Kontaktu nin

Aŭskultu nin kaj aŭskultigu aliajn!

Skribu kaj komentu:
retradio.esperanto@gmail.com
(aŭ barbarinella@gmail.com)
Amikaro de Pola Retradio en Esperanto.

Subtenu nin

Donacu rete al UEA konto vars-t

※ Donaco estos pagita sumo minus 5% de administraj kostoj ĉe Paypal.
※ Via nomo aperos en la listo de donacintoj. Kontaktu la redakcion se vi volas resti anonima

Redakcia teamo

Barbara PIETRZAK
Gabriela KOSIARSKA
Milada SZWEDO
Maciej JASKOT
Krystyna GROCHOCKA
Tomasz MILLER
Saliĥ ZAKIROV
Bruce CRISP

La naskiĝurbo de Esperanto

Arkivoj

Kategorioj

Barbara Pietrzak

La 665-a E_elsendo el la 09.07.2017 ĉe www.pola-retradio.org

– La tre baldaŭ aperonta programo de la 102-a UK en Seulo, kelkaj praktikaj sufloroj por la kongresanoj estas la temo de nia antaŭmikrofona interparolo kun Konstanta Kongresa Sekretario, Clay Magalhães, kiun ni surbendigis lastĵaŭde.
– Komence niaj aktualaĵoj rilatas al la ĵaŭda vizito de la usona prezidento Donald Trump en Varsovio kaj lia partopreno en la hamburga renkontiĝo de G-20. Aparte ni informas pri la transatlantika renkontiĝo de 12 ŝtatoj de la Trimara Inciato okazinta lastĵaŭde en Varsovio.
– La kulturkronika informo rilatas al la omaĝbenko, lanĉita en Budapeŝto, honoranta la figurojn de Henryk Sławik kaj József Antall paralele al la ĝemela benko, kiu ekde novembro 2016 troviĝas en Varsovio.
– Muzike akompanas nin Georgo Handzlik per ĉerpaĵo el la kanto „Ĝis revido”, Helena Melnikova, kiu fragmente prezentas sian aŭtoran kanton „Vesperto” kaj Ramona van Dalsem en fragmento de „Tango Romantika”.
– La akompananta nian programinformon interreta foto prezentas la omaĝbenkon de du viroj Henryk Sławik kaj József Antall, kiuj dum la 2-a mondmilito savis pli ol 5 mil polajn judojn.
– La aktualaĵo pri renkontiĝo de la Trimara Iniciato en Varsovio, kulturkronika informo kaj la interparolo kun nia antaŭmikrofona gasto estas paralele legeblaj kaj aŭskulteblaj en la koncernaj rubrikoj de nia paĝo.
– Nia elsendo estas aŭskultebla ankaŭ en jutubo pere de: https://www.youtube.com/results?q=pola+retradio&sp=CAI%253D

Play

La 664-a E-elsendo ĉe www.pola-retradio.org el la 04.07.2017:

– La komencaj aktualaĵoj koncernas eksporton de polaj nutraĵoj, interesan enketon en la uniaj landoj pri ekvilibro inter la profesia kaj privata vivo kaj polan 18-jarulon, kiu ektroviĝis inter la plej bonaj oratoroj de la mondo.
– La scienca bulteno traktas temojn ligitajn kun nia sano – danĝeran situacion en la monda skalo ligitan kun plago de obezeco kaj tropezo kaj ne ĉiam konsciajn sekvojn de la uzo de narkotaĵoj fare de junuloj.
– Ĉiam pli proksimas la 102-a UK en Seulo ni tamen en la redakcia antaŭmikrofona interparolo referencas laŭ spontanaj rememoroj al la varsovia UK-1987.
– Hodiaŭ muzike akompanas nin Kajto kantante fragmente unu el la kantoj el la KD „Duope”. Ni memorigas ankaŭ la ensemblon de la Varsovia Politekniko, kiu furoris dum la UK en Varsovio en 1987, kiu mesaĝas E-etose por la muziko de unu el la varsoviaj kantoj.
– La hodiaŭa grafikaĵo akompananta la programinformon devenas el la Interreto kaj prezentas afiŝon, kiu ĉarmis la polan publikon en februaro 2002 sur 400 publikaj afiŝpaneloj „Ĉu vi parolas Esperanton”, kiun aŭtoris Paulina Orłowska.
–Nia elsendo estas aŭskultebla ankaŭ en jutubo pere de: https://www.youtube.com/results?q=pola+retradio&sp=CAI%253D

Play

La 663-a E_elsendo el la 30.06.2017 ĉe www.pola-retradio.org

– En nia nunsemajna vendreda programo ni gastigas antaŭ la mikrofono la renkontitan en Roterdamo ĉi-printempe Guilherme Fians el Brazilo, kiu faras en Francio antropologiajn esplorojn pri la E-komunumo kaj movado.
– Niaj kulturkronikaj informoj koncernas novan nematerian kulturheredaĵon de Unesko sur la pola listo, kiun konsisitigas puntaĵoj el Koniakowa; la komenciĝontan komence de julio en Krakovo 41-an sesion de Unesko-Komitato pri la Monda Heredaĵo kaj teatrajn okupojn en iu el la polaj punestabloj, kiu havas i.a. reensociigan efikon por arestitoj.
– En la E-komunuma rubriko ni informas pri la 60-jariĝo de la konata, brazila institucio Bona Espero pasonta la 25-an de julio 2017. Oni vaste malfermas pordojn kaj korojn por ĉiuj, kiuj ŝatus tiuokaze inter la 22-29.07.2017 partopreni la eventon anticipe konfirmonte tion per la retadreso: bonaespero.brasil-heliko-gmail.com aŭ telefonante al. 062 3446 1175.
– Muzike eĉ per fragmentoj de tri siaj kanzonoj akompanas nin hodiaŭ Alejandro Cossavella estadanta en Bona Espero. Temas pri „Ene” kaj „Gravas” el la KD „Hej” kaj pri „Unutona sambo” el la KD „Brazila Kolekto – Tom Jobim – en Esperanto”.
– La akompananta nian programinformon interreta foto prezentas la plej grandan puntaĵon de la mondo el Koniakowa (la suda Pollando) kun 5-metra diametro.
– La kulturkronikaj informoj kaj la interparolo kun nia antaŭmikrofona gasto estas paralele legeblaj kaj aŭskulteblaj en la koncernaj rubrikoj de nia paĝo.
– Nia elsendo estas aŭskultebla ankaŭ en jutubo pere de: https://www.youtube.com/results?q=pola+retradio&sp=CAI%253D

Play

La 662-a E-elsendo ĉe www.pola-retradio.org el la 27.06.2017:

– La komencaj aktualaĵoj koncernas la reciprokan unian-ĉinan interkonsenton, kies celo estas kontraŭstaro kontraŭ falsado de konataj komercaj produktoj; eksporton de la polaj busoj „Solaris” al Nederlando kaj murpentraĵon (muralon) en Gorzów Wielkopolski omaĝe al romaino savanta dummilite romaajn kaj judajn infanojn.
– En la scienca bulteno ni informas pri la kreiĝanta en Lodzo (la centra Pollando) popularscienca Sfero de profunda Kosmo, kiu ebligos al ĉiuaĝaj vizitantoj enrigardi la Universon.
– En la literatura segmento de la programo ni prezentas jam la 57-an fragmenton de la romano „Quo Vadis” de Henryk Sienkiewicz en la E-traduko de Lidia Zamenhof.
– Hodiaŭ post iom longa paŭzo muzike akompanas nin Andrzej Tomecki en tre populara siatempe kanzono „Kanzono pri mia Varsovio”.
– La hodiaŭa grafikaĵo akompananta la programinformon devenas el la Interreto kaj prezentas la noktan panoramon al la Malnovurba Kvartalo de Varsovio lige kun la kanzono aŭdiĝanta en nia hodiaŭa programo.
–Nia elsendo estas aŭskultebla ankaŭ en jutubo pere de: https://www.youtube.com/results?q=pola+retradio&sp=CAI%253D

Play

La 661-a E_elsendo el la 23.06.2017 ĉe www.pola-retradio.org

– En nia nunsemajna vendreda programo ni denove proponas felietonon el la ciklo Koninda Polo. Hodiaŭ ni parolas pri Stefan Szolc-Rogoziński, kies 155-a naskiĝdatreveno pasis nunjare. Li estas unu el la plej grandaj polaj mondvojaĝantoj, kiu entreprenis i.a. esplorekspediciojn en la profundon de Kamerunio.
– Niaj kulturkronikaj informoj rilatas al la nunjaraj distingitoj per la premio de la Papa Kulturkonsilio „Per Artem ad Deum” kaj al lanĉota omaĝbenko de pola poeto Władysław Broniewski en lia naskiĝurbo Płock.
– La E-komunuma rubriko estas dediĉita al la du forpasintaj E-agantinoj el Pollando. Halina Matsumoto (familie Dastych) estis la edzino de Teruo Matsumoto, kun kiu ŝi fondis E-familion edukante kiel esperantistojn ankaŭ siajn du filojn. Junaĝe ŝi aktivis en la esperantista studenta movado. Ewa Siurawska i.a. establis la E-aranĝon en Koszalin Ĉebalta E-Printempo. Dum la varsovia UK, kiel LKK-ano pri kulturo ŝi brile sukcesis aranĝi buntan kulturan programon konsistantan el 112 eventoj, kiujn partoprenis 800 artistoj.
– Fine aŭdiĝas Leterkesto.
– La arkiva foto el 1885 akompananta nian programinformon devenas el la Interreto kaj rilatas polan ekspedicion kun Stefan Szolc-Rogoziński en Afriko.
– La kulturkronikaj informoj kaj la felietono estas paralele legeblaj kaj aŭskulteblaj en la koncernaj rubrikoj de nia paĝo.
– Nia elsendo estas aŭskultebla ankaŭ en jutubo pere de: https://www.youtube.com/results?q=pola+retradio&sp=CAI%253D

Play

La 660-a E-elsendo ĉe www.pola-retradio.org el la 20.06.2017:

– Nia nunsemajna, marda antaŭmikrofona gasto estas profesorino Ilona Koutny, kun kiu ni interparolas pri la septembraj eventoj disvolviĝontaj ĉirkaŭ la solenontaj la 20-jariĝon Interlingvisitikaj Studoj. I.a. temas pri la 4-a Internacia Simpozio al kiu eblas aliĝi ĝis la 25-a de junio kaj komenciĝonta en septembro laŭvica 3-jara kursaro de Interlingvistikaj Studoj.
– La komencaj aktualaĵoj rilatas al la lunda labora renkontiĝo de la ĉefministroj el la Grupo V4 kaj Benelukso en Varsovio, pri Klimata Konferenco okazonta nunjare en la pola Katowice kaj laboroj pri la nova rezolucio de la UN-Konsilio de la Homaj Rajtoj pri Familio.
– La scienca bulteno traktas novan inventaĵon el Pollando, kiu estas biomalkomponiĝanta pansaĵo kaj la dokumentitan pruvon, ke dependiĝemo estas heredata.
– Aktualaĵoj kaj la sciencbultenaj temoj estas paralele legeblaj kaj aŭskulteblaj en la retpaĝaj rubrikoj „Novaĵoj” kaj „Sciencaj informoj”. Aparte aŭdiĝas la antaŭmikrofona renkontiĝo kun nia redakcia gasto.
– „Laŭ Blua la Vojo” gvidas nin hodiaŭ kante Mélanie Prin. Temas pri la plej nova kanzono de Lorenzo Tomezzli kaj Gilbert Drigon (https://youtu.be/g0LytcoSKpE).
– La hodiaŭa grafikaĵo akompananta la programinformon rilatas al la lastlunda labora renkontiĝo de la ĉefministroj el la Grupo V4 kaj Benelukso.
–Nia elsendo estas aŭskultebla ankaŭ en jutubo pere de: https://www.youtube.com/results?q=pola+retradio&sp=CAI%253D

Play

La 659-a E_elsendo el la 16.06.2017 ĉe www.pola-retradio.org

– Post kelka paŭzo denove en nia elsendo aŭdiĝas Trarigardo de la E-Gazetaro, en kiu ni traktas la 99-an numeron de „Informilo por Interlingvistoj”, la aprilan kaj majan numerojn de la korea „La Lanterno Azia” kaj la majan kaj junian numerojn de „La Revuo Orienta” de Japana E-Instituto.
– Komence ni aludas al la lastĵaŭda solenado de la preskaŭ 700-jara festo de Dia Korpo kun buntaj procesioj kaj prezentas aktualaĵon pri manipulado per la parolado de la pola ĉefministro en Auschwitz en la Nacia Memortago pri la Viktimoj de la Germanaj, Naziaj Koncentrejoj kaj reagoj de judaj medioj. Plena teksto de la parolado: https://www.tvp.info/32830738/what-polish-prime-minister-beata-szydlo-really-said-zobacz-tekst-i-wideo-z-napisami-w-jezyku-angielskim
– En E-komunumaj informoj ni sciigas pri la madrida kolokvo pri novaj utopioj en kiu oni parolis ankaŭ pri Esperanto kaj pri septembra 4-a Interlingvistika Simpozio en Poznano.
– Muzike nin akompanas Grazia Barboni per fragmento de la kanto de André „Strat’ de l’kampo”.
– La foto akompananta nian programinformon devenas el la Interreto kaj prezentas buntan bildon de la festata lastĵaude en Łowicz Dia Korpo
– La aktualaĵo kaj kulturkronika informo estas paralele legeblaj kaj aŭskulteblaj en la koncernaj rubrikoj de nia paĝo. Aparte aŭdiĝas Trarigardo de la E-Gazetaro.
– Nia elsendo estas aŭskultebla ankaŭ en jutubo pere de: https://www.youtube.com/results?q=pola+retradio&sp=CAI%253D

Play

La 658-a E-elsendo ĉe www.pola-retradio.org el la 13.06.2017:

– En la hodiaŭa programo ni gastigas  la prezidanton de Hispana E-Federacio, Tonjo del Barrio, kun kiu ni interparolas pri la aktivadoj lige kun la daŭranta Zamenhof-Jaro, kiuj i.a. speguliĝos en la programo de la baldaŭa landa Kongreso en Tortuelo. Ni esprimas tamen bedaŭron pro ne tre kvalita teknike nivelo de la skajpa surbendigo.
– La komencaj aktualaĵoj rilatas al la malfermo de la senviza trafiko de ukrainanoj al la landoj de la Unio, la establon de la Pola Centro en la ĉina Xian kaj distingon de Elizabeta la 2 por du polaj, sabataj lernejoj en Britio.
– La sciencbultena temo informas pri sciencaj esploroj, kiuj elmontras, kial pli aĝaj infanoj en la familio estas samtempe… pli saĝaj.
– Aktualaĵoj kaj la sciencbultenaj temoj estas paralele legeblaj kaj aŭskulteblaj en la retpaĝaj rubrikoj „Novaĵoj” kaj „Sciencaj informoj”. Aparte aŭdiĝas la antaŭmikrofona renkontiĝo kun nia redakcia gasto.
– Muzike ornamas nin la grupo „Kaj Tiel Plu”, el kies repertuaro ni elektis fragmenton de la kanzono „Tajlorino el Balaguer”, el ilia KD „Surplacen venu vi” eldonita de Vinilkosmo.
– La hodiaŭa grafikaĵo el la reta paĝo de KUL rilatas al establo de la Pola Centro en la ĉina Xian.
–Nia elsendo estas aŭskultebla ankaŭ en jutubo pere de: https://www.youtube.com/results?q=pola+retradio&sp=CAI%253D

Play

La 657-a E_elsendo el la 09.06.2017 ĉe www.pola-retradio.org

– Nia ĉi-vendreda komenca kulturkroniko informas pri la porokaza ekspozicio lige kun la 200-jariĝo de la grava pola kulturinstitucio, Ossolineum kaj pri 25-a Internacia Festivalo de pola poetino Maria Konopnicka.
– Sekve ni prezentas al vi konindan lokon, kiu estas la varsovia preĝejo de Ĉiuj Sanktuloj, en kiu dummilite trovis rifuĝejon i.a. la nepo de Ludoviko Zamenhof kaj aliaj familianoj. Lastmerkrede ĝi ricevis la titolon „Domo de la vivo” de la Fondaĵo Raoul Wallenberg.
– Ankaŭ hodiaŭ riĉas E-komunumaj informoj. Ni sciigas pri la nova ĉefa direktoro de ESF, pri atrakcia semajno por la ekstera kaj esperantista publiko antaŭ la Hispana E-Kongreso kaj pri la juliaj eventoj en la Greziljono (gresillon.org/agendo) kaj aŭgustaj Internaciaj Plouzekaj Renkontiĝoj (armor-esperanto.fr/rencontres-2017).
– Muzike nin akompanas fragmento de la porinfana kanzoneto „Veturas infanoj laŭvoje” por la vortoj de Maria Konopnicka, de „Dankas mi la vivon” de Manuel kaj de „Revenas mi” de Jak Le Puil’ „.
– La foto akompananta nian programinformon devenas el la Interreto kaj prezentas la polan poetinon, verkistinon, Maria Konopnicka al kiu rilatas unu el niaj kulturkronikaj informoj.
– La aktualaĵo kaj kulturkronikaj informoj estas paralele legeblaj kaj aŭskulteblaj en la koncernaj rubrikoj de nia paĝo.
– Nia elsendo estas aŭskultebla ankaŭ en jutubo pere de: https://www.youtube.com/results?q=pola+retradio&sp=CAI%253D

Play

La 656-a E-elsendo ĉe www.pola-retradio.org el la 06.06.2017:

– En la hodiaŭa programo ni proponas la 56-an fragmenton de la romano de Henryk Sienkiewicz „Quo Vadis” en la E-traduko de Lidia Zamenhof. Samtempe ni atendas respondojn pri tio ĉu jam antaŭe niaj aŭskultantoj konis la romanon. Ĉu en la propra lingvo aŭ en Esperanto? Ĉu la prezentataj de ni fragmentoj instigis legi la romanon, ekzemple en la Interreto?
– La komencaj aktualaĵoj rilatas al la lastsabata terorista atenco en Londono kaj al la bildo de solecaj poloj.
– La sciencbultenaj temoj alportas informojn pri esploroj, ke legado favoras evoluon de empatio, kafeino garantias pli bonajn sportajn rezultojn.
– Aktualaĵoj kaj la sciencbultenaj temoj estas paralele legeblaj kaj aŭskulteblaj en la retpaĝaj rubrikoj „Novaĵoj” kaj „Sciencaj informoj”.
– Muzike denove akompanas Kajto, kun kiu ni entreprenis „Vojaĝon suden”.
– La hodiaŭa grafikaĵo el la reta paĝo de la ĉefministro rilatas al informo, ke solecaj junaj poloj revas pri tradicia, feliĉa familio.
–Nia elsendo estas aŭskultebla ankaŭ en jutubo pere de: https://www.youtube.com/results?q=pola+retradio&sp=CAI%253D

Play