Kontaktu nin

Aŭskultu nin kaj aŭskultigu aliajn!

Skribu kaj komentu:
retradio.esperanto@gmail.com
(aŭ barbarinella@gmail.com)
Amikaro de Pola Retradio en Esperanto.

Subtenu nin

Donacu rete al UEA konto vars-t

※ Donaco estos pagita sumo minus 5% de administraj kostoj ĉe Paypal.
※ Via nomo aperos en la listo de donacintoj. Kontaktu la redakcion se vi volas resti anonima

Redakcia teamo

Barbara PIETRZAK
Gabriela KOSIARSKA
Milada SZWEDO
Maciej JASKOT
Krystyna GROCHOCKA
Tomasz MILLER
Saliĥ ZAKIROV
Bruce CRISP

Arkivoj

Kategorioj

Barbara Pietrzak

La 921-a E_elsendo el la 20.12.2019 ĉe www.pola-retradio.org

Jarfine pasos la unua favorepreza aliĝperiodo al la 105-a UK en Montrealo. Tion ni memorigas en la interparolo kun Konstanta Kongresa Sekretario, Clay Magalhães, sed krome ni referencas al lia lasta vizito en Montrealo kaj kiel la unuaj ni eksciis kelkajn detalojn pri la kongresa programo. En la komencaj kulturkronikaj informoj ni parolas pri novaj ikonoj en la muzeo de Supraśl apud Bjalistoko kaj pri restaŭrita mozaiko de Józef Mehoffer en Lvovo. La 15-an de decembro „La ondo de Esperanto” anoncis Esperantiston de la Jaro – kiu fariĝis Anna Löwenstein kaj edukado.net enkondukis 5 pliajn esperantistojn en sian Panteonon. Pri tio ni informas sekve. Bedaŭrinde la E-komunumo meze de decembro perdis siajn du meritiĝintajn membrojn – Mila van der Horst-Kolińska el Nederlando kaj Maria Pontika el Grekio. Ankaŭ pri tio ni informas fine de la elsendo. Muzike ni memorigas fragmente la E-Tangon de Lars Formann kaj la kanzonon „La bileto” de Jonny M. La akompananta nian programinformon foto prezentas fragmenton de la restaŭrita mozaiko de Józef Mehoffer en la lvova katedralo.
Ni disponigas eksterelsende paralele legeblajn kaj aŭdeblajn tekstojn el la hodiaŭa elsendo en unuopaj rubrikoj de nia paĝo, hodiaŭ t.e. estas „kulturkronikaj informoj”. Uzu tiun ĉi servon mem kaj rekomendu al aliaj, kiel efikan manieron altigi la aŭdokomprenon kaj parolkapablon. Eksterelsende en la rubriko „Antaŭ la mikrofono” aŭdiĝas la interparolo kun nia antaŭmikrofona gasto. Ĝi estas aŭdebla ankaŭ en jutubo ĉe la kanalo Espero2009: https://www.youtube.com/results?q=pola+retradio&sp=CAI%253D. I.a. pere de ĝi vi povas rapidigi aŭ malrapidigi la elsendosonon konforme al viaj bezonoj.

Play

La 920-a E_elsendo el la 17.12.2019 ĉe www.pola-retradio.org

Nia hodiaŭa antaŭmikrofona gasto estas Saša PILIPOVIĆ – aktoro, kantisto, esperantisto el Serbio, kun kiu pri lia aktorado ekde 1987, i.a. aktora profesiumado, ni interparolis dum la lasta ARKONES. La komencaj aktualaĵoj rilatas al ASEM en Madrido, al la festokaza butikumado en Pollando, al la unua abeluja farmo en Bjalistoko. La sciencbultena temo koncernas novan svedan metodon de plastoreciklinigdo.
Muzike akompanas nin Ĵomat per fragmento de la kanzono „La Pasero”. Krome ni prezentas kelkajn kanzonojn de Saša Pilipović el Serbio el lia koncerto de ciganaj kantoj dum la lastaŭtuna  ARKONES en Poznano. La akompana al la programinformo interreta foto rilatas al la proksimiĝanta Kristnasko. La legeblaj kaj aŭdeblaj tekstoj el nia elsendo troveblas en la unuopaj rubrikoj de nia paĝo, hodiaŭ t.e. estas „novaĵoj” kaj „sciencaj informoj”. Ili faciligas efike altigi la aŭdokomprenon kaj parolkapablon, uzu do mem kaj rekomendu al aliaj. La intervjuo kun nia antaŭmikrofona gasto troviĝas en la rubriko „Antaŭ la mikrofono”. Krome nia elsendo estas aŭdebla ankaŭ en jutubo ĉe la kanalo Espero2009: https://www.youtube.com/results?q=pola+retradio&sp=CAI%253D

Play

La 919-a E_elsendo el la 13.12.2019 ĉe www.pola-retradio.org

Antaŭtage de la 15-a de decembro solenata de jaroj i.a. kiel Tago de la E-libro ni prezentas intervjuon kun Probal Dasgupta el Barato i.a. pri la traduko de la finna literaturaĵo „Sep Fratoj” de Aleksis Kivi el Esperanto en la bengalan. Krome ni interparolas pri la Akademio de Esperanto kaj fine pri la reburĝonanta E-movado en lia lando. La riĉaj kulturkronikaj informoj koncernas la influon de Leonardo da Vinci je aliaj polaj kreantoj, kion bildigas varsovia ekspozicio en Wilanów; la polan distingon por la vicdirektoro de la franca Muzeo Louvre-Lens; ekspozicion de polaj dometoj el mielkuka pasto en Svedio. Muzike akompanas nin kuntostante okaze de la 15-a de decembro Georgo Handzlik. La programinformon apudas foto pri polaj dometoj el mielkuka pasto prezentataj en la sveda muzeo. Tradicie ankaŭ hodiaŭ ni disponigas eksterelsende paralele legeblajn kaj aŭdeblajn tekstojn el la hodiaŭa elsendo en unuopaj rubrikoj de nia paĝo, hodiaŭ t.e. estas „kulturkronikaj informoj”. Uzu tiun ĉi servon mem kaj rekomendu al aliaj, kiel efikan manieron altigi la aŭdokomprenon kaj parolkapablon. Eksterelsende en la rubriko „Antaŭ la mikrofono” aŭdiĝas la interparolo kun Probal Dasgupta el la hodiaŭa elsendo. Ĝi estas aŭdebla ankaŭ en jutubo ĉe la kanalo Espero2009: https://www.youtube.com/results?q=pola+retradio&sp=CAI%253D. I.a. pere de ĝi vi povas rapidigi aŭ malrapidigi la elsendosonon konforme al viaj bezonoj.

Play

La 918-a E_elsendo el la 10.12.2019 ĉe www.pola-retradio.org

Ĉi-marde ni ne parolas pri la E-literaturo, sed ĝin prezentas per la 88-a fragmento de la romano „Quo Vadis” de Henryk Sienkiewicz en la E-traduko de Lidia Zamenhof. La komencaj aktualaĵoj rilatas al la hodiaŭa solena disdono de Nobel-premioj en Stokholmo. Inter la Nobelpremiitoj troviĝis ankaŭ Olga Tokarczuk el Pollando ricevinta literaturan Nobelpremion pro la jaro 2018. Nia sekva aktualaĵo rilatas al esploroj de IBM pri granda parto de la nunaj laborantoj devontaj alikvalifikiĝi pro artefarita inteligenteco. La sciencbultena temo koncernas pliajn esplorojn pri influo de interreto je la homa organismo, ĉi-foje strukturo kaj funkciado de la cerbo.
Muzike akompanas nin Amira el Koreio per la kanzono „Ĉu mi do devas migri for’. La akompana foto prezentas Olga Tokarczuk dum la solenaĵo de la tanspreno de Nobel-premio pro literaturo 2018.
Tradicie ni disponigas paralele legeblajn kaj aŭdeblajn tekstojn el nia elsendo en unuopaj rubrikoj de nia paĝo, hodiaŭ t.e. estas „novaĵoj” kaj „sciencaj informoj”. Ili faciligas efike altigi la aŭdokomprenon kaj parolkapablon, uzu do mem kaj rekomendu al aliaj. La elsendo estas aŭdebla ankaŭ en jutubo ĉe la kanalo Espero2009: https://www.youtube.com/results?q=pola+retradio&sp=CAI%253D

Play

La 917-a E_elsendo el la 06.12.2019 ĉe www.pola-retradio.org

Hodiaŭ nia felietono pri Koninda Pollando estas dediĉita al la urbo Tuchola en la norda Pollando, kiun ni ĉerpas el la riĉa arkivo de nia redakcio. La komencaj kulturkronikaj informoj koncernas unue alian vidindaĵon en Pollando, nome la Arĝentominejon en Tarnowskie Góry, kiu ĵus ricevis Oran Ateston de la Pola Turisma Organizo. Diverskampe oni preparas sin al Kristnasko. En la pola pilgrimejo Kalwaria Zebrzydowska jam de kelka tempo estas konstruigata la nunjara Kripeto. Nian programinformon akompanas foto pri iu el la antaŭaj eldonoj de la festokaza Kripeto en ĉi tiu loko. La tuta E-komunumo preparas sin al la 15-a de decembro, la 160 naskiĝdatreveno de la lingvokreinto Ludoviko Zamenhof, kiu estas i.a. tago de la E-libro kaj ĝenerale de la E-kulturo. Pri riĉa programo de la bjalistokaj Zamenhof-Tagoj ni informas laŭvice. En la fino ni proponas leterkestan renkontiĝon.
Tradicie ni disponigas eksterelsende paralele legeblajn kaj aŭdeblajn tekstojn el la hodiaŭa elsendo en unuopaj rubrikoj de nia paĝo, hodiaŭ t.e. estas „kulturkronikaj informoj” kaj „felietono”. Uzu tiun ĉi servon mem kaj rekomendu al aliaj, kiel efikan manieron altigi la aŭdokomprenon kaj parolkapablon. La elsendo estas aŭdebla ankaŭ en jutubo ĉe la kanalo Espero2009: https://www.youtube.com/results?q=pola+retradio&sp=CAI%253D. I.a. pere de ĝi vi povas rapidigi aŭ malrapidigi la elsendosonon konforme al viaj bezonoj.

Play

La 916-a E_elsendo el la 03.12.2019 ĉe www.pola-retradio.org

Reference al la lastsabata Malferma Tago en Roterdamo ni prezentas la sonscenon pri la inaŭguranta la Tagon programero dediĉita al la Libroservaj Novaĵoj gvidita de Ionel Onet. Proksimiĝas la jarfinaj festoj ne prokrastu viajn mendojn konsultante la adreson: https://katalogo.uea.org/.  La komencaj aktualaĵoj rilatas al la komenciĝanta hodiaŭ en Londono labora renkontiĝo de la gvidantoj de NATO-ŝtatoj kaj al ĉiam pli populara hejma edukado. La sciencbultena temo rilatas al polaj esploroj pri ultrasonoj en la historiaj instrumentoj. Muzike akompanas nin Ĵomart per sia kanzono „La nokta gasto”, la akompana foto prezentas Ionel Onet komence de la prezento de la libroservaj novaĵoj de UEA. Tradicie ni disponigas paralele legeblajn kaj aŭdeblajn tekstojn el nia elsendo en unuopaj rubrikoj de nia paĝo, hodiaŭ t.e. estas „novaĵoj” kaj „sciencaj informoj”. Ili faciligas efike altigi la aŭdokomprenon kaj parolkapablon, uzu do mem kaj rekomendu al aliaj. Ni ĝojas, ke tiun nian servon imitas nun ankaŭ uea.facila. En la rubriko „Antaŭ la mikrofono” aŭdeblas eksterelsende la sondokumento pri libroservaj novaĵoj dum la aŭtuna Malferma Tago. La elsendo estas aŭdebla ankaŭ en jutubo ĉe la kanalo Espero2009: https://www.youtube.com/results?q=pola+retradio&sp=CAI%253D

Play

La 914-a E_elsendo el la 26.11.2019 ĉe www.pola-retradio.org

En nia marda programo antaŭ la mikrofono ni gastigas Anna Loewenstein, renkontitan dum la Lahtia UK. La temo de nia interparolo estas la iniciatita de ŝi retejo enmovadiganta novajn lingvoadeptojn funkcianta ĉe la adreso: uea.facila.org . La komencaj aktualaĵoj rilatas al la variigo de la gasliveroj al Pollando kaj rezigno pri ekonomie malavantaĝa monopola kontrakto pri gasliverado el Rusio; al la opinioj de poloj pri la temo kiel oni malŝparas sian tempon kaj kiel saĝe ĝin uzi; al la nunjara eldono de la konkurso Arbo de la Jaro. La sciencbultena temo traktas novajn esplorojn pri tio, pri kio okupiĝas nia cerbo dum la dormo.
Muzike akompanas nin ĴeLe per la fragmento de sia kanzono „Duonkore feliĉas ni” el la KD „Sentokaoso”. La akompana al la programinformo foto prezentas polan arbon 2019 (igra sambuko) kresantan en la sudokcidenta pola urbo Rzeszów. Ankaŭ hodiaŭ ni disponigas paralele legeblajn kaj aŭdeblajn tekstojn el nia elsendo en unuopaj rubrikoj de nia paĝo, hodiaŭ t.e. estas „novaĵoj” kaj „sciencaj informoj”. Ili faciligas efike altigi la aŭdokomprenon kaj parolkapablon, uzu do mem kaj rekomendu al aliaj. Ni ĝojas, ke tiun nian servon imitas nun ankaŭ uea.facila. Eksterelsende aŭdiĝas ankaŭ interparolo kun nia antaŭmikrofona gasto en la rubriko „Antaŭ la mikrofono”. La elsendo estas aŭdebla ankaŭ en jutubo ĉe la kanalo Espero2009: https://www.youtube.com/results?q=pola+retradio&sp=CAI%253D

Play

La 913-a E_elsendo el la 22.11.2019 ĉe www.pola-retradio.org

En nia felietono el la ciklo „Koninda Pollando” ni invitas al la situanta okcidente de Varsovio Kłodawa. Troviĝas en ĝi la plej granda salminejo en Pollando – la unusola en Eŭropo kun la rozkoloraj saltavoloj. En la komenca kulturonika informo ni prezentas la plej grandan el la ekspozicioj en la varsovia Reĝa Kastelo, kadre de la Jaro de la polaj Vasa-dinastiaj regantoj. Krome ni informas pri kolektistaj pasioj de Stanisław Kostka Potocki, kun kiuj eblas konatiĝi en la varsovia Muzeo de  Wilanów. En la E-komunuma segmento ni sciigas pri la 11-a Pernambuka E-simpozio antaŭ kelkaj tagoj okazinta en Brazilo. Fine ni renkontiĝas en leterkesta programero. Muzike akompanas nin Ĵomart kaj Nataŝa per sia kanzono „Min vokas iamo”. La programinforma interreta foto prezentas iun el la internoj de la salminejo en Kłodawa.
Tradicie ni disponigas eksterelsende paralele legeblajn kaj aŭdeblajn tekstojn el la hodiaŭa elsendo en unuopaj rubrikoj de nia paĝo, hodiaŭ t.e. estas „kulturkronikaj informoj” kaj „felietono”. Senhezite uzu tiun ĉi servon mem kaj rekomendu al viaj E-konatoj, kiel efikan manieron altigi la aŭdokomprenon kaj parolkapablon. La elsendo estas aŭdebla ankaŭ en jutubo ĉe la kanalo Espero2009: https://www.youtube.com/results?q=pola+retradio&sp=CAI%253D

Play

La 912-a E_elsendo el la 19.11.2019 ĉe www.pola-retradio.org

Hodiaŭ en la literatura segmento de nia elsendo ni prezentas la 87-an fragmenton de la romano „Quo Vadis” de Henryk Sienkiewicz en la E-traduko de Lidia Zamenhof. La komencaj aktualaĵoj rilatas al interkonsento inter la Unio kaj Ĉinio pri la reciproka protektado de elektitaj produktoj kun geografiaj nomoj. Ni informas pri la plej nova raporto koncerne la staton de nelegalaj enmigrantoj en Eŭropo. Nia sciencbultena estas dediĉita al kanada ideo „dungi” abelojn por la celoj de plantprotektado.
Muzike akompanas nin ASORTI per sia kanzono „Verda Hejmo Esperanto” el la samtitola KD. La interreta foto prezentas abelojn ĉe abeluja elirejo reference al nia sciencbultena temo.
Tradicie ni disponigas paralele legeblajn kaj aŭdeblajn tekstojn el nia elsendo en unuopaj rubrikoj de nia paĝo, hodiaŭ t.e. estas „novaĵoj” kaj „sciencaj informoj”. Uzu ilin mem kaj rekomendu ilin al viaj E-konatoj, kiel efikan manieron altigi la aŭdokomprenon kaj parolkapablon. La elsendo estas aŭdebla ankaŭ en jutubo ĉe la kanalo Espero2009: https://www.youtube.com/results?q=pola+retradio&sp=CAI%253D

Play

La 911-a E_elsendo el la 15.11.2019 ĉe www.pola-retradio.org

En la riĉa kulturkroniko komence de la elsendo ni informas pri laŭvica turneo de la pola kant- kaj dancensemblo „Śląsk” tra Japanio; pri interesa malkovro dum la restaŭristaj laboroj en Gdansko; pri multaj eksponaĵoj el la itala Pompejo, la unuan fojon rigardeblaj en Pollando. Nia hodiaŭa antaŭmikrofona gasto estas la prezidanto de la Pola E-Asocio, Robert Kamiński kun kiu pri la pola E-movado kaj ankaŭ UEA ni interparolis dum la lasta ARKONES en Poznano. Dank’ al kontribuo de nia japana aŭskultanto Yasuo Tabuchi ni prezentas lian mallongan raporton pri la Korea E-Asocio. Laste ni informas pri la serĉado de sponsoroj por la E-versio de „Unesko-kuriero”. Muzike akompanas nin Amira, korea kantistino kun kiu ni renkontiĝis dum la lasta UK. En ŝia plenumo ni aŭdas la kanton „Ni kunkantu”. La akompana interreta foto ligiĝas kun la turneanta tra Japanio ensemblo „Śląsk”. Ankaŭ hodiaŭ eksterelsende ni disponigas paralele legeblajn kaj aŭdeblajn tekstojn el la hodiaŭa elsendo en unuopaj rubrikoj de nia paĝo t.e. estas „kulturkronikaj informoj”. Uzu tiun nian servon mem kaj rekomendu al viaj E-konatoj, kiel efikan manieron altigi la aŭdokomprenon kaj parolkapablon. Krome en la rubriko „Antaŭ la mikrofono” aŭdiĝas eksterelsende interparolo kun nia antaŭmikrofona gasto.La elsendo estas aŭdebla ankaŭ en jutubo ĉe la kanalo Espero2009: https://www.youtube.com/results?q=pola+retradio&sp=CAI%253D

 
Play