Kontaktu nin

Aŭskultu nin kaj aŭskultigu aliajn!

Skribu kaj komentu:
retradio.esperanto@gmail.com
(aŭ barbarinella@gmail.com)
Amikaro de Pola Retradio en Esperanto.

Nombro de vizitoj


Subtenu nin

Donacu rete al UEA konto vars-t

※ Donaco estos pagita sumo minus 5% de administraj kostoj ĉe Paypal.
※ Via nomo aperos en la listo de donacintoj. Kontaktu la redakcion se vi volas resti anonima

Redakcia teamo

Barbara PIETRZAK
Gabriela KOSIARSKA
Milada SZWEDO
Maciej JASKOT
Krystyna GROCHOCKA
Tomasz MILLER
Saliĥ ZAKIROV
Bruce CRISP

Arkivoj

Kategorioj

La 912-a E_elsendo el la 19.11.2019 ĉe www.pola-retradio.org

Hodiaŭ en la literatura segmento de nia elsendo ni prezentas la 87-an fragmenton de la romano „Quo Vadis” de Henryk Sienkiewicz en la E-traduko de Lidia Zamenhof. La komencaj aktualaĵoj rilatas al interkonsento inter la Unio kaj Ĉinio pri la reciproka protektado de elektitaj produktoj kun geografiaj nomoj. Ni informas pri la plej nova raporto koncerne la staton de nelegalaj enmigrantoj en Eŭropo. Nia sciencbultena estas dediĉita al kanada ideo „dungi” abelojn por la celoj de plantprotektado.
Muzike akompanas nin ASORTI per sia kanzono „Verda Hejmo Esperanto” el la samtitola KD. La interreta foto prezentas abelojn ĉe abeluja elirejo reference al nia sciencbultena temo.
Tradicie ni disponigas paralele legeblajn kaj aŭdeblajn tekstojn el nia elsendo en unuopaj rubrikoj de nia paĝo, hodiaŭ t.e. estas „novaĵoj” kaj „sciencaj informoj”. Uzu ilin mem kaj rekomendu ilin al viaj E-konatoj, kiel efikan manieron altigi la aŭdokomprenon kaj parolkapablon. La elsendo estas aŭdebla ankaŭ en jutubo ĉe la kanalo Espero2009: https://www.youtube.com/results?q=pola+retradio&sp=CAI%253D

Play

La 911-a E_elsendo el la 15.11.2019 ĉe www.pola-retradio.org

En la riĉa kulturkroniko komence de la elsendo ni informas pri laŭvica turneo de la pola kant- kaj dancensemblo „Śląsk” tra Japanio; pri interesa malkovro dum la restaŭristaj laboroj en Gdansko; pri multaj eksponaĵoj el la itala Pompejo, la unuan fojon rigardeblaj en Pollando. Nia hodiaŭa antaŭmikrofona gasto estas la prezidanto de la Pola E-Asocio, Robert Kamiński kun kiu pri la pola E-movado kaj ankaŭ UEA ni interparolis dum la lasta ARKONES en Poznano. Dank’ al kontribuo de nia japana aŭskultanto Yasuo Tabuchi ni prezentas lian mallongan raporton pri la Korea E-Asocio. Laste ni informas pri la serĉado de sponsoroj por la E-versio de „Unesko-kuriero”. Muzike akompanas nin Amira, korea kantistino kun kiu ni renkontiĝis dum la lasta UK. En ŝia plenumo ni aŭdas la kanton „Ni kunkantu”. La akompana interreta foto ligiĝas kun la turneanta tra Japanio ensemblo „Śląsk”. Ankaŭ hodiaŭ eksterelsende ni disponigas paralele legeblajn kaj aŭdeblajn tekstojn el la hodiaŭa elsendo en unuopaj rubrikoj de nia paĝo t.e. estas „kulturkronikaj informoj”. Uzu tiun nian servon mem kaj rekomendu al viaj E-konatoj, kiel efikan manieron altigi la aŭdokomprenon kaj parolkapablon. Krome en la rubriko „Antaŭ la mikrofono” aŭdiĝas eksterelsende interparolo kun nia antaŭmikrofona gasto.La elsendo estas aŭdebla ankaŭ en jutubo ĉe la kanalo Espero2009: https://www.youtube.com/results?q=pola+retradio&sp=CAI%253D

 
Play

La 910-a E_elsendo el la 12.11.2019 ĉe www.pola-retradio.org

Fine de novembro en la CO de UEA en Roterdamo okazos laŭvica Malferma Tago. En ĝia programo – pri kiu ni mencias aparte – i.a. prelegos Orlando Raola. Lia temo „”Ĉu ni parolis science? Ekskurso tra sep jardekoj de faka kaj populariga scienca verkado en Esperanto”. I.a. pri liaj sciencaj interesiĝoj kaj laboro rilate la E-komunumon ni interparolis kun la nova estrarano de UEA en la lastaj momentoj de la Lahtia UK. En la komencaj aktualaĵoj ni informas pri la pola merkato de dolĉaĵoj kaj plezurmordaĵetoj, pri laŭvica eldono de glacivino el la Jagelona Universitato kaj pri la tradicio de la poznanaj Sankt-Martenaj kornokukoj. La scienca temo estas dediĉita al la hazarde kreita de sciencistoj plej nigra el la konataj materialoj.
Muzike akompanas nin Inicialoj dc per fragmento de la kanzono „La kontraŭsenco” el la KD „Urbano” eldonita de Vinilkosmo. La interreta foto prezentas vingrapolojn el kiuj estas produktata glacivino. Ankaŭ hodiaŭ ni disponigas paralele legeblajn kaj aŭdeblajn tekstojn el nia elsendo en unuopaj rubrikoj de nia paĝo, hodiaŭ t.e. estas „novaĵoj” kaj „sciencaj informoj”. Uzu ilin mem kaj rekomendu ilin al viaj E-konatoj, kiel efikan manieron altigi la aŭdokomprenon kaj parolkapablon. Eksterelsende en la rubriko „Antaŭ la mikrofono” aŭdiĝas interparolo kun Orlando Raola.
La elsendo estas aŭdebla ankaŭ en jutubo ĉe la kanalo Espero2009: https://www.youtube.com/results?q=pola+retradio&sp=CAI%253D

Play

La 909-a E_elsendo el la 08.11.2019 ĉe www.pola-retradio.org

En la komenco de nia vendreda elsendo aŭdiĝas – ĉi foje ampleksa – kulturkroniko, en kiu ni informas pri Stanisław Moniuszko kiel la patrono de la Podlaĥia Operejo en Bjalistoko, pri interesa ekspozicio de la pola pentroarto en Novjorko kaj pri trarigardo de la azia filmarto en Varsovio. Antaŭtage de la 101-a datreveno de la regajnita suverenco en 1918 ni informas pri la vendreda patriota evento en  polaj lernejoj. La E-komunuman segmenton malfermas ampleksa raporto de Marek Nahajowski pri la oktobra simpozio  „Planlingvoj kaj Lingvoplanado”en Vieno. Pliaj E-komunumaj informoj koncernas seminarion por virinoj en Kotonuo, Benino organizitan de „Scio sen bariloj” kaj la 8-an E-Renkontiĝon de la brazila centrokcidenta regiono. Muzike akompanas nin la ensemblo EsTo per la fragmento de la kanzono „Mia rosmareno” el la periodo, kiam Pollando estis regajnanta suverenecon; ni prezentas ankaŭ fragmente la kanzonon de Gijom Armide „La postrompiĝa temp’ ” el lia bita albumo “Nenifar'” eldonita de Vinilkosmo. La akompana interreta foto rilatas al solenaĵo dum kiu la Podlaĥia Operejo en Bjalistoko ricevis la patronon.
Eksterelsende ni disponigas paralele legeblajn kaj aŭdeblajn tekstojn el nia elsendo en unuopaj rubrikoj de nia paĝo, hodiaŭ t.e. estas „kulturkroniko” kaj „felietono”. Uzu mem kaj rekomendu al viaj E-konatoj, kiel efikan manieron altigi la aŭdokomprenon kaj parolkapablon. La elsendo estas aŭdebla ankaŭ en jutubo ĉe la kanalo Espero2009: https://www.youtube.com/results?q=pola+retradio&sp=CAI%253D

Play

La 908-a E_elsendo el la 05.11.2019 ĉe www.pola-retradio.org

Nur antaŭ kelkaj tagoj ĉe Mondial aperis la plej nova romano de Sten Johansson „Ne eblas aplaŭdi unumane”. Pri ĝi kiel verko baldaŭ aperonta ni interparolis kun la aŭtoro dum la lasta UK en Lahtio. La intervjuo kun la konata sveda verkisto estas krome la okazo konatiĝi kun lia vojo al Esperanto, kun liaj ideoj pri E-literaturo kaj pri la bezono kreeme rilati al ĝi flanke de literaturamaj membroj de la E-komunumo. Sten Johansson gvidas la retejon Originala Literaturo Esperanta http://www.esperanto.net/literaturo/, pri kiu li donas kelkajn klarigojn.
En la komencaj aktualaĵoj ni informas pri avana loko de la ekonomia sfero de Lodzo (la centra Pollando) en Eŭropo kaj pri ĉiam pli favora rilato de poloj al la senvianda dieto. La sciencbultena temo estas dediĉita al novaj esploroj pri la efiko de la blua lumspektro emisiata de elektronikaj ekranoj je vivaj organismoj. Tradicie ni disponigas paralele legeblajn kaj aŭdeblajn tekstojn el nia elsendo en unuopaj rubrikoj de nia paĝo, hodiaŭ t.e. estas „novaĵoj” kaj „sciencaj informoj”. Uzu mem kaj rekomendu al viaj E-konatoj, kiel efikan manieron altigi la aŭdokomprenon kaj parolkapablon. Eksterelsende en la rubriko „Antaŭ la mikrofono” aŭdiĝas interparolo kun Sten Johansson. Muzike akompanas nin Jonny M. per la fragmento de sia kanzono „Ie en la mondo”. La interreta foto rilatas al sciencbultena temo pri la efiko de la blua lumspektro je vivaj organismoj.
La elsendo estas aŭdebla ankaŭ en jutubo ĉe la kanalo Espero2009: https://www.youtube.com/results?q=pola+retradio&sp=CAI%253D

Play

La 907-a E_elsendo el la 01.11.2019 ĉe www.pola-retradio.org

 

Nia programo – lige kun la pasantaj en Pollando kaj en multaj aliaj landoj – Tagoj de la Mortintoj havas iom eksterordinaran enhavon. Ni prezentas en ĝi la monologon „Vivo-/vidvokroniko aŭ dek ok monatoj” de Istval Ertl, kiun li prezentis dum la septembra kultura festivalo ARKONES en Poznano,  Pollando. La programinformon akompanas la interreta foto kun omaĝe flamantaj torĉoj, kiel simbolo de la memoro pri ĉiuj forpasintaj aŭskultantoj, amikoj kaj konatoj. La elsendo estas aŭdebla ankaŭ en jutubo ĉe la kanalo Espero2009: https://www.youtube.com/results?q=pola+retradio&sp=CAI%253D

Play

La 906-a E_elsendo el la 29.10.2019 ĉe www.pola-retradio.org

En la literatura segmento de nia marda elsendo ni prezentas la 86-an fragmenton de la romano „Quo Vadis” de Henryk Sienkiewicz en la E-traduko de Lidia Zamenhof. La komencaj aktualaĵoj rilatas al elekto de polo por 2020 kiel la prezidanto de la grupo A6, la temo el la pola gazetaro traktas la informon de Eurostat, ke ankaŭ en 2018 Pollando denove akceptis laborcele plej multajn enmigrantojn. La sciencbultena temo koncernas atingaĵon de polaj sciencistoj, kiuj prilaboris revoluciigan metodon krei terenmapojn tre detalajn kaj en tre rapida tempo. Ĉio ĉi dank’ al artefarita inteligenteco.
Muzike ni prezentas fragmente unu el la plej novaj kantoj de Kajto „La difektita kruĉo”. Ĝi devenas el ĝia lasta KD „La Universala Arbo”. La interreta foto ĉe nia programinformo referencas ĝuste al ĉi tiu kanzono prezentante difektitan kruĉon kiel la ĝardenan florvazon.
Ankaŭ ĉi-foje ni disponigas paralele legeblajn kaj aŭdeblajn tekstojn el nia elsendo en unuopaj rubrikoj de nia paĝo. Uzu mem kaj rekomendu al viaj E-konatoj. Tio praktike helpas al altigo de aŭdokompreno kaj parolkapablo. Hodiaŭ temas pri aktualaĵoj en niapaĝa rubriko „Novaĵoj”, pri la sciencbultena temo en la rubriko „Sciencaj informoj”. La elsendo estas aŭdebla ankaŭ en jutubo ĉe la kanalo Espero2009: https://www.youtube.com/results?q=pola+retradio&sp=CAI%253D

Play

La 905-a E_elsendo el la 25.10.2019 ĉe www.pola-retradio.org

Komence de la vendreda elsendo ni proponas riĉenhavan kulturkronikon, en kiu ni informas i.a. pri datrevena ekspozicio dediĉita al pentraĵoj de Rembrandt en la varsovia Reĝa Kastelo; pri laŭvica ekspozicio de Vitroartaĵoj kaj Vitroinstalaĵoj en Vroclavo kaj pri la restaŭro de la Nacia Muzeo en Kielce.
Hodiaŭ nia antaŭmikrofona gasto estas Halina Gorecka, eksa sekretario de la iniciato de „Ondo de Esperanto” proklamanta Esperantiston de la Jaro. Krome baze de raporto de Paulo S. Viana ni informas pri la 13-a E-kongreso de la brazila ŝtato San-Paŭlo, okazinta en oktobro. Detala raporto troviĝas ĉe la adreso http://easp.org.br/asocio/bela-festo-en-san-karlo/.
Muzike akompanas nin hodiaŭ Manuel Rovere per fragmento de sia kanzono „Esperantisto”. La akompananta la programinformon interreta foto prezentas iun el la vitroeksponaĵoj en Vroclavo.  En niapaĝa rubriko „Kulturkroniko”, post la alklako de la samtitolita trabeto eblas aŭdi kaj pararele legi la tekstojn de niaj kulturkronikaj informoj. Tio estas bona maniero spertiĝi pri la lingva aŭdokapablo, kio ĝenerale altigas la lingvokonon. En la rubriko „Antaŭ la mikrofono” troviĝas eksterelsende interparolo kun nia antaŭmikrofona gasto, Halina Gorecka. La elsendo estas aŭdebla ankaŭ en jutubo ĉe la kanalo Espero2009: https://www.youtube.com/results?q=pola+retradio&sp=CAI%253D

Play

La 904-a E_elsendo el la 22.10.2019 ĉe www.pola-retradio.org

Nia marda antaŭmikrofona gasto estas Ilija Grusarjov venkinta en la literatura kvizo dum la lasta Arkones, samtempe studento de la Interlingvistikaj Studoj en Poznano. Literaturo kiel temo en la hodiaŭa elsendo aperas diversforme – jen en la felietono  pri la daŭranta en Krakovo Conrad-festivalo, jen kiel poeziaĵo de la estona poetino Lilli Promet „Aŭtuno I” en la E-traduko de Hilda Dresen.
En komencaj aktualaĵoj ni informas pri la pasintsemajnaj elektoj al la Konsilio de Homaj Rajtoj ĉe UN – ĝia membro fariĝis ankaŭ Pollando; pri ŝanco de 350 lernantoj el la Bjalistoka regiono, kiuj frekventas Podlaĥian Infanan Universitaton.
Al artefarita inteligenteco ni donas la atenton en la scienca bulteno informante pri ĝiaj pli trafaj balotprognozoj en Pollando ol elmontradis tion antaŭbalotaj opinisondadoj.
Muzike ni memorigas la E-version de la „Apudmoskvaj vesperoj” el la kolekto Oraj Kantoj de Mikaelo Bronŝtejn kaj Garik Kokolija. La interreta foto ĉe nia programinformo prezentas grupeton de lernantoj, kiuj nunjare ricevis studentajn libretojn de Podlaĥia Infana Universitato.
Uzu mem kaj rekomendu al viaj E-konatoj la eblecon aŭskulti kaj paralele legi  tekstojn el niaj programoj en la unuopaj rubrikoj de nia paĝo. Tio praktike helpas al altigo de la aŭdkompreno kaj parolkapablo. Hodiaŭ temas pri aktualaĵoj en niapaĝa rubriko „Novaĵoj”, pri la sciencbultena temo en la rubriko „Sciencaj informoj” kaj felietono en la rubriko „Felietonoj”. Eksterelsende en la rubriko „Antaŭ la mikrofono” aŭdiĝas krome interparolo kun nia antaŭmikrofona gasto. La elsendo estas aŭdebla ankaŭ en jutubo ĉe la kanalo Espero2009: https://www.youtube.com/results?q=pola+retradio&sp=CAI%253D

Play

La 903-a E_elsendo el la 18.10.2019 ĉe www.pola-retradio.org

Antaŭ 170 jaroj mortis la elstara pola komponisto Frederiko Chopin. Lige kun ĉi tiu datreveno ni dediĉas nian felietonon al la historio de lia koro, kiu troviĝas en unu el la pilastroj de la Baziliko de Sankta Kruco en Varsovio. Ĉiutage pilgrimas tien dekoj da muzikŝatantoj, turistoj kaj vizitantoj. De jaroj en lia mortodatreveno aŭdiĝas fidela al epoko plenumo de Rekviemo de Mozart.
Ankaŭ la komenca parto de la elsendo havas kulturan karakteron pro la tradicia en la vendreda programo kroniko. Hodiaŭ ni informas pri Gramophone-premio por la pola juna kontratenorulo Jakub Józef Orliński, pri la 140-jariĝo de la krakova Nacia Muzeo, pri la denova ekspozicio dediĉita al la mezepoka t.n. Średzki-trezoro kun la 14-jarcentaj juveloj.
Fine ni proponas leterkestan renkontiĝon. Muzike akompanas nin hodiaŭ Magnus per sia kanzono „Ekstere” el la KD „Elektronika Kompilo” de Vinilkosmo. La akompananta al la programinformo interreta foto prezentas la pilastron kiu kaŝas la koron de Frederiko Chopin en la varsovia Sanktakruca Bazilio. En niapaĝa rubriko „Kulturkroniko”, post la alklako de la samtitolita trabeto eblas aŭdi kaj samtempe legi la tekstojn de niaj kulturkronikaj informoj. La felietono pri la historio de la koro de Frederiko Chopin estas samtempe legebla kaj aŭskultebla en la rubriko „Felietonoj”. La elsendo estas aŭdebla ankaŭ en jutubo ĉe la kanalo Espero2009: https://www.youtube.com/results?q=pola+retradio&sp=CAI%253D

Play