan de EDE-France (http://www.europe2019.org/concoursvideos) kaj alvokon kontribui al preparoj de la nunjara Nitobe-simpozio dediĉita al la temo „Esperanto kaj Universitato” (https://docs.google.com/forms/d/e/1FAIpQLSfqrjA3pBIv8Bp-B742_XP_vMaDHDvtjoKSaM467-EbaCu7NQ/viewform?usp=sf_link)
– La interreta foto prezentas la heroon de nia felietono, elstaran scienciston kaj esperantiston, profesoron Odo Bujwid.
– Nia elsendo estas aŭskultebla ankaŭ en jutubo pere de: https://www.youtube.com/results?q=pola+retradio&sp=CAI%253D

Play

La 751-a E_elsendo el la 08.05.2018 ĉe www.pola-retradio.org

– En la literatura segmento de nia marda E-elsendo ni prezentas la 69-an fragmenton de la romano de la pola Nobel-premiito Henryk Sienkiewicz „Quo Vadis”. Ĝian E-lingvan tradukon faris Lidia Zamenohof.
– Niaj aktulaĵoj rilatas al la internacia konferenco en Varsovio pri la protektado de la monda Unesko-heredaĵo, pri la distingo de la urbo Kielce fare de Konsilio de Eŭropo kaj pri la omaĝo al la martirologio de polaj infanoj dum la 2-a mondmilito, la unuan fojon solenita sur la tereno la germana koncentrejo por ili destinita (en la urbo Lodzo) funkcianta en la jaroj 1942-1945.
– La sciencbultena temo koncernas la ĵus startigitan mision al la Marso, al kiu kontribuis i.a. ankaŭ poloj.
– Muzike akompanas nin Vojaĝo per la fragmento de la kanzono „La Tero suferas” el la KD „Planedo nia” eldonita de Vinilkosmo.
– La interreta foto prezentas monumeton omaĝantan la martirologion de la polaj infanoj en la unusola ĉi-speca germana koncentrejo en Eŭropo funkciinta en la urbo Lodzo.
– Nia elsendo estas aŭskultebla ankaŭ en jutubo pere de: https://www.youtube.com/results?q=pola+retradio&sp=CAI%253D

Play