Sciencaj informoj

Profunda ruĝo por plibonigi la vidkapablon

Enretigita de: | Sept 1, 2020 | Sciencaj informoj | Skribu komenton.

Sciencistoj el la universitata londona lernejo asertas, ke ĉiutaga trimunuta alrigardado de profunda ruĝa koloro povas signife plibonigi la vidkapablon. Jam ĉe 40-jaruloj la retinaj ĉeloj komencas maljuniĝadi. Parte kaŭzas tion funkcimalpliboniĝo de mitokondrioj, difinataj kiel ĉelaj energicentroj. Ilia denseco estas la plej granda en retinaj lumsensiloj, samtempe ilia energibezonateco estas tre alta. Tial retino maljuniĝas pli rapide ol aliaj organoj. Pli fruaj esploroj ĉe musoj, burdoj kaj drosofiloj elmontris, ke influado de ili per profunda ruĝo (ondoj kun la longo de 670 nanometroj) signife plibonigas la funkciadon de retinaj lumsensiloj. Por la bezonoj de eksperimento estis kreita grupo de 24 diversaĝaj okulsanaj personoj egalkvante konsistantaj el viroj kaj virinoj. Komence oni ekzamenis la sentivecon de iliaj bastonetoj kaj konusetoj. La sentiveco de bastonetoj estis ekzamentita en malluma ejo, post kiam ilia rigardo kutimiĝis al krepusko. La tasko de la ekzamenitoj estis malkovri lumon kun tre malalta intenseco. La sentiveco de konsusetoj estis taksita helpe de koloraj, tre malmulte kontrastaj. Poste ĉiuj personoj partoprenantaj la eksperimenton ricevis lanterneton kun lumeliganta diodo kun la tasko dum du semajnoj po 3 minutoj tage rigardi la lumstrion kies longeco egalis al 670 nanometroj. Fine la testoj estis ripetitaj. Evidentiĝis, ke ĉe iuj personoj 40- kaj pliaĝaj la setiveco de konsuetoj je kolorkontrasto kreskis eĉ je 20 procentoj. Pliboniĝis ankaŭ la funkciado de bastonetoj, kvankam ne samgrade kiel kaze de konusetoj. Scienistoj konstatis do, ke eĉ mallonga infuado de adekvata lumstrio je la kadukiĝinta energisistemo de retinĉelo ebligas en signifa grado plibonigi la vidkapablon ĉe personoj iom aĝaj.

El la elsendo 01.09.2020. Legas Barbara – 2′ 39″

Subtenu nin

Donacu rete al UEA konto vars-t

※ Donaco estos pagita sumo minus 5% de administraj kostoj ĉe Paypal.
※ Via nomo aperos en la listo de donacintoj. Kontaktu la redakcion se vi volas resti anonima

Ni dankas al …

niaj donacintoj!  Bonvolu klaki ĈI TIE por detaloj.

Kontaktu nin

Aŭskultu nin kaj aŭskultigu aliajn!

Skribu kaj komentu:
retradio.esperanto@gmail.com
(aŭ barbarinella@gmail.com)
Amikaro de Pola Retradio en Esperanto.

Nombro de vizitoj

0115421

Redakcia teamo

Barbara PIETRZAK
Gabriela KOSIARSKA
Milada SZWEDO
Maciej JASKOT
Krystyna GROCHOCKA
Tomasz MILLER
Bruce CRISP

Arkivoj