Feliĉan Novan Jaron

Kontaktu nin

Aŭskultu nin kaj aŭskultigu aliajn!

Skribu kaj komentu:
retradio.esperanto@gmail.com
(aŭ barbarinella@gmail.com)
Amikaro de Pola Retradio en Esperanto.

Subtenu nin

Donacu rete al UEA konto vars-t

※ Donaco estos pagita sumo minus 5% de administraj kostoj ĉe Paypal.
※ Via nomo aperos en la listo de donacintoj. Kontaktu la redakcion se vi volas resti anonima

Redakcia teamo

Barbara PIETRZAK
Gabriela KOSIARSKA
Milada SZWEDO
Maciej JASKOT
Krystyna GROCHOCKA
Tomasz MILLER
Saliĥ ZAKIROV
Bruce CRISP

La naskiĝurbo de Esperanto

Arkivoj

Kategorioj

La 720-a E_elsendo el la 19.01.2018 ĉe www.pola-retradio.org

– La komenca kulturkroniko enhavas informojn pri du lokoj en Pollando el Unesko-listo plej ofte vizitataj en Vikipedio kaj pri la nunjaraj eventoriĉaj planoj de Bjalistoko por la 100-a datreveno de reakiro de sendependeco fare de Pollando.
– La E-komunuma segmento alportas tre malĝojigan informon pri la forpaso de la kuniniciatinto kaj kunorganizanto de Artaj Konfrontoj en Esperanto ARKONES, Paweł Janowczyk. Ni prezentas ankaŭ la raporton de Bernhard Tuider, la estro de la E-muzeo en Vieno pri la atingaĵoj de ĉi tiu centro. [Pliaj informoj https://www.onb.ac.at/eo/bibliothek/sammlungen/kolekto-por-planlingvoj/ kaj https://www.onb.ac.at/eo/museen/esperantomuzeo/].
– La hodiaŭa Leterkesto i.a. enhavas kelkajn alrigardojn al 2017 i.a. informante pri la riĉa enhavo de nia arkivo.
– Muzike ni ĉerpis fragmente en la kanzono „Vieno, la urbo de miaj revoj” el la vinila disko „Alberta Casey kantas 30 kantojn” kaj memorigas la kanzonon „Babelturo” de Flavio Fonseca el la KD „Vinilkosmo-Kompil’ 1”.
– La interreta foto akompananta la programinformon prezentas la Malnovan Urbon de Varsovio, kiu troviĝas ekde 1980 sur Unesko-listo kaj kiu en 1944 estis 85-procente detruita.
– Nia elsendo estas aŭskultebla ankaŭ en jutubo pere de: https://www.youtube.com/results?q=pola+retradio&sp=CAI%253D

Play

La 719-a E_elsendo el la 16.01.2018 ĉe www.pola-retradio.org

– Hodiaŭ en nia programo gastas Miguel Fernández, i.a. la prezidanto de la Belartaj Konkursoj de UEA, kiun ni renkontis dum la varsovia Kulturlingva Festivalo organizita lige kun Zamenhof-Jaro. La renkontiĝo estis la okazo interparoli i.a. pri lia verkista/kantista laboro kaj pri la Belartaj Konkursoj de UEA.
El la varsovia programero „Mia liriko kaj la muziko” ni prezentas koncertajn surbendigojn de du kantoj en lia plenumo „Hedero” kaj „Horloĝo”. Fine de la elsendo ni memorigas la informon pri la nunujara eldono de Belartaj Konkursoj de UEA.
– La komencaj aktualaĵoj koncernas establon de esplorinstituto pri polaj medikamentoj, kio ĝiscele certigos pli da polaj medikamentoj sur la pola merkato. Pollando sisteme grandigas sian helpon por viktimoj de konfliktoj en la Proksima Oriento. Kun tio ligiĝas ankaŭ la lastdimanĉe solenata Internacia Tago de Migranto kaj Rifuĝinto. Tiuj temoj speguliĝas en du laŭvicaj aktualaĵoj.
– Nia sciencbultena temo estas dediĉita al la demando ĉu doloro estas iluzio kaj al ĉi-rilataj esploroj de polaj sciencistoj en Krakovo.
– La interreta foto akompananta la programinformon referencas al la kampanjo de Caritas Polska „Familio al familio”, pri helpo donata al konkretaj familioj suferantaj pro la konflikto en la Proksima Oriento.
– Nia elsendo estas aŭskultebla ankaŭ en jutubo pere de: https://www.youtube.com/results?q=pola+retradio&sp=CAI%253D

Play

La 718-a E_elsendo el la 12.01.2018 ĉe www.pola-retradio.org

– Ĉi-vendrede ni proponas la unuan nunjare Trarigardon de la E-gazetaro (Esperantolehti – 05.2017; Norvega Esperantisto – 06/2017 kaj La Revuo Orienta – 12.2017);
– La komencaj kulturkronikaj informoj rilatas al nova akiraĵo de la Podlaĥia Muzeo en Bjalistoko riĉiĝinta je portretoj de la urbofondintoj Jan Klemens kaj Izabela Branicki kaj al la varsovia ekspozicio prezentanta Trezoron de Peruo.
– Nia nunsemajna E-komunuma segmento riĉas je informoj pri SAT-kongreso (baldaŭa finiĝo de la unua favorpreza aliĝperiodo – http://www.satesperanto.org/spip.php?article3951), franca porjunulara poezikonkurso „Poezio tutlibera” nunjare malfermita ankaŭ por esperantistoj (www.poesie-en-liberte.fr) kaj Ora Insulo (la unua konkurso pri infanaj kantoj, pri kiu pliajn detalojn eblas ricevi ĉe orainsulo @ gmail.com).
– Muzike ni memorigas la malnovan kanton de JoMo pri Esperanto, kiu devenas el lia KD eldonita de Vinilkosmo „JoMo friponas”.
– La interreta foto akompananta la programinformon prezentas la portretojn de la urbofondintoj de Bjalistoko.
– Nia elsendo estas aŭskultebla ankaŭ en jutubo pere de: https://www.youtube.com/results?q=pola+retradio&sp=CAI%253D

Play

La 717-a E_elsendo el la 09.01.2018 ĉe www.pola-retradio.org

– La antaŭmikrofona gasto de nia marda programo estas fonetikisto profesoro Nicolaus Dols el la Balearaj Insuloj, lekcianto de la Interlingvistikaj Studoj en Poznano. Kun li ni interparolas pri lia fako, i.a. pri E-fonetiko, pri lia motivo aŭskulti la elsendojn de Pola RetRadio en Esperanto kaj lia poezia verkado. Dum la lasta eldono de Belartaj Konkursoj-2017 de UEA li akiris la unuan premion en la branĉo „poezio”.
– La komencaj aktualaĵoj liveras informojn pri pozitiva pritasko de la pasinta 2017 flanke de poloj, pri alta kvalito de pola ansera lanugo preferata de japanoj kaj pri interesa lingva eksperimento en Finnlando.
– La scienca bulteno proponas temojn ligitajn kun favora influo de knabinoj je lernorezultoj de knaboj kaj pri malsama reagado de viraj kaj virinaj cerboj je streso.
– La foto akompananta la programinformon prezentas polan anseran lanugon ŝatatan ankaŭ de eksterlandanoj.
– Nia elsendo estas aŭskultebla ankaŭ en jutubo pere de: https://www.youtube.com/results?q=pola+retradio&sp=CAI%253D

Play

La 716-a E_elsendo el la 05.01.2018 ĉe www.pola-retradio.org

– Nian hodiaŭan felietonon ni dediĉas al sep novaj polaj urboj sur la administracia mapo de la lando donante apartan atenton al tri el inter kvin, kiuj jam iam ilin havis, sed pro la historiaj eventoj tiun rangon perdis. Temas pri Józefów ĉe Vistulo, Łagów kaj Otyń.
– En la komenca kulturkroniko ni informas pri interesa ekspozicio en la varsovia Palaco sub Lada Tegmento pri riĉiĝinta kolekto de la Fondaĵo de Teresa Sahakian; pri nova sukcena artverko de pola artisto, Stelo de Bet Leĥem instalota morgaŭ en la Naskiĝgroto de Jesuo; pri la morgaŭa Epifanio kaj okazontaj lige kun ĝi – la jam 10-an fojon – Paradoj de la Tri Reĝoj, nunjare en 644 lokoj en Pollando kaj 16 ekster ĝiaj limoj.
– Fine ni proponas leterkestan renkontiĝon.
– Muzike akompanas nin polaj kristnaskaj kantoj lige kun la Epifanio en la plenumo de la koruso Hejnalo kaj Anna Osmakowicz. Ni prezentas krome unu plian varsovian kanton en E-vesto dank’ al Andrzej Tomecki kaj Andrzej Pettyn.
– La foto akompananta la programinformon prezentas epizodon el iu el la antaŭaj eldonoj de la evento Paradoj de la Tri Reĝoj.
– Nia elsendo estas aŭskultebla ankaŭ en jutubo pere de: https://www.youtube.com/results?q=pola+retradio&sp=CAI%253D

Play

La 715-a E_elsendo el la 02.01.2018 ĉe www.pola-retradio.org

– En la literatura fragmento de nia unua en 2018 E-elsendo ni proponas la 63-an fragmenton de la romano de Henryk Sienkiewicz „Quo Vadis” en la E-traduko de Lidia Zamenhof.
– La komencaj aktualaĵoj rilatas al 50-milioneŭra kontribuo de Pollando por solvi la migrokrizon kaj 25-jariĝo de la organizo Pola Humaneca Kampanjo.
– La scienca bulteno enhavas informojn pri „diameno” la nova materialo kun eksterordinaraj proprecoj akirita el grafeno kaj pri riĉiĝo de la Naturscienca Centro en Bjalistoko per nova kolekto de mineraloj.
– En la hodiaŭa programo ni memorigas malnovan, ĉar 65-jaran kanzonon pri Varsovio en la plenumo de Andrzej Tomecki. La E-vortojn por la kanzono de Władysław Szpilman verkis Andrzej Pettyn.
– La foto akompananta la programinformon prezentas unu el la eksponaĵoj de la riĉa kolekto de la Naturscienca Centro en Bjalistoko.
– Nia elsendo estas aŭskultebla ankaŭ en jutubo pere de: https://www.youtube.com/results?q=pola+retradio&sp=CAI%253D

Play

La 714-a E_elsendo el la 26.12.2017 ĉe www.pola-retradio.org

– Multaj el ni pensas kaj preparas sin al la plej longa, t.e. sendorma nokto de la jaro, la Silvestra Nokto, dum kiu ni adiaŭos la 2017-an kaj bonvenigos la 2018-an. Nia felietono pri koninda Pollando rilatas i.a. al kelkaj kutimoj malnovaj kaj novaj ligitaj kun la proksimiĝanta Nova Jaro.
– La komencaj kulturkronikaj informoj koncernas la restaŭron de kvin laŭvicaj reĝaj sarkofagoj en Wawel-katedralo en Krakovo kaj la eblecon viziti la Muzeon de Johano Paŭlo la 2-a en Wadowice ankaŭ virtuale.
– E-komunumaj informoj rilatas al la novaj membroj en la Panteono de edukado.net kaj al Zamenhof-festo en Zagrebo.
– En la fino de la programo aŭdiĝas la lasta nunjare Leterkesto.
– La foto akompananta la programinformon emfazas nian Redakcian jarfinan tostadon por la feliĉo kaj prospero de ĉiuj niaj aŭskultantoj.
– Nia elsendo estas aŭskultebla ankaŭ en jutubo pere de: https://www.youtube.com/results?q=pola+retradio&sp=CAI%253D

Play

La 713-a E_elsendo el la 26.12.2017 ĉe www.pola-retradio.org

– En Pollando oni festas Kristnaskon ankaŭ la 26-an de decembro. Tial nia programo referencas al la festperiodo per prezento de kelkaj polaj kristnaskaj kantoj en la E-vesto. Ni prezentas al vi popularajn kristnaskajn kantojn, kiel „Al paŝtistoj la anĝel’”, kaj „Kuŝas Krist’ etulo” en la plenumo de Remigiusz Kossakowski, „Ek’ paŝtistoj al la stalo” en la plenumo de Anna Osmakowicz, „En nokt’ silenta” en la plenumo de la ensemblo Muzilo. En la fino aŭdiĝas la instrumenta versio de la kortuŝa kristnaska kanto „Estis ĉe lulilo”.
– Nia hodiaŭa antaŭmikrofona gasto estas la nova volontulo de Bjalistoka E-Societo el Nederlando, Mark Konijnenberg, kiu havis la okazon konatiĝi en la ĵusaj tagoj kun la polaj kristnaskaj tradicioj, sed nia interparolo ne rilatas al ĉi tiuj spertoj de nia gasto.
– La komencaj kulturkronikaj informoj koncernas la Kristnaskrilatajn ekspoziciojn en Krakovo, la suda Pollando; la ĵus inaŭguritan Sukcenan Altaron de la Patrujo en Gdansko kaj tion, ke ankaŭ eksterlandanoj volonte konatiĝas kun la polaj kristnaskaj tradicioj.
– La programinforma foto prezentas la kripeton, al kiu rapidas i.a. polaj nobeloj.
– Nia elsendo estas aŭskultebla ankaŭ en jutubo pere de: https://www.youtube.com/results?q=pola+retradio&sp=CAI%253D

Play

La 712-a E_elsendo el la 22.12.2017 ĉe www.pola-retradio.org

– Nur 10 tagoj restis ĝis la fino de la unua favorpreza aliĝperiodo al la 103-a UK en Lisbono. Tio estas okazo gastigi antaŭ nia mikrofono Konstantan Kongresan Sekretarion, Clay Magalhães, de kiu ni ekscias plej aktualajn informojn pri la preparoj al la kongreso en Lisbono.
– La komencaj kulturkronikaj informoj koncernas la sensacian arkeologian malkovron, nome la 15-miljaran skulptaĵon de la t.n. Venuso – unu el tri malkovritaj en Pollando. La alia koncernas interesan ekspozicion pri la arta evoluo de Magdalena Abakanowicz en la muzeo de teksaĵoj en Lodzo.
– En nia E-komunuma parto ni informas pri sukcesoj de polaj esperantistoj el la loko Nowy Sącz, kiuj okaze de Zamenhof-Tago pro sia poresperanta kaj populariga laboro ricevis ŝtatajn, regionajn kaj urbajn distingojn.
– Hodiaŭ ni prezentas – konforme al la anonco – la 3-an kaj samtempe la lastan parton de la artikolo de Nikola Rašić „Post cent jaroj: Zamenhof hodiaŭ” el la nunjara julia numero de la gazeto de Kroata E-Ligo „Tempo”.
– La programinforma foto prezentas la grafikan simbolon de la 103-a Universala Kongreso de Esperanto en Lisbono.
– Nia elsendo estas aŭskultebla ankaŭ en jutubo pere de: https://www.youtube.com/results?q=pola+retradio&sp=CAI%253D

Play

La 711-a E_elsendo el la 19.12.2017 ĉe www.pola-retradio.org

– En nia hodiaŭa elsendo reference al la daŭranta ankoraŭ Zamenhof-Jaro 2017 ni prezentas la 2-an parton de la artikolo de Nikola Rašić „Post cent jaroj: Zamenhof hodiaŭ” el la nunjara julia numero de la gazeto de Kroata E-Ligo „Tempo”.
– La komencaj aktualaĵoj estas dupartaj. En la unua segmento ni referencas al esploroj de Eurostat pri la stato de la eŭropuniaj infanoj minacitaj de mizero kaj ekskludo. Ni informas krome pri laŭvica regiono de Pollando, kiu instruas al siaj infanoj regionan lingvon. Temas pri Varmio (la nordorienta Pollando). La dua segmento ligiĝas kun proksimiĝanta Kristnasko informante pri la veninta jam al Pollando kaj perata de loko al loko Bet-Leĥema Paclumo kaj pri unu el multaj antaŭkristanskaj publikaj eventoj helpantaj al personoj mizeraj.
– La scienca bulteno prezentas esplorojn pri kaŭzoj de ĉiam pli plaga obezeco, elmontrante la sanigajn efektojn de nur du manĝoj tage.
– La programinforma foto prezentas la antaŭkristnaskan ekumenan renkonton en Bjalistoko.
-Muzike ni memorigas la E-sambon “Homomaĝo Zamenhof” de Dino Baladao.
– Nia elsendo estas aŭskultebla ankaŭ en jutubo pere de: https://www.youtube.com/results?q=pola+retradio&sp=CAI%253D

Play