Kontaktu nin
Aŭskultu nin kaj aŭskultigu aliajn!

Skribu kaj komentu:
retradio.esperanto@gmail.com
(aŭ barbarinella@gmail.com)
Amikaro de Pola Retradio en Esperanto.
Subtenu nin
Donacu rete al UEA konto vars-t

※ Donaco estos pagita sumo minus 5% de administraj kostoj ĉe Paypal.
※ Via nomo aperos en la listo de donacintoj. Kontaktu la redakcion se vi volas resti anonima
Redakcia teamo
Barbara PIETRZAK
Gabriela KOSIARSKA
Milada SZWEDO
Maciej JASKOT
Krystyna GROCHOCKA
Tomasz MILLER
Saliĥ ZAKIROV
Bruce CRISP
Arkivoj
Kategorioj

La 939-a E_elsendo el la 21.02.2020 ĉe www.pola-retradio.org

Nia hodiaŭa felietono referencas al la 95-jariĝo de la monumento de Pola Grensemanto en Kuritibo, Brazilo. En ĝi ni traktas pri poloj venintaj al Brazilo lime de la 19-a kaj 20-a jarcentoj por helpi la primastrumon de virgaj, malmulte enloĝataj terenoj de ĉi tiu lando. Krome verŝajne ne ĉiuj scias, ke la aŭtoro de la monumento João Zaco Paraná estis enmigrinta en Brazilon polo Jan Żak. En la komencaj kulturkronikaj informoj ni informas pri unika ekspozicio de vitraloj en Krakovo kaj pri nova ekspozicio dediĉita al reĝo Johano la 3-a Sobieski en Varsovio. La E-komunumaj informoj rilatas al la kunlabora projekto inter esperantistoj kaj pola Kościuszko-komitato iniciatita de Maria Majerczak kaj pri nova libro de Georgi Mihalkov „Ne forgesu mian voĉon”.
En nia hodiaŭa elsendo ni memorigas du malnovajn kantojn. „Neniu amos min” el la vinila disko >Brazilo kantas por pli bona mondo< aŭdiĝas en la plenumo de Aurora Miranda; Margreta Nikolova memorigas la bulgaran kanzonon „Amo de junmaristo”. La interreta foto prezentas la monumenton de Pola Grensemanto en Kuritibo.
Eksterelsende tradicie troviĝas en la unuopaj rubrikoj de nia paĝo paralele legeblaj kaj aŭdeblaj tekstoj el la hodiaŭa programo. Temas pri „kulturkronikaj informoj” kaj „Felietonoj”. Uzu tiun ĉi servon mem kaj rekomendu al aliaj, kiel efikan manieron altigi la aŭdokomprenon kaj parolkapablon. La elsendo estas aŭdebla ankaŭ en jutubo ĉe la kanalo Espero2009: https://www.youtube.com/results?q=pola+retradio&sp=CAI%253D. I.a. pere de ĝi vi povas rapidigi aŭ malrapidigi la parolrapidecon konforme al viaj bezonoj.

2 komentoj al E_elsendo el la 21.02.2020

  • Paulo Sergio Viana skribis:

    Bonega programo! Rilate la brilan iniciaton de Prof-ino Maria, mi ŝatus informiĝi pri maniero diskonigi ĝin en Brazilo. Kiel fari tion?

  • Trezoro Huang Yinbao skribis:

    La projekto lanĉita de Maria Majerczak propagandis la polan kaj usonan heroon Kościuszko per Esperanto, kaj samtempe vidigis la valoron de Esperanto. Korajn gratulon kaj dankon al Maria pro la bona iniciato.

Respondi

Retpoŝtadreso ne estos publikigita. Devigaj kampoj estas markitaj *

Tiu ĉi retejo uzas Akismet por malpliigi trudaĵojn. Ekscii kiel viaj komentaj datumoj estas traktataj.