Kontaktu nin

Aŭskultu nin kaj aŭskultigu aliajn!

Skribu kaj komentu:
retradio.esperanto@gmail.com
(aŭ barbarinella@gmail.com)
Amikaro de Pola Retradio en Esperanto.

Nombro de vizitoj


Subtenu nin

Donacu rete al UEA konto vars-t

※ Donaco estos pagita sumo minus 5% de administraj kostoj ĉe Paypal.
※ Via nomo aperos en la listo de donacintoj. Kontaktu la redakcion se vi volas resti anonima

Redakcia teamo

Barbara PIETRZAK
Gabriela KOSIARSKA
Milada SZWEDO
Maciej JASKOT
Krystyna GROCHOCKA
Tomasz MILLER
Saliĥ ZAKIROV
Bruce CRISP

Arkivoj

Kategorioj

Barbara Pietrzak

La 818-a E_elsendo el la 11.01.2019 ĉe www.pola-retradio.org

La heroo de nia felietono pri Koninda Polo estas iom forgesita pola nuklea fizikisto, Józef Rotblat, kiu en 1995 kune kun la movado Pugwash, kies kunkreinto li estis, ricevis pacan Nobel-premion.
Kulturkronikaj informoj koncernas la restaŭritajn portretojn de la fondintoj de Bjalistoko, Jan K. Branicki kaj lia edzino, Izabela, kiuj denove troviĝas en la loka Podlaĥia Muzeo, kaj la budapeŝtan parkon, kiu pasintjare akiris polan patronon, Adam Mickiewicz.
La E-komunuma informo rilatas al la elekto de Komitatanoj B lige kun la finiĝanta nunjare mandato de la ĝisnunaj gvidantoj de UEA. https://uea.org/aktuale/komunikoj/2018/Elekto-de-komitatanoj-B-de-UEA-kandidatigxu
En Leterkesto i.a. nia redakcistabano el Kanado, Bruce Crisp klarigas la spertitajn antaŭnelonge teknikajn problemojn.
La akompana interreta foto prezentas la portreton de Adam Mickiewicz, kiu en decembro 2018 fariĝis patrono de unu el la parkoj en Budapeŝto, Hungario. Al esperantistoj li estas aparte konata kiel aŭtoro de „Sinjoro Tadeo” en la E-traduko de Antoni Grabowski.
La kulturkronikaj informoj estas paralele legeblaj kaj aŭskulteblaj en la unuopaj rubrikoj de nia paĝo.
La elsendo estas aŭskultebla en jutubo pere de la kanalo Espero2009: https://www.youtube.com/results?q=pola+retradio&sp=CAI%253D

Play

La 817-a E_elsendo el la 08.01.2019 ĉe www.pola-retradio.org

Hodiaŭ nia antaumikrofona gasto estas nia redakcia kolego, d-ro Maciej Jaskot, kun kiu ni interparolas pri la leksikono aperinta ankoraŭ en 2017 kies kunaŭtoro li estas. Temas pri Leksikono de aktiva frazeologio pola kaj ukraina.
En la komencaj aktualaĵoj ni informas pri la programo Eduki Saĝan Homon, kiun partoprenis 10 mil polaj lernantoj, pri nova erao en la israelaj-brazilaj rilatoj kaj pri „malŝparemo” de poloj rilate la pridonacadon de siaj infanoj.
En la sciencbultena temo ni parolas pri la kapablo de roboto rekoni homon rigardante ties okulojn.
La akompana interreta foto prezentas iun el multaj modeloj de homaspekta roboto reference al nia scienca temo.
Muzike ni memorigis la malnovan kanton de Kajto el ĝia KD „Procesio multkolora”.
La novaĵbultenaj informoj kaj sciencbultena estas paralele legeblaj kaj aŭskulteblaj en la unuopaj rubrikoj de nia paĝo.
La elsendo estas aŭskultebla en jutubo pere de la kanalo Espero2009: https://www.youtube.com/results?q=pola+retradio&sp=CAI%253D

Play

La 816-a E_elsendo el la 04.01.2019 ĉe www.pola-retradio.org

La unua en la Nova Jaro felietono pri Koninda Pollando kondukas nin al la reĝa kastelo en Niepołomice, ĝia historio kaj mistera energifonto de tie radianta, simile kiel el la reĝa kastelo sur Wawel-altaĵo en Krakovo.
La riĉa komenca kulturkroniko entenas informojn pri la 11-a eldono de la Parado de Tri Reĝoj en Varsovio la plej proksiman dimanĉon, pri sonorilo por Kartvelio kiel donaco de la pola nacio kaj fine pri la 25-a Internacia Festivalo de la Kristnaskaj Kantoj en Będzin (la suda Pollando).
Ĉi-jare la Belartaj Konkursoj de UEA okazos la 70-an fojon. Estas jam tempo prepari sia al rivalado sur ĉi tiu kampo de la E-komunuma kulturo. Ni informas pri tio, sed pliaj informoj estas legeblaj ĉe: https://uea.org/aktuale/komunikoj/2018/En-2019-la-Belartaj-Konkursoj-de-UEA-alvenas-al-sia-70-a-eldono
En la fino radioamikojn ni invitas por la leterkesta programero.
La akompana interreta foto de nia programinformo prezentas la Reĝan Kastelon en Niepołomice en la suda Pollando.
Muzike – lige kun niaj kultukronikaj informoj – akompanis nin fragmente polaj kristnaskaj kantoj „Tri Monarkoj” en la plenumo de Anna Osmakowicz kaj „Kristnaska Kanto” de Mariusz Domaszewicz.
La kulturkronikaj informoj estas paralele legeblaj kaj aŭskulteblaj en la unuopaj rubrikoj de nia paĝo.
La elsendo estas aŭskultebla en jutubo pere de la kanalo Espero2009: https://www.youtube.com/results?q=pola+retradio&sp=CAI%253D

Play

La 815-a E_elsendo el la 01.01.2019 ĉe www.pola-retradio.org

Feliĉan, plenan de sukcesoj kaj ĉiuspeca prospero 2019-an !

Nian unuan en la Nova Jaro elsendon enkondukas dankvortoj, kiujn ni ŝuldas al nia redakcia stabano, Bruce Crisp dank’ al kies klopodoj niaj elsendoj post kelka teknika interrompo denova aŭdiĝas. Kiujn ni dankŝuldas al ĉiuj geaŭskultantoj, kiuj en 2018 klopodis kunredakti niajn E-elsendojn pere de komentoj kaj opiniesprimoj, diskonigado de nia laboro, kiuj senavare subtenis la pluekziston de niaj elsendoj ! Tiujn dankvortojn akompanas fragmento de „Paca nokt’” en la plenumo de Remigiusz Kossakowski.
En la komenca kulturkroniko ni informas pri iu el la patronoj de la 2019 en Pollando, pola 18-jarcenta komponistino kaj pianistino Maria Szymanowska citante el unu el ŝiaj valsoj; pri la premiita porkolektista monero dediĉita al pola sciencisto Mikołaj Kopernik, ĉi-foje kiel ekonomiikisto; pri novaj objektoj en la Listo de la polaj historimonumentoj.
Reference al la pasintjara Zamenhof-Tago ni informas pri la novaj membroj de la Panteono de edukado.net. Ne nur ĝojigaj informoj venis en la lastaj tagoj. Unu el la plej bedaŭrataj estas la forpaso de elstara esperantista kulturkreanto Baldur Ragnarsson. Ni kunkondolencas al lia familio kun la tuta E-komunumo citante el la GK-oj de UEA kaj referencante al nia arkivo. El ĝi ni prezentas liajn analize pritaksajn vortojn kiel la Prezidanto de Belartaj Konkursoj antaŭ la anonco de ĝiaj rezultoj dum la 68-a UK en Budapeŝto (1983).
La akompana interreta foto de nia programinformo prezentas la bildon de la premiita porkolektista monero dediĉita al Mikołaj Kopernik kiel ekonomikiisto.
La kulturkronikaj informoj estas paralele legeblaj kaj auskulteblaj en la unuopaj rubrikoj de nia paĝo.
La elsendo estas aŭskultebla en jutubo pere de la kanalo Espepro2009: https://www.youtube.com/results?q=pola+retradio&sp=CAI%253D

Play

La 814-a E_elsendo el la 14.12.2018 ĉe www.pola-retradio.org

Tra la tuta Esperantio okazas eventoj ligitaj kun la 159-a naskiĝdatreveno de la kreinto de la lingvo Ludoviko Zamenhof. I.a. en Bjalistoko okazas tritaga evento, kies ĉefgasto estas Ionel Onet. Nia interparolo kun li rilatas al la rumana literaturo en Esperanto kaj tute aparte al la lanĉota en Bjalistoko „Verkaro (preskaŭ) kompleta” de Max Blecher, kiel frukto de rumana-pola literatura projekto.
La komencaj kulturkronikaj informoj rilatas al la finiĝanta Eŭropa Jaro de Kulturo, al la unua scienca katedro de Johano Paŭlo la 2-a en la hispana Avila, al Krakovo – kiu en 2019 rolos kiel gastronomia ĉefurbo de Eŭropo.
En Bjalistoko Georgo Handzlik koncertos kun la filino Dominika, en nia elsendo ni memorigas lian omaĝkanton al la kreinto de Esperanto.
La akompana interreta foto de nia programinformo prezentas la monumenton de Ludoviko Zamenhof en Bjalistoko.
La elsendo estas aŭskultebla en jutubo pere de la kanalo Espero2009: https://www.youtube.com/results?q=pola+retradio&sp=CAI%253D

Play

La 813-a E_elsendo el la 11.12.2018 ĉe www.pola-retradio.org

Niaj komencaj aktualaĵoj rilatas al la lastatempaj eventoj en Francio, al la Pakto de Migrado de la Unuiĝintaj Nacioj kaj judaj organizaĵoj en Pollando, kiuj okaze de Hanuko reesprimis la deziron, ke en Pollando reinstaliĝu juda komunumo.
Ni prezentas la mesaĝon de UEA lige kun la Tago de la Homaj Rajtoj.
La sciencbultenaj temoj rilatas al la lastaj esploroj pri la kerno de la Tero kaj pri poloj dependigitaj de la Interreto.
La elsendon finas raporto de d-ro Marek Nahajowski pri lia E-rilata temo dum la novembra Internacia Muzikologia Konferenco en Bydgoszcz.
Muzike ni memorigas malnovan registraĵon de Päivi Paunu, kiu kantas la komencajn artikolojn de la Universala Deklaracio de la Homaj Rajtoj kaj la poemon de Ludoviko Zamenhof „Ho’ mia kor’” en la plenumo de József Dinnyés.
La akompana interreta foto de nia programinformo prezentas la kristnaskan ornamon de la Kastela Placo en Varsovio.
La elsendo estas aŭskultebla en jutubo pere de la kanalo Espero2009: https://www.youtube.com/results?q=pola+retradio&sp=CAI%253D

Play

La 812-a E_elsendo el la 07.12.2018 ĉe www.pola-retradio.org

Nia komenca kulturkroniko enhavas informon por Pollando tre gravan, nome en la Listo de la Nemateria Kulturheredaĵo de Unesko ektroviĝis la unua objekto el nia lando. Tio estas Kristnaskaj Kripetoj el Krakovo. La alia informo rilatas al la ekspozicio pri Adam Mickiewicz kaj lia poemo „Sinjoro Tadeo” en Vilno.
Ĉiuj medioj de la E-komunumo preparas sin al Zamenhof-tago. Ni informas pri du tiurilataj eventoj en Hispanio kaj unu en Portugalio.
Nia nunsemajna Leterkesto riĉas per reagaj mesaĝoj kaj komentoj, sed krome kadre de ĝi ni adiaŭas nian fidelan francan aŭskultantinon Ginette Martin, kun kiu ni renkontiĝis persone la lastan fojon dum la Lisbona UK. En la fino audiĝas nia lasta antaŭmikrofona interparolo surbendigita dumkongrese.
Muzike akompanas nin Flavio Fonseca per la kanzono „Jam temp’ está” el la KD „Simbiozoj”.
La akompana interreta foto prezentas la nunjarajn Kristnaskajn Kripetojn en la konkurso sur la Foirplaco de Krakovo.
La elsendo estas aŭskultebla en jutubo pere de la kanalo Espero2009: https://www.youtube.com/results?q=pola+retradio&sp=CAI%253D

Play

La 811-a E_elsendo el la 04.12.2018 ĉe www.pola-retradio.org

En nia hodiaŭa elsendo ni denove referencas al la interparoloj faritaj dum la Lisbona UK, prezentante la antaŭmikrofonan renkontiĝon kun Miguel Gutiérrez Adúriz – la sekretario de la Belartaj Konkursoj de UEA, eldonisto, verkisto, membro de la tiel nomata Iberia Skolo konata ankaŭ kiel Liven Dek. Kroman atenton ni donas en la intreparolo al la gvidataj de li en jutubo kulturtemaj kanaloj inkluzive de la ĉefa Ekstremoj.
En la komencaj aktualaĵoj ni parolas pri la pasanta hodiaŭ minista festo Barbórka kaj pri la komenciĝinta hieraŭ en Katowice internacia klimata konferenco COP24. Ni referencas al la alvoko de la Eŭropa Komisiono, ke ĉiuj uniaj landoj subskribu UN-pakton pri migrado kaj informas pri la starpunkto de francoj al la enmigrado baze de laste aperinta enketo.
La sciencbultena temo rilatas al plia progreso en la prilaborado de la vortaro de la pola gesta lingvo.
Muzike akompanas nin jOmO per „Valso de la ministoj” el lia KD „jOmO Okcitanas” eldonita de Vinilkosmo.
La akompana interreta foto de nia programinformo prezentas polajn ministojn en paradaj uniformoj dum Barbórka-festo.
Nia elsendo estas aŭskultebla ankaŭ en jutubo pere de: https://www.youtube.com/results?q=pola+retradio&sp=CAI%253D

Play

La 810-a E_elsendo el la 30.11.2018 ĉe www.pola-retradio.org

Malantaŭ ni la sanktandrea nokto, pole Andrzejki, iam magia tempo de fraŭlinaj aŭguroj pri estonta edzo, nun daŭre tempo por distro kaj amuzo antaŭ komenciĝonta la plej proksiman dimanĉon Advento. Almenaŭ por kredantoj ĝi signifos senbruan kaj sen brua distro atendotempon ĝis Kristnasko.
La kulturkronikaj informoj koncernas la novan subjekton en la pola listo de la nemateria kulturheredaĵo, kiu estas Barbórka, tradicia minista festo solenata en la tago de s-ta Barbara, la 4-an de decembro. Ni informas krome pri interesa ekspozicio en la Kastelo de Pomeriaj Princoj en Szczecin (la nordorienta Pollando) dediĉita al la Biblio – de la pergamenaj rulaĵoj ĝis ĝiaj elektronikaj versioj.
La E-komunumaj informoj koncernas du interesajn prelegojn okazintajn ĉi-semajne en Madrido kaj buntan programon de la 19-aj Zamenhof-Tagoj en Bjalistoko.
Hodiaŭ nia antaŭmikrofona gasto estas Alessandra Madella, laŭreatino de la premio Mauro La Torre-2018, lekcianta i.a. filmhistorion kaj Esperanton en la artkolegio en la ĉina Kunming, Yunnan-provinco.
La akompana interreta foto de nia programinformo referencas al la aŭgurvespero de S-ta Andreo. Temas pri la pentraĵo de Henryk Siemiradzki el 1867 bildiganta la sanktandreavesperajn aŭgurojn.
Nia elsendo estas aŭskultebla ankaŭ en jutubo pere de: https://www.youtube.com/results?q=pola+retradio&sp=CAI%253D

Play

La 809-a E_elsendo el la 27.11.2018 ĉe www.pola-retradio.org

Hodiaŭ denove aŭdiĝas la literatura segmento de nia elsendo, en kiu ni prezentas la 75-an fragmenton de la romano de la pola Nobel-premiito Henryk Sienkiewicz „Quo Vadis” en la E-traduko de Lidia Zamenhof.
La komencaj aktualaĵoj rilatas al la tensioj ĉirkaŭ la rusa-ukraina konflikto kaj al la atingita interkonsento de la EU-aj gvidantoj kun Britio pri la foriro de ĉi tiu lando el la unia strukturo.
La sciencbultenaj aktualaĵoj rilatas al novaj serĉteknikoj aplikataj en geologio kaj al la origino de vitraj objektoj, unuavice bidoj trovataj sur la tereno de nia lando.
Muzike akompanas nin ĴeLe per la kanzono „La novembra pluvo” el la KD „En Esperantujo”.
La akompana interreta foto de nia programinformo prezentas unu el la plej interesaj vitrofaritaj trovaĵoj. Temas pri la virina kolornamaĵo el la loko Targowisko en la suda Pollando.
Nia elsendo estas aŭskultebla ankaŭ en jutubo pere de: https://www.youtube.com/results?q=pola+retradio&sp=CAI%253D

Play